ក្រចេះ ៖ កម្លាំងនគរបាលការិយាល័យប្រឆាំងបទល្មើសគ្រឿងញៀន ខេត្តក្រចេះ និងបញ្ជូនជនសង្ស័យចំនួន ២ នាក់ពាក់ព័ន្ធនឹងករណីជួញដូររក្សាទុកដោយខុសច្បាប់នូវសាធាតុញៀននឹងវត្ថុតាងមួយចំនួនទៅតុលាការនៅរសៀលថ្ងៃទី១២ខែធ្នូឆ្នាំ២០១៦នេះ។
លោក គង់ ស៊ីដន ប្រធានការិយាល័យប្រឆាំងបទល្មើសគ្រឿងញៀន នៃស្នងការនរគបាលខេត្តក្រចេះ បានបញ្ជាក់ឲ្យដឹងថា
កម្លាំងនរគនគរបាលស្រុកឆ្លូង ឃាត់ខ្លួនជនសង្ស័យទាំងពីរ នាក់នៅចំនុចតៀមកាហ្វេក្បាលស្ពានព្រែកសាម៉ាន់ ស្ថិតក្នុងភូមិព្រែកសាម៉ាន់ ឃុំព្រែកសាម៉ាន់ ស្រុកឆ្លូង ខេត្តក្រចេះ កាលពីថ្ងៃទី១០ ខែធ្នូ ឆ្នាំ២០១៦ ។
ចំណែកនគរបាលស្រុកឆ្លូងបានឲ្យដឹងថា ប្រតិបត្តការបង្គ្រាបនេះ ដោយមានការសម្របសម្រួលពីលោក ធុច បញ្ចសន្តិភាព ព្រះរាជអាជ្ញារងអមសាលាដំបូងខេត្តក្រចេះ ឈានទៅដល់ឃាត់ខ្លួនជនសង្ស័យចំនួន ២ នាក់នៅចំនុចកើតហេតុខាងលើ ។
នគរបាលបន្ដទៀតថា ជនសង្ស័យទី១. ឈ្មោះ យ៉ាន ហាំម៉ាត់ ភេទប្រុសអាយុ១៨ឆ្នាំ ជនជាតិខ្មែរឥស្លាម មុខរបរកម្មករទូកគ្រួស។ ជនសង្ស័យទី២. ឈ្មោះ វីស៊ូហារី ភេទប្រុស អាយុ២១ឆ្នាំ ជនជាតិខ្មែរឥស្លាម មុខរបរថៅកែទូកគ្រូស អ្នកទាំងពីររស់នៅភូមិល្វាធំឃុំព្រែកសាម៉ាន់ ស្រុកឆ្លូង ឆែកឆេរលើខ្លួនអ្នកទាំងពីរ ដកហូតបានវត្ថុតាងម្សៅក្រាមពណ៌ ប្រភេទមេតំហ្វេតាមីន ចំនួន៦កញ្ចប់ ប្រាក់ដុល្លាក្លែងក្លាយក្រដាស១០ចំនួន ២ សន្លឹក ជញ្ជីងថ្លឹងគ្រឿងញៀន១នៅជាប់និងខ្លួន។
បច្ចុប្បន្ន ជនសង្ស័យ ខាងលើត្រូវបានឃាត់ខ្លួនបណ្តោះអាសន្ន នៅការិយាល័យប្រឆាំងបទល្មើសគ្រឿងញៀនខេត្ត និងកំពុងកសាងសំណុំរឿងបញ្ជូនជនសង្ស័យទាំងពីរនាក់ ទៅកាន់សាលាដំបូងខេត្តក្រចេះនៅរសៀលថ្ងៃទី១២ខែធ្នូឆ្នាំ២០១៦ដើម្បីចាត់ការទៅតាមនីតិវិធីច្បាប់ ៕
