លោកជំទាវ ញ៉ឹក សាគន្ធ សមាជិកក្រុមបឹក្សាខេត្តាបាត់ដំបង , លោក ផាន់ ហៃ ព្រមទាំងបុត្រ , លោក ឧកញ៉ា វង្ស ដួង លោកជំទាវ ញ៉ែម ស៊ីណេត ព្រមទាំងបុត្រ លោក ដួង ចាន់ អ្នកស្រី ឈឹម សារ៉េត ព្រមទាំងបុត្រ អ្នកស្រី ខា ទៀង លោកគ្រូ ញ៉ែម ហាន អ្នកស្រី យិន ដានី ព្រមទាំងបុត្រ លោក ហាក់ ស្រ៊ី អ្នកស្រី សួ ឃីម ព្រមទាំងបុត្រ លោក អ៊ឹង គួយ អ្នកស្រី សូ ងី ព្រមទាំងបុត្រ លោក វ៉ន វិរិន អ្នកស្រី ឈុន អុន ព្រមទាំងបុត្រ ឧបាសិកា ស៊ុំ ឡេ ព្រមទាំងបុត្រ។ មាតាបិតាមានសទ្ធាជ្រះថ្លាចូលរួមកាន់បិណ្ឌវេនទី ៦ វត្តទួលតាឯក ហៅវត្តឯករស្មី កាលពីថ្ងៃ ទី១៤ ខែ កញ្ញា ឆ្នាំ២០១៤ ហើយក៏មានវត្តមានឯកឧត្តម លោកជំទាវ លោកស្រី អស់លោក នៅក្នុងសង្កាត់ទួលតាឯក នឹងព្រះបរិស័ទ ចូលរួម យ៉ាងច្រើនផងដែរ។
បុណ្យកាន់បិណ្ឌជាបុណ្យប្រពៃណីដ៏ធំមួយ ក្នុងចំណោមបុណ្យប្រពៃណីជាតិជាច្រើន របស់ជាតិផ្នែកខាងព្រះពុទ្ធសាសនា ដែល ព្រះពុទ្ធបរិស័ទ នៅទូទាំងប្រទេសតែងតែប្រារព្វធ្វើឡើងជារៀងរាល់ឆ្នាំ ចាប់ពីថ្ងៃទី១ រោជ ដល់ ថ្ងៃទី១៥ រោជ ខែ ភទ្របទ ក្នុងគោលបំណង ចូលរួមថែរក្សាប្រពៃណី ទំនៀមទំលាប់តាំងពីដូនតា ក៏ដូចជាលើកស្ទយ្ទួវិស័យព្រះពុទ្ធសាសនា ឱ្យបានថ្កុំថ្កើនរុងរឿង ពិសេសទ្រទ្រង់ ឧបត្ថម្ភ ដល់ ព្រះសង្ឃគង់ចាំព្រះវស្សា អស់ត្រីមាសទៅតាមពុទ្ធប្បញត្តិនៃយើង។
ក្នុងប្រសាសន៍សំណេះសំណាល លោកជំទាវ ញ៉ឹក សាគន្ធ សមាជិកក្រុមប្រឹក្សាខេត្ត បានសំដែងការអបអរសាទរ ចំពោះ សទ្ធាជ្រះថ្លា ក្រោមការរួបរួមគ្នា ព្រះពុទ្ធសាសនាត្រូវបានច្បាប់កំពូល របស់ជាតិទទួលស្គាល់ថា ព្រះពុទ្ធសាសនារបស់ជាតិ។ លោកជំទាវបានបន្តទៀតថា ៖ សូមឱ្យពុទ្ធបរិស័ទចំណុះជើងវត្ត ទាំងអស់ជួបតែសេចក្តីសុខ សេចក្តីចំរើនរកស៊ីទទួលទានមានបាន គ្រប់ៗគ្នា ក្រោយមកលោកជំទាវ លោកស្រី បានប្រគេន បច្ច័យដល់ព្រះសង្ឃនៅវត្តមានចំនួន ៤ លានរៀល សម្រាប់កសាងជួសជុលព្រះវិហារថែមទៀតផង ហើយលាកជុំទាវក៏បានប្រគេន បច្ច័យដល់លោកសង្ឃអាពៀត នៅវត្តពោធិ៍វាលចំនួន ១០០ ដុល្លា ដែលកំពុងព្យាបាល នៅប្រទេសថៃ ផងដែរ ៕