ខេត្តក្រចេះ៖ស្រុកស្នួលបុរសម្នាក់ក្នុងចំណោមអ្នកស៊ីសឈ្នួលដឹកឈើតាមម៉ូតូយកទៅលក់ អោយឯកឧត្តមគង់ ក្រឹងអនុវរៈយោធាការពារព្រុំដែនលេខ២០៤បានដួលម៉ូតូឈើសង្កត់ស្លាប់ទាំងព្រឹក ដោយសារត្រូវបានប៉ូលីសវរៈសេនា តូចលេខ៦១៩ដែលឈរជើងនៅតាម បណ្ដោយ ផ្លូវលេខ ៧៤ ស្ថិតនៅ ចំណុចច្រប ក្នុងឃុំ ២ធ្នូ ស្រុកស្នួល ខេត្តក្រចេះ ឃាត់សុំ លុយ ហើយទាញដៃចង្កូតបណ្តាលអោយដួលម៉ូតូ ត្រូវឈើសង្កត់លើបែកក្បាលស្លាប់ទាន់ហន់តែម្តង។
ហេតុការណ៍នេះកើតឡើងវេលា ម៉ោង១០ និង៣០នាទី ព្រឹកថ្ងៃទី១១ខែធ្នូឆ្នាំ២០១៦ស្ថិតតាមបណ្តោជាតិ៧៤ ភូមិច្រាប ឃុំ២ធ្នូ ស្រុកស្នួល ខេត្តក្រចេះជនរងគ្រោះដែលស៊ីឈ្នួលដឺកឈើឲ្យឈ្មួញគង់ក្រឹង ឈ្មោះដូតក្រកភេទប្រុសអាយុ២៤ឆ្នាំ ទីលំនៅភូមិស្នួលវត្តលិច ឃុំស្នួលស្រុកស្នួលខេត្តក្រចេះជាអ្នក ស៊ីឈ្នួល ដឹកឈើ ឲ្យឈ្មោះ គង់ ក្រឹង មេបញ្ជា ការរង វរៈព្រំដែន ២០៤ ដោយត្រូវ ដឹកឈើ ទៅកាន់ភូមិ ត្រពាំងស្រែ ដែលជា ទីតាំង របស់វរៈ ២០៤ ឈរជើង ។
តាមប្រភពពីប្រជាពលរដ្ឋនៅភូមិឃុំខាងលើ បានឲ្យដឹងថា៖ ដោយសារតែមេឈ្មួញឈើដុះស្លែខាងលើបានអោយតំលៃថ្លៃទៅលើ ភេទឈើប្រណិតទាំងនេះទើបធ្វើអោយប្រជាពលរដ្ឋនាំគ្នាសម្រុកចោលការងារ ផ្ដូរពីមុខរបកសិកម្មដាំដុះមកដឹកឈើលក់ អោយ ឯកឧត្តម គង់ ក្រឹង វិញ ។ ដោយសារអាងខ្លួនជាមត្តកិច្ចការពារព្រុំដែនលោកគង់ក្រឹងត្រូវបានប្រជាពលរដ្ឋរាយការណ៍ថាជាអ្នកប្រកបអាជីវកម្មជួញឈើប្រណិតជាង១០ឆ្នាំមកហើយតែគ្មានសមត្តកិច្ចការចាប់ឬបង្ក្រាបម្តងណាឡើយ។
លោក គង់ ក្រឹង ដោយសារអាងស្គាល់សមត្តកិច្ចខេត្តក្រចេះ ព្រោះមានអតីមន្ត្រីប៉ូលិសប៉ុស្តិត្រពាងស្រែ ឈ្មោះ សួង ឈុនសេង ជាមេការរត់ការផ្តល់សេវាដល់ពួកសមត្ថកិច្ច ទាំងនោះ រួមមាន មេព្រៃ និងប៉េអឹម ព្រមទាំង សមត្ថកិច្ច តាមដងផ្លូវ ពីស្រុក ចិត្របុរី រហូតដល់ ស្រុកស្នួលចេញទៅព្រុំដែនវៀតណាមក្នុងឃុំត្រពាំងស្រែធ្វើឲ្យបទបញ្ជា របស់សម្តេច ឲ្យបង្ក្រាបបទល្មើសព្រៃឈើគ្មានសុពលភាព ចំពោះលោកគង់ ក្រឹង ដែលគ្រាន់ តែជា អនុវរៈសេនា តូចការពារ ព្រំដែន២០៤ ម្នាក់នោះឡើយ ។
ប្រជាពលរដ្ឋ នៅតាម បណ្តោយ ផ្លូវក្នុង ស្រុកស្នួល កំពុងតែ រិះគន់ យ៉ាងខ្លាំង ទៅលើសមត្ថកិច្ចខេត្តក្រចេះ ថាគ្មានសមត្ថភាព ក្នុងការបង្ក្រាបបទល្មើសព្រៃឈើឡើយ គឺឈរនៅ តាមដងផ្លូវ ចាំតែយក លុយពី បទល្មើស
តែប៉ុណ្ណោះ។ក្នុងការអនុវត្តបទល្មើស ដឹកឈើ ប្រណិត លោកគង់ ក្រឹង ប្រើរូបភាព ពីដឹក តាមឡាន មកដឹក តាមម៉ូតូ និងដឹកតាមរទេះគោក្របី។
ចំពោះ ករណី នគរបាល វរៈ៦១៩កាក់ម៉ូតូដឹកឈើ បណ្ដាល ឲ្យដួលឈើ សង្កត់លើ បណ្ដាលឲ្យ អ្នកដឹក ឈើស្លាប់ ទាន់ហន់ចឹងចាំមើលថា រដ្ឋបាល សាលា ខេត្តក្រចេះ នឹងធ្វើ របាយការណ៍ ដាក់ករណី អ្នកស្លាប់ ជាគ្រោះថ្នាក់ ចរាចរណ៍ ឬអាច ពាក់ព័ន្ធ ទៅនឹង បទល្មើស ផ្សេងទៀត? ។
ព្រោះខាងមន្ត្រីនគរបាលគេបានបកស្រាយថាមុនកើតហេតុមានម៉ូតូមួយគ្រឿងបើកបរដោយឈ្មោះដូតក្រតភេទប្រុសអាយុ២៤ឆ្នាំរស់នៅភូមិស្នួលវត្តលិចឃុំស្នួលស្រុកស្នួលដែលបានស៊ីស្នួលដឹកឈើឲ្យគេ៣ដុំទំហំ០.២៥ម. ។ មកដល់ចំណុចមុខទីបញ្ជារការវរៈសេនាតូចនគរបាលការពារព្រំដែនលេខ៦១៩ ស្រាប់តែមានរថយន្ត២គ្រឿងមួយម៉ាកកាមរីឆ្លាម និងមួយគ្រឿងទៀតម៉ាកកាមរីស្វិត មិនច្បាស់ពណ៌បានបើកស្របគ្នាក៍បានធ្វើឲ្យប៉ះម៉ូតូ ។ ពេលនោះ ម៉ូតូបានជ្រុលធ្លាក់ផ្លូវចិញ្ចើមថ្នល់ត្រង់ចំណុចមុខទីបញ្ជារការវរៈនោះ ហើយបានដួលត្រូវឈើនៅលើម៉ូតូសង្កត់អ្នកបើកម៉ូតូចំក្បាលបណ្ដាលឲ្យស្លាប់ភ្លាមៗ នៅនឹងកន្លែងចឹងទៅ(ស៊ិក) ។
ប្រភពបានបន្តថា ដោយឡែករថយន្តទាំង២គ្រឿងនោះបើកហួសទៅព្រំដែនបាត់ ដោយមិនអាចកំណត់អត្តសញ្ញាណរថយន្តនោះច្បាស់ទេ ។ បើចឹងវាច្បាស់ហើយថា ជនរងគ្រោះនឹងស្លាប់ទទេ ប្រសិនបើគ្រួសាជនរងគ្រោះគ្មានសអ្វីជាសំអាងក្នុងការប្តឹងមេឈ្មួញឈ្មោះគង់ក្រឹងដែលជួលឲ្យដឹកឈើយកមកឲ្យនោះ។ សង្ឃឹមក្រុមដៃគូ ម៉ូតូនឹងជួលគ្នាក្នុងរឿងនេះ ដើម្បីបញ្ជាក់ថា ខាងណាជាអ្នកបង្ក? ៕
