របាយការណ៍សង្ខេបស្តីពីការប្រមូលពន្ធ លើអចលនទ្រព្យបណ្តាឆ្នាំកន្លងមក និងបូកសរុបលទ្ធផលចំណូលរយៈពេល ៨ ខែ ឆ្នាំ២០១៤ របស់សាខាពន្ធដារខេត្តបាត់ដំបង ត្រូវបានធ្វើការប្រជុំផ្សព្វផ្សាយ ជូនឯកឧត្តម ច័ន្ទ សុផល អភិបាលនៃគណអភិបាលខេត្តបាត់ដំបង និងមន្ត្រី ពាក់ព័ន្ធ ពីថ្ងៃទី ៤ ខែកញ្ញា ឆ្នាំ២០១៤ កន្លងទៅនេះ។
លោក ជា ពិសិដ្ឋ ប្រធានសាខាពន្ធដារខេត្តបានបញ្ជាក់ថា ឆ្នាំ២០១១ គឺជាឆ្នាំដំបូងនៃការដាក់ឱ្យអនុវត្តការប្រមូលពន្ធ លើអចលនទ្រព្យ នៅប្រទេសកម្ពុជា ដោយមានការសម្រេចពី សម្តេចតេជោ នាយករដ្ឋមន្ត្រី នៃព្រះរាជាណាចក្រកម្ពុជា។ ក្នុងដំណាក់កាលដំបូង ពន្ធនេះអនុវត្ត ប្រមូលតែក្នុងភូមិសាស្ត្រ រដ្ឋបាលក្រុននៃខេត្ត និងភូមិសាស្ត្រ រដ្ឋបាលខ័ណ្ឌ នៃរាជធានីតែប៉ុណ្ណោះ។
ដោយឡែក ខេត្តបាត់ដំបង យើងប្រមូលតែអចលនទ្រព្យណា ដែលស្ថិតនៅក្នុងភូមិសាស្ត្ររដ្ឋបាលក្រុងតែប៉ុណ្ណោះ។ ជាលទ្ធផល ក្រោយ ពីបានចាត់តាំងសកម្មភាព និងមានការឧបត្ថម្ភគាំទ្រពីឯកឧត្តមអភិបាលខេត្ត និងកិច្ចសហការជួយពីសមាជិក អនុគណកម្មការ និងក្រុមការងារ ទាំងអស់យើងទទួលបានលទ្ធផល, ឆ្នាំ២០១១ ប្រមូលបានជាក់ស្តែងចំនួន ៣,៨៨២ ប័ណ្ណកម្មសិទ្ធិ ប្រាក់ពន្ធចំនួនជាង ៧២៧ លានរៀល។ ឆ្នាំ២០១២ ប្រមូលបានចំនួន ៤,២៨១ ប័ណ្ណកម្មសិទ្ធី ប្រាក់ពន្ធចំនួនជាង ១,១០៩ លានរៀល បើប្រៀបធៀបទៅ និងផែនការ ៤០០ លានរៀល អនុវត្តបាន 277% នៃផែនការ ក្នុងនោះមានចំណូលបន្សល់នៅឆ្នាំ២០១១ ដែលប្រមូលបន្តមកឆ្នាំ២០១២ ចំនួន ៦៩៤ ប័ណ្ណកម្មសិទ្ធិប្រាក់ពន្ធចំនួន ជាង ១៧០ លានរៀល បើគិតចំណូលតែឆ្នាំ២០១២សុទ្ធ ប្រមូលបានចំនួន ៣,៥៨៧ ប័ណ្ណកម្មសិទ្ធី និងប្រាក់ពន្ធចំនួនជាង ៩៣៨ លានរៀល។ ក្នុង ឆ្នាំ២០១៣ ប្រមូលបានចំនួន ៦០៣ ប័ណ្ណកម្មសិទ្ធី ប្រាក់ពន្ធចំនួនជាង ៦៥៣ លានរៀល បើប្រៀបធៀបទៅ និងផែនការ ៥៧៥ លានរៀល អនុវត្ត បាន 113% នៃផែនការ។ ឆ្នាំ២០១៤ គិតត្រឹមខែសីហា ប្រមូលបានចំនួន ២,៧៩៥ ប័ណ្ណកម្មសិទ្ធី ប្រាក់ពន្ធចំនួនជាង ៤៧២ លានរៀល បើប្រៀប ធៀប ទៅនិងផែនការ ១,១២៥ លានរៀល អនុវត្តបាន 42% នៃផែនការ បើប្រៀបធៀបទៅ និងរយៈពេលដូចគ្នា នៃឆ្នាំ២០១២ ឃើញមានការ កើនឡើងទឹកប្រាក់ជាង ២៨៧លានរៀល។ ថ្វីបើយើងមានលិខិតបទដ្ឋាន និងនិតិវិធីនានា ដែលទទួលបានលទ្ធផល ចំណូលទាំងនេះក៏ដោយក៏យើង នៅមានបញ្ហា ប្រឈមជាច្រើនផងដែរ។
ឯកឧត្តម ច័ន្ទ សុផល បានសំដែងការគាំទ្រ និងបានផ្តល់អនុសាសន៍ បទពិសោធន៍ល្អៗជាច្រើន ក្នុងគោលដៅជំរុញការប្រមូលពន្ធក្នុងខេត្ត ឱ្យប្រព្រឹត្ត ទៅប្រកបដោយជោគជ័យ។ ឯកឧត្តមបានឯកភាពទៅនិងដៅ បន្តក្នុងការ ប្រមូលពន្ធបន្តការផ្សព្វផ្សាយតាម ឧគ្ឃោសនស័ព្ទ តាមលិខិតជូនដំណឹង របស់សាលាខេត្ត ដល់ម្ចាស់គ្រប់គ្រង អចនលនទ្រព្យ និងត្រូវរេបៀចំការប្រមូលពន្ធ ឱ្យមានលក្ខណៈកាន់តែល្អប្រសើរ តែ សំរួលការផ្តល់សេវាសាធារណៈ ប្រែក្លាយទៅជាអ្នកផ្តល់សេវា ដ៏ត្រឹមត្រូវប្រកបដោយសមធម៌ជាដើម ។!!!!
