ខេត្តព្រះសីហនុ ៖ លោក ជួន ណារិន្ទ ស្នងការនគរបាលខេត្តព្រះសីហនុ បានចេញលិខិតមួយច្បាប់ចុះថ្ងៃទី១៣ ខែវិច្ឆិកា រំឭកដល់លោកអធិការនៅតាមក្រុង ស្រុក និងនាយប៉ុស្តិ៍រដ្ឋបាលតាមឃុំ-សង្កាត់នានាទូទាំងខេត្តព្រះសីហនុ ឲ្យបន្តសកម្មភាពចុះបង្ក្រាបបទល្មើសចែកចាយ និងប្រើប្រាស់គ្រឿងញៀននៅតាមមូលដ្ឋានរៀងៗខ្លួនឲ្យបានជាប្រចាំ។
ជាងនេះទៀត ល្បែងស៊ីសងខុសច្បាប់គ្រប់ប្រភេទ ក៏ត្រូវរួមគ្នាបង្ក្រាបឲ្យមានប្រសិទ្ធភាព។
លោក ជួន ណារិន្ទ សង្កត់ធ្ងន់ថា បើសិនជាកម្លាំងជំនាញនៃស្នងការដ្ឋាននគរបាលខេត្តព្រះសីហនុ បានរកឃើញថា នៅតាមមូលដ្ឋានណាមួយដែលអធិការក្រុង ស្រុក និងនាយប៉ុស្តិ៍រដ្ឋបាលតាមឃុំ-សង្កាត់នានា ទុកបណ្តោយឲ្យមានបទល្មើសគ្រឿងញៀន និងល្បែងស៊ីសងបន្តកើតមានដោយគ្មានការបង្ក្រាប ថ្នាក់ដឹកនាំនៅតាមមូលដ្ឋាននីមួយៗត្រូវទទួលខុសត្រូវទៅលើវិន័យរបស់កម្លាំងនគរបាលជាតិ៖ «ទិសដៅរបស់ថ្នាក់ដឹកនាំក្រសួងមហាផ្ទៃ ក៏ដូចជាអគ្គស្នងការនគរបាលជាតិ ជាពិសេសគ្រឿងញៀន គឺជាបទល្មើសពិភពលោក ហើយ
ប្រទេសកម្ពុជា គឺជាប្រទេសមួយមានការឆ្លងកាត់ការធ្វើចរាចរគ្រឿងញៀននេះ។ ដូច្នេះបញ្ហាគ្រឿងញៀននេះ យើងនឹងអនុវត្តការងារជំនាញដូចភ្លៀងរលឹម ដោយមិនធ្វេសប្រហែសនោះទេ។ ហើយបញ្ហានេះ យើងនឹងស្រាវជ្រាវបង្ក្រាបឲ្យបានដល់គោលដៅដែលធ្វើសកម្មភាពគ្រឿងញៀននេះ ព្រោះតាមការសង្កេតរាល់ថ្ងៃនេះ បញ្ហាគ្រឿងញៀនបានសាយភាយទៅដល់មូលដ្ឋាន ឬភូមិ ឃុំ សង្កាត់រួចហើយ។ ការងារបង្ក្រាបគ្រឿងញៀននេះ យើងនឹងបញ្ជូនកម្លាំងជំនាញឲ្យចុះនៅតាមមូលដ្ឋាន ឬគោលដៅនានាដោយមិនរាថយ ឬដកដៃនោះទេ ដើម្បីឈានដល់បង្ក្រាប ឬទប់ស្កាត់បទល្មើសនេះឲ្យមានប្រសិទ្ធភាពនាថ្ងៃខាងមុខ»។ប៉ុន្តែមិនដឹងថាតើបទបញ្ជាលោកស្នងការខ្សោយឬក៏ពួកមេបនល្បែងខ្លាំងនោះទេ។
ជាក់ស្តែងកាលពីថ្ងៃទី២៩វិច្ឆិកាឆ្នាំ២០១៦គេនៅតែបានឃើញមានបនល្បែងស៊ីសងមួយកន្លែងស្ថិតនៅក្រោយទីតាំងកាស៊ីណូដៃមិនស៊ីធីស្ថិតនៅក្នុងភូមិ១សង្កាត់៣ក្រុងព្រះសីហនុនៅបន្តសកម្មភាពរស់រវើកដូចជាអត់ខ្លាចលោកឧត្តមសេនីយ៍ជួនណារិនអីតិច។បនល្បែងនោះរួមមានសង្វៀនជល់មាន់មានបៀរអាប៉ោងយូគឺ។ល។រឿងដែលគួឲ្យងឿងឆ្ងល់គឺថាបនល្បែងនេះពេលភ្នាក់ងារមាតុភូមិប្រចាំខេត្តព្រះសីហនុបានរាយកាណ៍ជូនទៅលោកជួនណារិនស្នងការខេត្តព្រះសីហុនឲ្យបានជ្រាបជាព័ត៌មានលោកបានប្រាប់ថា៖លោកកំពុងនៅប្រជុំឯក្រៅប្រទេសចាំលោកត្រឡប់មកវិញ។ទោះជាយ៉ាងណាមកដល់ពេលនេះបនល្បែងមួយនេះនៅតែមានសកម្មភាព។
មានសេចក្តីរាយការណ៍ថាថៅកែបនល្បែងស្ថិតនៅក្រោយទីតាំងកាស៊ីណូដៃមិនស៊ីធីស្ថិតនៅក្នុងភូមិ១សង្កាត់៣ក្រុងព្រះសីហនុនេះគឺមានថៅកែជាទាហ៊ានពាក់ផ្កាយ៣ណុះ។ប្រហែលចឹងហើយបានជានគរបាលលោកជួនណារិនអត់ហ៊ានក្អកជាមួយ។ម្យ៉ាងទៀតក៏មានការសង្ស័យដែរថាថៅកែបនល្បែងមួយនេះគាត់ចេះចែកលាភសក្ការៈដល់អាជ្ញាធរខេត្តព្រះសីហុនផងក៏មិនដឹងព្រោះគេសំអាងថានៅខេត្តព្រះសីហនុមានល្បែងកាស៊ីណូគគោគហ្នឹង។
បើតាមសេក្តីរាយការណ៍រពីប្រជាពលរដ្ឋក្រៅពីបនល្បែងខាងលើ នៅក្នុងក្រុងព្រះសីហនុក៏មានល្បែងកន្ទុយលេខដូចជានៅ មានផ្សារទំនប់រលកចូលទៅនៅពីខាងស្ដាំដៃ។ខាងមុខផ្សារ ផ្សារឃ្លាំងលើមានចំនួនពីរកន្លែង។នៅខាងលិចផ្សារ ផ្សារលើផ្សារថ្មីមានជុំវិញនិងក្នុងផ្សារ ផ្សារមុខរោងចក្រ ញ៉ូស្តារ ផ្លូវចូលខាងស្តាំដៃ។ល។ ក្រុមកូនកញ្ចែងអ្នកដើរកត់វិញ គឺមានគ្រប់ភូមិ ដោយពុំមានការហាមឃាត់ពីសមត្តកិច្ចឡើយ ចំណែកមេប្រមូលមានដូចជា ផ្លូវអូរ១ជួរក្រុមហ៊ុនហុងដាចាស់ ផ្លូវ៧មករាខាងលិចមុខផ្សារលើ និងកែងបត់ចូលឆ្វេងដៃ ផ្លូវ២០៩ទល់មុខកន្លែងលាងឡានផ្លូវ២១០ហួសកែងបន្តិចទៅផ្លូវលេខ២១២ផ្លូវឯករាជខាងជើងការ៉ាស់សាំងតូតាល់។ល។នេះមិនទាន់និយាយទៅតាមស្រុកទេ នេះគ្រាន់តែសេចក្តីរាយការណ៍តែប៉ុណ្ណោះ ពិសេសសូមអស់លោកទៅមើលជាក់ស្តែងចុះ។
សូមបញ្ជាក់ដែរថា៖បន្ទាប់ពីសម្ដេចក្រឡាហោម ស ខេង ឧបនាយករដ្ឋមន្ដ្រី និងជារដ្ឋមន្ដ្រីក្រសួងមហាផ្ទៃ បានចេញបទបញ្ជា និងឲ្យអនុវត្តវិធានការ បង្ក្រាបល្បែងស៊ីសងខុសច្បាប់ តាមមូលដ្ឋាននោះ គេក៏បានឃើញកម្លាំងនគរបាលខេត្តព្រះសីហនុ បានចុះប្រតិបត្តិការបង្ក្រាបល្បែងស៊ីបាន ២៤កន្លែង ឃាត់ខ្លួនបានមនុស្ស៦១នាក់ផងដែរកាលពីចុងខែតុលាកន្លងមកនេះ។លោកឧត្តមសេនីយ៍ទោ ជួន ណារិន្ទ នេះ បានឲ្យដឹងថា ល្បែងស៊ីសង២៤កន្លែងដែលបង្ក្រាបបាននេះ រួមមាន៖ បៀ១៧កន្លែង, កត់ន្ទុយលេខ២កន្លែង, អាប៉ោង១វង់, ខ្លាឃ្លោក៣វង់, ឡូតូ១វង់ និងស្ទូចគម្របប្រេងកូឡា១វង់ដែរ។តែអាឡូវល្បែងអស់ហ្នឹងងើបឡើងវិញ?៕
