ខេត្តកំពង់ស្ពឺ ៖ បទល្មើសកាប់បំផ្លាញនិងដឹកជញ្ជូនឈើចេញពីតំបន់ដែនជម្រកសត្វព្រៃភ្នំឱរ៉ាល់ និងតំបន់អភិរក្សការពារជួរភ្នំក្រវ៉ាញ នៅតែបន្តកើតឡើងឥតឈប់ឈរ ដោយសារមន្ត្រីបរិស្ថាននិងមេព្រៃដែលឈរជើងនៅតំបន់នោះ គឺជាអ្នក បើកភ្លើងខៀវឲ្យ។
ប្រភពពីប្រជាពលរដ្ឋបានឲ្យដឹងថា ៖ ឈើដែលគេកាប់ដឹកចេញពីតំបន់ជម្រកសត្វព្រៃភ្នំឱរ៉ាល់ និងពីតំបន់ជួរភ្នំក្រវ៉ាញកំពុងត្រូវបានឈ្មួញដឹកជញ្ជូនតាមច្រក់អូរត្រាវ និងឱរាល់ ដោយប្រើគោយន្តកន្ត្រៃនិងរថយន្តកែឆ្នៃជាច្រើនគ្រឿង ដឹកឈើចេញពីដែនជំរកជារៀងរាល់ថ្ងៃ យកមកដាក់នៅចំណុចស្ពានដែក ស្ថិតនៅក្នុងឃុំត្រពាំងជោ ស្រុកឪរ៉ាល់ ខេត្តកំពង់ស្ពឺ ដើម្បីធ្វើការដឹកបន្តទៅលក់តាមដេប៉ូរលក់ឈើអត់ច្បាប់មួយចំនួន ក្នុងខេត្តកំពង់ស្ពឺ និងដឹកបន្តទៅប្រទេសវៀតណាម កាត់តាមខេត្តកំពត ឬដឹកចេញទៅតាមផ្លូវជាតិលេខ៤ ទៅកំពង់សោម ចុះទូកឬកាណូតរួចដឹកបន្តចេញទៅប្រទេសវៀតណាម។
មេឈ្មួញធំៗទាំងនោះ មានជាអាទិ៍ឈ្មោះ ឃឹម សុខជាមេឈ្មួញដុះស្លែរក្នុងខេត្ត្តកំពង់ស្ពឺនិងឈ្មោះឆេង ឡុងជាមន្ត្រីPM ឈ្មោះ ជឿង ថេង ជាមន្ត្រីយោធាភូមិភាគ ៣ និងឈ្មោះ យាយបុណ្យ ដែលជាមនុស្សមានទំនាក់ទំនងជិតស្និទ្ធ ជាមួយមន្ត្រីជាន់ខ្ពស់ក្នុងខេត្តកំពង់ស្ពឺ និងខេត្តពោធិសាត់ផងដែរ ។
បញ្ហានេះមិនដឹងថា តើលោករដ្ឋមន្ត្រី ២ គឺក្រសួងបរិស្ថាន និងរដ្ឋមន្ត្រីក្រសួងកសិកម្មសាយ សំអាល់និងវ៉េង សាខុនដឹងពីភាពអសកម្មរបស់មន្ត្រីក្រោមឱវាទរបស់ខ្លួនដែរឬអត់នោះទេ ៕
