ក្រុមអធិការកិច្ចសហការណ៍ជាមួយសហគមន៍នេសាទ និងឆ្មាំទន្លេក្រចេះ ស្ទឹងត្រែងបានចុះត្រួតពិនិត្យបទល្មើសនេសាទតាមដងទន្លមេគង្គថ្ងៃម្សិលមិញនេះ វេលាម៉ោង១០យប់បានប្រទះឃើញអ្នកនេសាទខុសច្បាប់ទើបក្រុមប្រតិបត្តិការចាប់បាននៅនឹងកន្លែងរួមទាំងវត្ថុតាងនៅចំនុចកោរតាដក់ ភូមិកំពង់ក្បឿង ឃុំបឹងចា ស្រុកសំបូរ ខេត្តក្រចេះ ។
មន្ត្រីជលផលបានអោយដឹងកាលពីថ្ងៃទី ០៤ខែវិច្ឆការឆ្នាំ២០១៦នេះថា នៅយប់ថ្ងៃទី០៣ ខែវិច្ឆិការម្សិលមិញ កម្លាំងក្រុមអធិការកិច្ចសហការណ៍ជាមួយសហគមន៍នេសាទ និងឆ្មាំទន្លេក្រចេះ ស្ទឹងត្រែង
ប្រតិបត្តិការរុករកឧបករណ៍នេសាទល្មើសច្បាប់ ដែលបំផ្លាញធនធានមច្ឆជាតិនេះ កម្លាំងល្បាតបានឃាត់ខ្លួនជនសង្សស2នាក់ទី1ឈ្មោះតុប សំអូន ភេទប្រុស អាយុ24ឆ្នាំរស់នៅភូមិសំភិន ឃុំកំពុងចាម ស្រុកសំបូរ ខេត្តក្រចេះ ទី2ឈ្មោះ ស្រី ឯម ភេទប្រុស អាយុ 48ឆ្នាំ រស់នៅភូមិកោះខ្ញែរ ឃុំអូរគ្រៀង ស្រុកសំបូរ ខេត្តក្រចេះ និងឧបករណ៍នេសាទល្មើសច្បាប់រួមមាន៖ មានទូកប្រភេទអេវចំនួន01គ្រឿង អាំងវែកទ័រឆក់ត្រីចំនួន01គ្រឿង អាគុយចំនួន01 ដងឆក់01គូ ថ្នងដងត្រីចំនួន01 ។រួច នាំ យក មក សួរនាំ នៅ ការិយាល័យជលផល នឹងបានទទួលស្គាល់កំហុស និងសារភាពថាខ្លួនពិតជាបានប្រព្រឹត្តិបទល្មើសខាងលើនេះប្រាកដមែន ។
មន្ត្រីជលផល ក៏បានអះអាងផងដែរ កម្លាំងជលផលទាំងអស់ នឹងនៅតែបន្តចេញប្រតិបត្តិការ បង្ក្រាបបទល្មើសនេ សាទ ក៏ដូចជាអប់រំប្រជាពលរដ្ឋ ឲ្យបញ្ឈប់ការនេសាទល្មើសច្បាប់ ដើម្បីបង្កើនផលត្រី នៅក្នុងទឹកសាបរបស់ កម្ពុជា។កម្លាំងជលផលបានធ្វើការប្រគល់ ទៅ ឱ្យ មន្ត្រី ជលផល ដើម្បី រៀបចំ សំណុំរឿង បញ្ជូន ទៅ សាលាដំបូងខេត្ត ដើម្បីចាត់ការ តាម ផ្លូវច្បាប់ និងផ្ដន្ទាទោសតាមច្បាប់ស្ដីពីជលផល ៕