បាត់ដំបង ៖ កាលពីរសៀលថ្ងៃទី០៩ ខែធ្នូ ឆ្នាំ២០១៦ មានការតែងតាំង និងផ្ទេរតំណែងមេពន្ធដារ សាខាខេត្តបាត់ដំបង ដោយលោក ជា ពិសិដ្ឋ ត្រូវដាក់ឲ្យចូលនិវត្តន៍ ហើយលោក គង់ វិបុល មេពន្ធដាធំបានបញ្ជូនលោក ហេង ជុំនិត ជាអតីតអនុប្រធានការិយាល័យនៅអគ្គនាយកដ្ឋានពន្ធដានៅភ្នំពេញ ឲ្យមកទទួលតំណែងជំនួសជាប្រធានសាខាពន្ធដារខេត្តបាត់ដំបង ។
ពីធីផ្ទេរតំណែងដែលប្រព្រឹត្តទៅក្រោមវត្តមានលោក គង់ វិបុល ប្រតិភូរាជរដ្ឋាភិបាលទទួលបន្ទុក អគ្គនាយកពន្ធដា និងចៅហ្វាយខេត្តបាត់ដំបងលោក ចន្ទ័ សុផល មិនជាការសាទរពីមន្ត្រីក្នុងសាខាពន្ធដារខេត្តបាត់ដំបងប៉ុន្មានទេ ដោយសារការតែងតាំងមនុស្សនេះ ត្រូវបានគេមើលឃើញថាមានភាពមិនប្រក្រតី ។
សូមបញ្ជាក់ដែរថា នៅក្នុងសាខាពន្ធដាខេត្តបាត់ដំបង មានមន្ត្រីដែលជាអនុសាខាចំនួន ៤ រូប ទីមួយឈ្មោះ ញ៉ែត ឈឿន ទី២ ឈ្មោះ ទូច សុធី ទី៣ ឈ្មោះ អាង ទី និងទី៤ ឈ្មោះ សេន ភា ។ តែប្រហែលជាលោក គង់ វិបុល មើលមកឃើញថា អ្នកទាំងបួនជាមនុស្សចោលម្សៀតហើយ បានជាមិនតម្លើងឋានៈ ឲ្យពួកគេទៅតាមអនុសាសន៍នាយកររដ្ឋមន្ត្រីតែជោ សែន ដែលតម្រូវឲ្យជ្រើសមន្ត្រីថ្នាក់ក្រោមជាតិជាមុនសិន ។ ប៉ុន្តែបើលោក គង់ វិបុល និងលោក ច័ន្ទ សុផល ចៅហ្វាយខេត្តបាតដំបងយល់ថា អនុប្រធានទាំង៤សុទ្ធតែជាមនុស្សដែលអាចធ្វើការងាប្រមូលពន្ធបាននោះ មានន័យថា លោក គង់ វិបុល និងលោក ហេង ជុំនិត មេនិងកូនមានអីៗជាមួយគ្នាជាមិនខាន ហើយបើចង់ដឹងឲ្យអង្គភាពប្រឆាំងអំពើរពុករលួយស្រាវជ្រាវលមើល! ។
លោក ហេង ជុំនិត បានប្រកាសចំពោះមុខមេ និងអាជិវករដែលចូលរួមថា ៖ ខ្លួននឹងខិតខំធ្វើការប្រមូលពន្ធដារអោយបានលើសពីផែនការដែលក្រសួងនិងរដ្ឋាភិបាលដាក់អោយ ។ ដោយសារតែមានការអះអាងហួសហេតុបែបនេះ បានធ្វើអោយអាជីវករនិងពលរដ្ឋបានចូលរួមក្នុងកម្មវិធីពេលនោះពេបមាត់ ដោយនិយាយដូចៗគ្នាថា ដើម្បីបំពេញចិត្តមេៗ និងក្រសួងនាំគ្នាមកប្រមូលច្របាច់ករាស្ត្រ និងអាជីវករពួកគាត់មិនខាន ។ ទោះជាយ៉ាងណា ប្រជាពលរដ្ឋជាអាជីវករនិយាយថា គេមិនខ្លាចនឹងបង់ពន្ធជូនរដ្ឋទេ ឲ្យតែការបង់ពន្ធស្មោះ គ្មានពុករលួយ ពិសេសទប់ស្កាត់ទំនិញគេចពន្ធដែលមកប្រកួតប្រជែងជាមួយ ។ ជាងនេះទៅទៀត មន្ត្រីពន្ធដាត្រូវតែបង្កលក្ខណៈងាយស្រួលដល់អ្នកបង់ពន្ធ កុំឲ្យអ្នកទៅបង់ពន្ធដូចទៅខ្ចីឬសុំលុយមន្ត្រីពន្ធដារចឹងនោះ ៕
