បាត់ដំបង ៖ ថ្មីៗរដ្ឋមន្ត្រីក្រសួងមហាផ្ទៃនិងអគ្គស្នងការនគបាលជាតិបានចេញសេចក្តីប្រកាសឲ្យចាត់វិធានការទូទាំងប្រទេស លុបបំបាត់ល្បែងស៊ីសងគ្រប់ប្រភេទអោយអស់ ជាពិសេស គឺការលេងកន្ទុយលេខឆ្នោតយួន ។ តែសេចក្តីប្រកាសមិនទាន់បានមួយខែស្រួលបួលផង ស្រាប់តែនៅកណ្តាលក្រុងបាត់ដំបង មានការប្រកាសសម្ភោធ អោយបើកលក់ឆ្នោតកន្ទុយលេខជាល្បែងស៊ីសងរបស់ក្រុមហ៊ុនចិនមានឈ្មោះថា ក្រុមហ៊ុនឆ្នោតកីឡាជាតិក្នុងខេត្តបាត់ដំបង ដែលអញ្ជើញមកចូលរួមកម្មវិធីមានលោក ថោង ខុន រដ្ឋមន្ត្រីក្រសួងទេសចរណ៍ និងជាប្រធានក្រុមកីឡាជាតិ ព្រមទាំងលោកចាន់សុផលម្ចាស់អាណាចកក្រខេត្តបាត់ដំបងតែម្តង មកជាគណៈធិបតី ។
ករណីបើកឲ្យលេងចំហរឆ្នោតចិននេះ (ក្រោមរូបភាពឆ្នោតកីឡាជាតិ) ប្រជាពលរដ្ឋរស់នៅក្នុងខេត្តនិងក្រុងបាត់ដំបងមានចម្ងល់ថា តើឆ្នោតក្រុមហ៊ុននេះវាខុសអីពីឆ្នោតយួនយ៉ាងណាទៅ គឺជាល្បែងស៊ីសងដូចតែគ្នាគ្រាន់តែមួយមកជាលក្ខៈណៈស្របច្បាប់ និងមួយទៀតមិនស្រប់ច្បាប់តែប៉ុណ្ណោះ ។
ពួកគាត់សំដែងនូវការខកចិត្តយ៉ាងខ្លាំងនូវចំណាត់ការមិនល្អរបស់រាជការបែបនេះឡើយ ព្រោះនេះជាការវិនិយោគលើល្បែងស៊ីសងពិតប្រាកដមិនមែនវិនិយោគកសាងអភិវឌ្ឈន៍អ្វីឡើយ។ពួកគាត់បន្តទៀតថាឆ្នោតយួន១ថ្ងៃចេញ២ដងស្មើនិង១១ប៉ុស្តិចំណែកឆ្នោតក្រុមហ៊ុននេះវិញចេញបួនប៉ុស្តិ៍ហើយចេញជារៀងរាល់ថ្ងៃវាមិនខុសគា្ននោះទេ។បើប្រៀបនិងប្រទេសគេជិតខាងថាដូចប្រទេសថៃក្នុង១ខែចេញឆ្នោតតែពីរដងប៉ុណ្ណុះ។នេះសំរាប់ឆ្នោតជាតិគេហើយពេលចេញឆ្នាតមានសុក្រឹតនិងយុត្តិធម៌ទៀតផង។
យើងវិញមិនដឹងថា ចេញពីណាមកណានាក់ណាបានដឹងនោះទេ ។ បើតែយ៉ាងនេះសកម្មភាពបង្ក្រាបរបស់សមត្ថកិច្ចមិនខុសអីពីដកដើមស្លែងតូចៗ(បង្ក្រាបល្បែងតូចៗ) ដល់ពេលដាំៗអាដើមធំនោះទេបំពុលប្រជាជនខ្មែរដ៏ដែលហ្នឹង។
សូមបញ្ជាក់ថា ៖ នៅក្នុងអាណាចក្រខេត្តបាត់ដំបង ល្បែងស៊ីសងកើតមានគ្រប់ស្រុកពិសេសល្បែងភ្នាល់ទឹកផ្លៀងដែលក្នុងនោះមានបង្កប់ល្បែងគ្រប់ប្រភេទកើតនៅកណ្តាលក្រុងបាត់ដំបងដែលជាខេត្តដែលសម្តេចក្រឡាហោមសខេងឧបនាយករដ្ឋមន្ត្រីនិងជារដ្ឋមន្ត្រីក្រសួងមហាផ្ទៃជាប្រធានក្រុមការងារប្រចាំខេត្តតែម្តង។
ឯមេនគរបាលក៏ជាសាច់ញាតិសម្តេចទៀត តែមិនឃើញមានការបង្ក្រាបអ្ធំដុំវីឡើយ ។ រឿងដែលគួឲ្យឆ្ងល់ទៀត គឺនៅត្រង់ថា លោក ចាន់ សុផល ដែលបានចេញមុខប្រឆាំងច្បាប់ប្រឆាំងអំពើពុករលួយដើម្បីការពារចៅហ្វាយស្រុកថ្មគោល បែរជាទទួលបានការសសើរជាចៅហ្វាយខេត្តតែម្នាក់គត់ដែលល្អជាគំរូគេពីនាយករដ្ឋមន្ត្រីទៀត? ។ តើមកពីហេតុអ្វី? អាលូវបើកឲ្យលេងល្បែងចាក់កន្ទុយលេខឆ្នោតចិនទៀត? ប្រជាពលរដ្ឋថា គាត់មិនយល់ហ្ម៉ងរឿងហ្នឹង?៕