កញ្ញា ហ៊ួ ចន្ទ្រា ជាយុវជនសហភាពសហព័ន្ធយុវជនកម្ពុជា និងជាប្រធានជំនាន់ទី៣នៃសមាគមសិស្សនិស្សិតអាហារូបករណ៍សម្ដេចអគ្គមហាសេនាតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត បានសម្ដែងការសប្បាយរីករាយ និងថ្លែងអំណរគុណចំពោះយុវជនសហភាពសហព័ន្ធយុវជនកម្ពុជាក៏ដូចជាសមាគមសិស្សនិស្សិតអាហារូបករណ៍សម្ដេចអគ្គមហាសេនាតេជោ ហ៊ុន សែន និងសម្ដេចកិត្តិព្រឹទ្ធបណ្ឌិតដែលតែងតែយកចិត្តទុក្ខដាក់ គិតគូរពីសុខទុក្ខ និងការលបាក់របស់ប្រជាពលរដ្ឋ ក៏ដូចជាជួយដោះស្រាយនូវភាពខ្វះខាត់ជូនប្រជាពលរដ្ឋ មិនត្រឹមតែប៉ុណ្ណោះ យុវជន ក៏ដូចជាសមាគម បានយកចិត្តទុកដាក់ និងដោះស្រាយជូនសមាជិករបស់ខ្លួន ដែលជួបបញ្ហាលំបាក់ផងដែរ ។ ជាពិសេសខ្លួនកញ្ញាផ្ទាល់ ដែលកន្លងមកបានជួបប្រទះនូវបញ្ហាលំបាក ដែលនៅពេលដែលកញ្ញាធ្វើដំណើរទៅបំពេញការងាររបស់ខ្លួន ក៏ត្រូវចោរវាយប្លន់យកម៉ូតូរបស់ខ្លួន ម៉ាក់ហុងដាឌ្រីម ស៊េរីឆ្នាំ២០១០ នៅភូមិកាប៉ូ សង្កាត់អូរស្សី ក្រុងក្រចេះ ។
នេះជាការសម្ដែងនួវភាពសប្បាយរីករាយរបស់កញ្ញា ហ៊ួ ចន្ទ្រា នៅក្នុងពិធីប្រគល់ម៉ូតូថ្មី ម៉ាក់ហុងដាឌ្រីម សេរីឆ្នាំ ២០១១ ជាមូលនិធិសប្បុរស នៃយុវជន ស ស យ ក និងសមាគមសិស្សនិស្សិត អ ម ត ដែលដឹកនាំដោយ លោក សែម ម៉ារឌី សមាជិកអចិន្រៃ្តយ៍យុវជន ស ស យ ក តំណាង លោក វ៉ា ថន អភិបាលរងខេត្ត និងជាប្រធាន ស ស យ ក ខេត្តក្រចេះ និងលោក ខាន់ ប៊ុនសេង ក្រុមការងារគ្រប់គ្រងសិស្សនិស្សិតអាហារូបករណ៍ អ ម ត ខេត្តក្រចេះនិង ខេត្តស្ទឹងត្រែង ។ ហើយពិធីប្រគល់ម៉ូតូនេះដែលមានការចូលរួមពីសំណាក់ ឯ.ឧ ធុន គ្រី ប្រធានគណៈប្រចាំការគណបក្សប្រជាជនកម្ពុជាផងដែរ ។
ឯ.ឧ ធុន គ្រី ប្រធានគណៈប្រចាំការគណបក្សប្រជាជនកម្ពុជាបានសំដែងនូវភាពសប្បាយរីករាយជួសថ្នាក់ដឹកនាំ ក៏ដូចជាក្រុមយុវជនទាំងអស់ ដែលកន្លងមកបានបំពេញនូវក្រមសីលធម៌របស់ខ្លូនជាមួយរាជរដ្ឋាភិបាល ក្នុងន័យជួយកាត់បន្ថយភាព ខ្វះខាត ក៏ដូចជាសុខទុក្ខ លំបាករបស់ប្រជាពលរដ្ឋ ហើយមិនត្រឹមតែសកម្មភាពមនុស្សធម៌ជាមួយនឹងប្រជាពលរដ្ឋនោះទេ ។ យុវជន ស ស យ ក និង សមាគមសិស្សនិស្សិត អ ម ត បានយកចិត្តទុកដាក់ គិតគូរពីសុខទុក្ខ សមាជិករបស់ខ្លួនផងដែរ ។
ដោយជាក់ស្ដែងថ្ងៃនេះ មានពិធីប្រគល់ម៉ូតូថ្មី១ គ្រឿងជូនកញ្ញា ហ៊ួ ចន្ទ្រា ដែលជាសមាជិកនៃយុវជន ស ស យ ក និងជាសមាគមសិស្សនិស្សិត អ ម ត ដែលត្រូវចោរវាយប្លន់យកម៉ូតូនៅបំពេញការងារផ្ទាល់ខ្លួន ។ ឯ.ឧ បានស្នើរសុំឲ្យយុវជនទាំងពីរត្រូវតែបន្តសកម្មភាពមនុស្សធម៌របស់ខ្លួនដោយមិនប្រកាន់នូវនិន្នាការនយោបាយ ពណ៌សម្បុរ ឬពូជសាសន៍អ្វីឡើយ ដែលនេះជាគោលនយោបាយ ក៏ដូចជាគោលដៅរបស់រាជរដ្ឋាបាលភិបាលសព្វថ្ងៃ ៕
