ក្រចេះ ៖ កម្លាំងសមត្ថកិច្ចចម្រុះបានបើកប្រតិបត្តិការបង្ក្រាប រថយន្តដឹកឈើល្មើសច្បាប់មួយគ្រឿងនៅស្រុកឆ្លូងខេត្តក្រចេះ ។
ប្រតិបត្តិការនេះចូលរួមសហការមានកម្លាំងប៉ូលីសសេដ្ឋកិច្ចស្រុកឆ្លូង សង្កាត់រដ្ឋបាលព្រៃឈើឆ្លូងនឹងផ្នែករដ្ឋបាលព្រៃឈើឆ្លូង ប៉ូលីសប៉ុស្ត៏រកាកណ្តាល នឹងអង្គការបរិស្ថានអភិរក្សសត្វព្រៃធ្វើឡើងនៅវេលាម៉ាងជាង៤ល្ងាចថ្ងៃទី១២ខែធ្នូឆ្នាំ២០១៦។
លោកនាយសង្កាត់រដ្ឋបាលព្រៃឈើឆ្លូង បានឲ្យដឹងថា រថយន្តដឹកឈើល្មើសច្បាប់នេះ ត្រូវបានកម្លាំងប៉ូលីសប៉ុស្ត៏រការកណ្តាលនឹងអង្គការបរិស្ថានអភិរក្សសត្វព្រៃប្រដេញតាមតាំងពីចំនុចស្ពានពាមទេនៃក្រុងក្រចេះរហូតដល់ស្រុកឆ្លូងទើបកម្លាំងរបស់លោកសហការជាមួយកម្លាំងចម្រុះឃាត់បានរថយន្តដឹកឈើល្មើសច្បាប់មួយគ្រឿងនេះ បំរុងលោតឆ័ត្រទៅលក់បន្តនៅខេត្តព្រៃវែង ។ ក្រោយពីសមត្ថកិច្ចឃាត់បានរថយន្តមិនស្គាល់អត្តសញ្ញាណទេ ព្រោះអ្នកបើកបរនឹងម្ចាស់ឈើបានរត់បាត់ស្ថិតនូវផ្លូវជាតិ៧៣ក្នុងភូមិហាន់ជ័យ ឃុំហាន់ជ័យស្រុកឆ្លូងខេត្តក្រចេះ។
លោកបានបន្តទៀតថា ឈើទាំងនេះជាប្រភេទឈើក្រហមលេខ២មិនទាន់ដឹងតួលេខទេព្រោះកម្លាំងរបស់លោកមិនទាន់ធ្វើការវាស់វែងរួច ។ បច្ចុប្បន្នរថយន្តដឹកឈើល្មើសច្បាប់នេះបានយកទៅរក្សាទុកនៅសង្កាត់រដ្ឋបាលព្រៃឈើឆ្លូងដើម្បីចាត់ការតាមច្បាប់រដ្ឋបាលព្រៃឈើ ៕
