បាត់ដំបង ៖ កញ្ញា រស់ពៅ ធីតាយុវនារីវ័យក្មេងមួយរូបដែលមាន តួនាទីជាអនុប្រធានការិយាល័យថ្មីៗនេះត្រូវបានក្រសួងមហាផ្ទៃចេញប្រកាសតែងតាំង ទៅជានាយករងរដ្ឋបាលខេត្តបាត់ដំបងទាំងខ្ចីញ៉េញធ្វើមន្ត្រីនៅសាលាខេត្តពេបមាត់បត់ដុំដៃដាកលោកចន្ទ័សុផលថាតម្លើងមនុស្សដោយរំលោភបំពាននីតិវិធីនៃឋានានុក្រមរបស់មន្ត្រីរាជការ ។
ប្រភពពីមន្ត្រីរដ្ឋបាលសាលាខេត្តបាត់ដំបងដែលសុំមិនបញ្ចេញឈ្មោះបានសម្តែងនូវការមិនពេញចិត្តចំពោះការតែងតាំងមុខតំណែងរបស់កញ្ញា រស់ពៅ ធីតា ពីអនុប្រធានការិយាល័យ ទៅជានាយករងរដ្ឋបាលខេត្តបាត់ដំបងដោយផ្លោះរំលងថ្នាក់នោះ (ផ្លោះពីប្រធានការិយាល័យ នាយករងទីចាត់ការ និងនាយកទីចាត់ការ) ហើយការតែងតាំងរបៀបរំលោភបំពានឋានានុក្រមបែបនេះ បានធ្វើឲ្យមន្ត្រីមួយចំនួនបាក់ទឹកចិត្តក្នុងការបំពេញភារកិច្ច ។ ព្រោះសម័យឥឡូវនេះ ឲ្យតែមានខ្សែទុយោក្មេងខ្លះដែលមិនទាន់ជ្រុះពន្លៃពីក្បាលច្បាស់ជាឡើងសក្តិឡើងឋានៈក្រឺតៗរំលងក្បាលមន្ត្រីចាសៗជាមិនខាន។
ឯកឧត្តម ច័ន្ទ សុផល អភិបាលនៃគណៈអភិបាលខេត្តបាត់ដំបង មិនទាន់អាចសុំការបំភ្លឺបញ្ជាក់អំពីមូលហេតុនៃការតែងតាំងមុខតំណែងកញ្ញា រស់ពៅ ធីតាដែលមានតួនាតីជាអនុប្រធានសហភាពសហពន្ធ័យុវជនកម្ពុជាខេត្តបាត់ដំបងដែលមានលោកសរដ្ឋាកូនសម្តេចក្រឡាហោមសខេងជាប្រធាននោះ តាមរបៀបផ្លោះថ្នាក់ពីអនុប្រធានការិយាល័យ ទៅជានាយករងរដ្ឋបាលខេត្តបាត់ដំបង បង្កឲ្យមានការរិះគន់ពីសំណាក់ក្រុមមន្ត្រីរាជការនោះបាននៅឡើយ គិតត្រឹមថ្ងៃទី០៧ ខែធ្នូ ឆ្នាំ២០១៦នេះ ។
គេនៅចាំបានថា សម្តេចក្រឡាហោម ស ខេង ធ្លាប់បានព្រមាន ឲ្យបញ្ ឈប់តែងតាំតម្លើងឋានៈមន្ត្រីរាជការក្រសួងមហាផ្ទៃដោយការប្រកាន់បក្ខពួក ៕