ខេត្តរតនគិរី ៖ មន្ត្រីមេប៉ុស្តិ៧០៧ ពាមអូរសាថី ឈ្មោះ និន ណា ហៅប៊ិច និងទាហ៊ានឈ្មោះ វ៉ែន ព្រមទាំងមេប៉ុស្តិ៧០៥ អូសាថី ឈ្មោះទូចហីង និងទាហ៊ានឈ្មោះធឿន ត្រូវបានគេរាយការណ៍ថា បានបើកដៃនិងសហការការជាមួយឈ្មួញរកស៊ីដឹកជញ្ជូនឈើឆ្លងដែនលក់ទៅប្រទេសវៀតណាម ។
សូមបញ្ជាក់ថា ក្រុមឈ្មួញឈើធ្វើសកម្មភាពចរាចរណ៍ដឹកជញ្ជូនឈើតាម រថយន្តសេរីទំនើបៗ ដែលក្នុងនោះ មានមេឈ្មួញខ្លះដែលដឹកជញ្ជូនឈើក្នុងទ្រង់ទ្រាយធំៗ ឆ្លងដែនយកទៅលក់នៅប្រទេសវៀតណាម នាពេលកន្លងទៅបានស្ងាត់មួយរយៈ ដោយសារត្រូវកម្លាំងសមត្តកិច្ចជំនាញ បានសហការជាមួយកម្លាំងកងរាជអាវុធហត្ថលើផ្ទៃប្រទេស ធ្វើការបង្ក្រាប ។ ប៉ុន្តែសព្វថ្ងៃនេះ ក្រុមឈ្មួញខ្លះបានផ្លាស់ប្តូររូបភាពពីការដឹកជញ្ជូនឈើពីតាមរថយន្តមកដឹកជញ្ជូនតាមម៉ូតូវិញ ដោយពួកគេធ្វើសកម្មភាពនៅឃុំញ៉ាងស្រុកអណ្តូងមាស ដែលជាតំបន់មួយនៅឆ្ងាយដាច់ស្រយាលពីទីរួមខេត្ត ។
ករណីនេះ ប្រជាពលរដ្ឋរស់នៅឃុំញ៉ាងបានឲ្យដឹងថា មានមេឈ្មួញទាងនោះមានឈ្មោះស្នាក់ឈ្មោះ ក្អ ជាដើមដែលក្រុមរបស់ពួកគេបានជួលម៉ូតូឲ្យដឹកក្នុងតម្លៃ១ជើង ពី៦ម៉ឺនរៀលទៅ១០ម៉ឺនរៀល ហើយមួយក្រុមមានម៉ូតូចាប់ពី១០គ្រឿងឡើងទៅ ។ ទោះជាយ៉ាងណា អ្នកស៊ីឈ្នួលដឹកឈើតាមម៉ូតូទាំងនោះ មិនអាចថ្វើទៅបានឡើយបើគ្មានកិច្ចសហការពិសមត្តកិច្ច ។ ជាក់ស្តែងសកម្មភាពដឹកជញ្ជូនយកទៅលក់ឲ្យមេឈ្មួញវៀតណាមដែលគេស្គាល់ថា មានឈ្មោះយាយ គឺនឹងឈ្មោះគី នៅច្រករបៀងប៉ុស្តិ៍ អូរសាថីលេខ៧០៥ ហៅប៉ុស្ថ៍ផាតាម នឹងប៉ុស្ថ៍ពាមអូសាថីលេខ៧០៧ ហៅប៉ុស្តិ៍ផាសាវគឺបានថ្វើឡើងដោយរលូនដូចតំបន់នោះអត់មានសមត្តកិច្ចចឹង។
ប្រភពខាងលើបន្តឲ្យដឹងថា ជារៀងរាល់ថ្ងៃមានម៉ូតូដឹកឈើប្រណិត ដូចជាឈើធ្នង់និងកកោះមិនតិចជា១០០ ទៅ១៥០ ម៉ូតូនោះទេ ដែលឆ្លងកាត់តំបន់ខាងលើនេះ។
ប្រភពពីអ្នកស៊ីឈ្នួលដឹកឈើបានឲ្យដឹងថា ៖ ក្រុមឈ្មួញនឹងសមត្ថកិច្ចនៅតំបន់នោះ ជាពិសេសសមត្ថកិច្ចច្រករបៀងខាងលើនេះ គេបានសហការគ្នាយ៉ាងល្អជាមួយឈ្មួញ ព្រោះថា បើមានមនុស្សចម្លែក ឬគួរឲ្យសង្ស័យ សមត្ថកិច្ចនោះ គឺបានទូរស័ព្ទប្រាប់ឲ្យក្រុមឈ្មួញដឹកជញ្ជូនឈើយកទៅលាក់ទុកតាមព្រៃចំការស្វាយចន្ទី និងចំការកៅស៊ូសិន ដើម្បីបិទបាំងសកម្មភាពរបស់ពួកគេ ។ ដោយសារច្រករបៀងទាំងនេះក្លាយជាកន្លែងនាំចេញឈើខុសច្បាប់បច្ចុប្បន្នមេប៉ុស្តិ៍ទាំង៣នោះ កំពុងសប្បាយកើបលុយធ្វើមានធ្វើបាននិងចែកមេកើយគេរៀងៗខ្លួន។
មេប៉ុស្តិ៍ទាំង ៣ នាក់នោះមិនខ្លាចកាសែតចុះផ្សាយនោះទេ ព្រោះកន្លែងប៉ុស្តិ៍នោះគឺនៅឆ្ងាយចុងកាត់មាត់ញ៉កឡើងភ្នំ ចុះភ្នំ ផ្លូវតូចចង្អៀតឆ្លងទឹក ឆ្លងទូក បើអ្នកកាសែតទៅពីខេត្តជិះឡានពីក្រុងបានលុងទៅស្រុកអណ្តូងមាស ហើយត្រូវជួលម៉ូតូគេជិះបន្តទៅទៀតទើបបានដល់ប៉ុស្តិ៍ទាំងនោះ ។ ពេលទៅដល់ប៉ុស្តិ៍នោះ ម្តងឃើញសុទ្ធតែជនជាតិវៀតណាមស្រី ប្រុស ដែលជាថៅកែឈើធំតូចចាំទិញឈើពីមេប៉ុស្តិ៍ទាំង៣ទាំងនោះដូចផ្សារត្រី។ មេប៉ុស្តិ៍ទាហ៊ានម្នាក់បានលានមាត់អោយអ្នកកាសែតដឹងថាចុមមករកប៉ុស្តិ៍ខ្ញុំឃើញដែរ ព្រោះផ្លូវពិបាកម្លឹងៗហើយហ្នឹង! ៕
