ខេត្តព្រៃវែង ៖ នៅរសៀលថ្ងៃទី០9 ខែធ្នូ ឆ្នាំ២០១៦កម្លាំងអធិការដ្ឋាននគរបាលស្រុក ពាមរក៍ រួមនិងលោកនាយប៉ុស្តិ៍នគរបាលរដ្ឋបាល បានចុះផ្សព្វផ្សាយអប់រំ ដល់ប្រជាពលរដ្ឋដែលលេងល្បែងស៊ីសងខុសច្បាប់គ្រប់ប្រភេទ និងធ្វើកិច្ចសន្យា ដើម្បីកុំអោយកត់ឆ្នោតកន្ទុយលេខវៀតណាម និង ឆ្នោត ខ្មែរ ប្រភេទជាកន្ទុយលេខ ព្រមទាំងបានបិទនូវបំរាម នៅតាមជញ្ជាំងផ្ទះ ទីប្រជុំជន ក្នុងផ្សារ ក្នុងឃុំ ព្រែកខ្សាយ(ក) និង ឃុំ ព្រែកខ្សាយ(ខ) ។
លោកវរៈសេនីយ៍ទោ សេង ពន្លក បានមានប្រសាសន៍ ប្រាប់ ឲ្យដឹងថា កាលណានៅមានបងប្អូនប្រជាពលរដ្ឋនៅតែប្រព្រឹត្តលេងល្បែងស៊ីសងខុសច្បាប់នៅក្នុងមូលរដ្ឋាន ជននោះត្រូវទទួលខុសត្រូវនៅមុខច្បាប់ ដោយខ្លួនឯង ។
លោកអធិការ សេង ពន្លក ក៏បានសំណូមពរអោយបងប្អូនប្រជាពលរដ្ឋទាំងអស់ សុំអោយមានជំនឿ សមត្ថកិច្ចក្នុងការបង្ក្រាប និងទប់ស្កាត់ រាល់បទល្មើសដែលកើតមាននៅក្នុងមូលដ្ឋានរបស់បងប្អូន ហើយនិងសុំអោយបងប្អូនប្រជាពលរដ្ឋទាំងអស់ ជួយផ្ដល់ដំណឹង រាល់ការមានបទល្មើសផ្សេងៗក្នុងមូលដ្ឋានផងដែរ ដើម្បីអនុវត្តតាមយុទ្ធសាស្ត្រចតុកោណរបស់ប្រមុខរាជរដ្ឋាភិបាល ឲ្យមានប្រសិទ្ធភាព គឺភូមិឃុំមានសុវត្តិភាព ៕