ខេត្តបាត់ដំបង ៖ លោក សឿម ប៊ុនរិទ្ធិ នាយករដ្ឋភិបាលសាលាខេត្តបាត់ដំបង នឹងលោកស្រី បុត្រត្រា បុត្រត្រី មាតា បីតា មានសទ្ធាជ្រះថ្លា ចូលរួមកាន់ បិណ្ឌវេនទី១ នៅវត្តព្រះនរាយណ៍ ហៅវត្តខ្វែង នាថ្ងៃទី០៩ ខែកញ្ញា ឆ្នាំ២០១៤,,,ហើយក៏មានវត្តមានឯកឧត្តមដ៏ខ្ពងខ្ពស់អភិបាលខេត្ត ច័ន្ទ សុផល នៃអភិបាលខេត្តព្រមទាំងឯកឧត្តមអស់លោក លោកជុំទាវ លោកស្រី ប្រធានក្រុមប្រឹក្សាអភិបាលរង លោកមន្ត្រីរាជការក្នុងសាលាខេត្តតាមបណ្តា មន្ទីរអង្គភាពជុំវិញខេត្ត នឹងពុទ្ធបរិស័ទចំណុះ ជើងវត្តចូលរួមជាច្រើនផងដែរ។
បុណ្យកាន់បិណ្ឌជាបុណ្យប្រពៃណីដ៏ធំ១ ក្នុងចំណោមជាច្រើនរបស់ជាតិ ផ្នែកខាងពុទ្ធសាសនា ដែលពុទ្ធបរិស័ទនៅទូរទាំងប្រទេសគោរព តាម ធ្វើឡើងរៀងរាល់ឆ្នាំ ចាប់ពីថ្ងៃ១រោជ រហូតដល់ ថ្ងៃ ១៥ រោជ ភត្របទ ក្នុងគោលបំណងរក្សាប្រពៃណី ទំនៀមទម្លាប់ តាំងពីដូនតា ក៏ដូចជា លើកស្ទួយវិស័យព្រះពុទ្ធសាសនា ឱ្យបានថ្កុំថ្កើនរុងរឿង ពិសេសទ្រទ្រង់ឧបត្ថម្ភព្រះសង្ឃ គង់ចាំព្រះវស្សាអស់ត្រីមាស ទៅតាមពុទ្ធប្បាញត្តិ នៃ ព្រះសម្មាសម្ពូរូ យមគ្រូនៃយើង។
ក្នុងប្រសាសន៍សំណេះសំណាលឯកឧត្តម ច័ន្ទ សុផល ការសំដែងអបអរសាទរ ក្នុងការចូលរួមពិធីកាន់បិណ្ឌនេះឡើង គឺចង់បញ្ជាក់ថា ព្រះពុទ្ធសាសនា ត្រូវច្បាប់កំពូលរបស់ជាតិទទួលស្គាល់ថាព្រះពុទ្ធសាសនា ជាសាសនារបស់ជាតិយើងគ្រប់ៗគ្នា បច្ច័យប្រមូលបានពីពុទ្ធបរិស័ទ មានចំនួន ៧ លានរៀល ក្នុងនោះសាលាខេត្ត នឹងក្រុមប្រឹក្សា ១ លានរៀល ផងដែរ ឯកឧត្តមបាននាំយកអង្ករ ១០០ គីឡូ ថវិការចំនួន ១,០០០,០០០ រៀល ទេស វត្ថុមួយចំនួនទៀតប្រគេនដល់ព្រះសង្ឃផងដែរ ៕
