ខេត្តសៀមរាប ៖ កាលពីថ្ងៃទី១៣ ខែធ្នូ ឆ្នាំ២០១៦ ដែលបានរក្សាទុក ចែកចាយ និងប្រើប្រាស់គ្រឿងញៀនខុសច្បាប់ នៅក្រុមទី០១ ក្នុងភូមិសាលាកំរើក សង្កាត់សាលាកំរើក ក្រុង/ខេត្តសៀមរាប ក្នុងនោះមានការចូលរួមសហការពីកម្លាំងនគរបាលប្រឆាំងគ្រឿងញៀនខេត្ត ។
លោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀន ជាតំណាងលោកឧត្តមសេនីយ៍ត្រី អ៊ុំ អមរា ស្នងការរង ជាប្រធានការិយាល័យកណ្ដាលប្រឆាំងបទល្មើស បានឲ្យដឹងនៅថ្ងៃទី១៤ ខែធ្នូ ឆ្នាំ២០១៦នេះថា ក្នុងកិច្ចប្រតិបត្តិការខាងលើនេះសមត្ថកិច្ចចម្រុះ បានធ្វើការឃាត់ខ្លួនបានជនសង្ស័យប្រុសចំនួន០៧នាក់មាន៖
១ .ឈ្មោះ ពាញ នីហៅប្រុស ភេទប្រុស អាយុ១៦ឆ្នាំ មុខរបរសិស្ស មានទីលំនៅភូមិកើតហេតុ រក្សាទុកនិងចែកចាយហើយមានសារធាតុញៀនក្នុងខ្លួន ។ ២ .ឈ្មោះ ចឺប ម៉ាញ ភេទប្រុស អាយុ១៦ឆ្នាំ មុខរបរគ្មាន ទីលំនៅភូមិតាវៀន សង្កាត់សាលាកំរើក ក្រុង ខេត្តសៀមរាប រក្សាទុកនិងចែកចាយ ហើយមានសារធាតុញៀនក្នុងខ្លួន។ ៣ .ឈ្មោះ ប៊ុន ម៉េងហាក់ ហៅម៉េង ភេទប្រុស អាយុ១៥ឆ្នាំ មុខរបរសិស្ស មានទីលំនៅភូមិតាវៀន សង្កាត់សាលាកំរើក ក្រុង ខេត្តសៀមរាប ប្រើប្រាស់។ ៤ .ឈ្មោះ ជូ ឡាក់ស្តា ភេទប្រុស អាយុ១៤ឆ្នាំ មុខរបរគ្មាន មានទីលំនៅភូមិវត្តបូព៌ សង្កាត់សាលាកំរើក ក្រុង ខេត្តសៀមរាប ប្រើប្រាស់។ ៥ .ឈ្មោះ វ៉ាន់ លីប៉ាវ ភេទប្រុស អាយុ២២ឆ្នាំ មុខរបរគ្មាន មានទីលំនៅភូមិតាវៀន សង្កាត់សាលាកំរើក ក្រុងខេត្តសៀមរាប ប្រើប្រាស់។ ៦ .ឈ្មោះ សែ សេរីវុឌ្ឍី ហៅម៉ាប់ ភេទប្រុសអាយុ១៦ឆ្នាំ មុខរបរសិស្ស មានទីលំនៅភូមិចុងកៅស៊ូ សង្កាត់ស្លក្រាម ក្រុង ខេត្តសៀមរាប ប្រើប្រាស់។ ៧ .ឈ្មោះ លី ស៊ីវចិន ភេទប្រុស អាយុ១៦ឆ្នាំ មុខរបរជាងបិទស្កុតម៉ូតូ មានទីលំនៅភូមិខ្នារថ្មី សង្កាត់ជ្រាវ ក្រុង ខេត្តសៀមរាបប្រើប្រាស់ ។
លោកនាយការិយាល័យបានបញ្ជាក់ថា ក្នុងកិច្ចប្រតិបត្តិការនោះ សមត្ថកិច្ចនគរបាលបានដកហូតបានវត្ថុតាងថ្នាំញៀនប្រភេទម្សៅមេតំហ្វេតាមីន(ម៉ាទឹកកក)ចំនួន១០កញ្ចប់តូច ស្មើនឹងទំងន់៤.២ក្រាម, ទូរស័ព្ទដៃចំនួន០៥គ្រឿង, ម៉ូតូចំនួន០២គ្រឿង និងឧបករណ៍ ប្រើប្រាស់ រួមទាំងសំភារៈវេចខ្ចប់ថ្នាំញៀនមួយចំនួនទៀត ។ បច្ចុប្បន្នជនសង្ស័យនិងវត្ថុតាង ត្រូវបានសមត្ថកិច្ចនគរបាលកសាងសំណុំរឿង បញ្ជូនទៅតុលាការចាត់ការតាមផ្លូវច្បាប់នៅថ្ងៃទី១៤ ខែធ្នូ ឆ្នាំ២០១៦នេះផងដែរ ៕
