ក្រចេះ ៖ កម្លាំងរដ្ឋបាលព្រៃឈើឆ្លូងសហការជាមួយផ្នែករដ្ឋបាលព្រៃឈើឆ្លូងនឹងកម្លាំងប៉ូលីសសេដ្ឋកិច្ចស្រុកឆ្លូង បានបើកប្រតិបត្តិការបង្ក្រាបបានរថយន្តសាំយ៉ុង ដឹកឈើប្រណីតខុសច្បាប់មួយគ្រឿងនៅដងផ្លូវ ជាតិ៧៣ ត្រង់ចំនុចវិទ្យាល័យគាត ឈន់ ឃុំហាន់ជ័យស្រុកឆ្លូងខេត្តក្រចេះកាលពីរសៀលថ្ងៃទី០៣ខែធ្នូឆ្នាំ២០១៦នេះ ។
មន្ត្រីរដ្ឋបាលសង្កាត់រដ្ខបាលព្រៃឈើឆ្លូងបានឲដឹងថាកម្លាំងរបស់លោកបានសហកាជាមួយកម្លាំងចម្រុះទើបឃាត់បានរថយន្តដឹកឈើប្រនិតខុសច្បាប់នេះបំរុងលោតឆ័ត្រទៅលក់នៅខេត្តត្បូងឃ្មុំ។ក្រោយពីពីសមត្ថកិច្ចឃាត់បានរថយន្តអ្នកបើកបរមិនស្គាល់អត្តសញ្ញាណម្ចាស់ដឹកឈើនោះទេ។
មន្ត្រីដដែលបានបន្តទៀតថា ឈើទាំងនេះជាប្រភេទឈើលេខ ១ ហើយធ្វើកាវាស់វែងស្មើនឹង០.៩៦០មែត្រគូប ។ បច្ចុប្បន្ន ត្រូវបានកម្លាំងសង្កាត់រដ្ឋបាលព្រៃឈើឆ្លូងយកមករក្សាទុកដើម្បីចាត់ការបន្ត ។ លោកនាយសង្កាត់រដ្ឋបាលព្រៃឈើឆ្លូងបានប្រាប់កាលពីថ្ងៃទី០៥ ខែធ្នូ ឆ្នាំ ២០១៦ ថា កម្លាំងរបស់លោកកំពុងកសាងសំនុំរឿងនឹងបញ្ជូនរថយន្តដឹកឈើប្រនិតខុសច្បាប់ទៅកាន់តុលាការខេត្តក្រចេះនៅព្រឹកស្អែកថ្ងៃទី០៦ខែធ្នូឆ្នាំ២០១៦ដើម្បីចាត់ការតាមនីតិវិធីច្បាប់៕
