ហេតុការណ៍ គ្រោះថ្នាក់ ចរាចរណ៍ មួយ បាន កើត ឡើង នៅចំនុចដីសម្បទាន ភូមិកសាងឃុំចង្ក្រង់ស្រុកចិត្របុរី ខេត្តក្រចេះលើផ្លូវជាតិលេខ៧ ចន្លោះគីឡូម៉ែត៣៤៩/៣៥០ (ក្រចេះ/ស្ទឹងត្រែង) នៅវេលាម៉ោង១៣:៣០នាទី ថ្ងៃទី០៨/១២/២០១៦ រវាងរថយន្ត មួយគ្រឿងបើកបរដោយ ជនជាតិចិន បានរេចង្កូត ទៅ បុក ម៉ូតូបណ្ដាល ឲ្យ ស្ដ្រី ម្នាក់ ស្លាប់ នៅនឹងកន្លែង ។
បើតាម ប្រភពពី ប្រជាពលរដ្ឋ បាន ឲ្យ ដឹងថា រថយន្ត មួយគ្រឿងបើកបរតាមផ្លូវជាតិលេខ៧ ចន្លោះគីឡូម៉ែត៣៤៩/៣៥០ (ក្រចេះ/ស្ទឹងត្រែង) ទិសដៅពីត្បូងទៅជើង ក្នុងលឿនលឿនបានរេចង្កូតចូលទៅបុកម៉ូតូចំពី មុខ ពេញ ទំហឹង បណ្តាល ឱ្យ អ្នក ជិះ ម៉ូតូ វីវ៉ា ពណ៍ខ្មៅ គ្មានស្លាកលេខដែល ធ្វើដំណើរពីជើងទៅត្បូង មានឈ្មោះ វ៉ាន ចន្នី ភេទស្រីអាយុ៤២ ឆ្នាំទីលំនៅភូមិកសាង ឃុំចង្ក្រង់ ស្រុកចិត្របុរី ខេត្តក្រចេះ បានស្លាប់ភ្លាមៗនៅហ្នឹងកន្លែងកើតហេតុ ។
រីឯរថយន្តបង្កម៉ាក LAND CRUISER ពណ៌ ស ស្លាលេខ ភ្នំពេញ 2Y-7761 ដែលបើកបរដោយជនជាតិចិនឈ្មោះ ហ្យាំ ហ្វរធ័រ ភេទប្រុស អាយុ៤០ ទីលំនៅ ខណ័សែនសុខ រាជធានីភ្នំពេញ ដោយរថយន្តបង្ក និងម៉ូតូបើកបរក្នងទិសដៅបញ្ច្រាសគ្នា ។
ក្រោយពេលកើតហេតុ សមត្ថកិច្ចបានយករថយន្តបង្កខាងលើទៅរក្សាទុកនៅអធិការដ្ឋាននគរបាលស្រុកចិត្របុរី រីឯសពជនរងគ្រោះយកទៅធ្វើបុណ្យតាមប្រពៃណី ចំណែកជនបង្កត្រូវបានសមត្ថកិច្ចនាំយកទៅសាកសួរអធិការដ្ឋាននគរបាលស្រុក ៕