ភ្នំពេញ ៖ សមត្តកិច្ចនគរបាលជាតិបានឃុបឃឹតគ្នាដោះលែងនាយកក្រុមហ៊ុនទូរសព្ទហរ័វ៉ែ(Huawei)ដែលស្រវឹងបើកបរបង្កគ្រោះថ្នាក់ចរាចរ។ប្រភពពីអ្នកដែលឃើញហេតុការណ៍និងសមត្តកិច្ចបានឲ្យដឹងថា៖ថៅកែក្រុមហ៊ុនក្រុមហ៊ុនហ័រវ័យ (Huawei) ដែលជាក្រុមហ៊ុនតេឡេខុមយក្សរបស់ចិនប្រចាំនៅកម្ពុជានិងប្រទេសឡាវដែលស្រវឹងបើកបរបង្កគ្រោះថ្នាក់ចរចរ
នោះមានឈ្មោះលោកខេវិនវ៉េង (KevinWeng) ។ ជនជាតិចិនម្នាក់នេះ បានបានបើកបររថយន្តស៊េរីទំនើបម៉ាកប៊ីអឹមដាបប៊ឹលយូ (BMW) ពណ៌ស ពាក់ស្លាកកលេខ2AY3333 ក្នុងអាការៈស្រវឹងបង្កគ្រោះថ្នាក់ចចរាចរណ៍ កាលពីព្រលឹមស្រាងៗថ្ងៃទី២៣ វិច្ឆិកា ឆ្នាំ២០១៦ កន្លងមកនេះ ធ្វើឲ្យខូចរ៉ឺម៉កម៉ូតូចំនួនបីគ្រឿង និងម៉ូតូមួយគ្រឿង នៅតាមផ្លូវសុធារសសង្កាត់ទន្លេរបាសាក់ ហើយព្យាយាមបើករត់គេចទៅកោះពេជ្រ តែត្រូវបានប្រជាពលរដ្ឋដេញតាមចាប់បាន ។
រថយន្តប៊ីអឹមដាបប៊ឹលយូ(BMW) ថៅកែក្រុមហ៊ុនក្រុមហ៊ុនហ័រវ័យ (Huawei) លោកខេវិនវ៉េង (KevinWeng)ផ្នែកខាងមុខខាងស្ដាំនៃរថយន្តស្ព័រ BMW i8 របស់គាត់បានខូចខ្ទេច ហើយរ៉ឺម៉កកង់បីក៏ខ្ទេចដែរ ។ ករណីនេះលោក ជឹម ឌីណា មន្ត្រីនគរបាលចរាចរខណ្ឌចំការមនបានបញ្ជាក់ពីព័ត៌មានលម្អិតស្ដីពីការបុកគ្នានេះដល់កាសែត ដែលក្នុងនោះលោកខេវិនវ៉េងត្រូវបានសាកសួរតាមរយៈអ្នកបកប្រែភាសាចិន។
មន្ត្រីនគរបាលចរាចររូបនេះបានបន្តថា លោក ខេវិនវ៉េង (KevinWeng) បានបង្កឱ្យបុរសបីនាក់រងរបួស នៅពេលរថយន្តរបស់គាត់បុកចំរ៉ឺម៉កម៉ូតូកង់បីបីគ្រឿង និងម៉ូតូមួយគ្រឿង ។ នៅម៉ោង៣និង៣០នាទីឈានចូលព្រឹកថ្ងៃពុធទី២៣វិច្ឆិកា ។ លោកបានលើកឡើងបន្តថា “គាត់បើកបរក្រោមឥទ្ធិពលស្រវឹងហើយគាត់មិនបានឈប់នៅកន្លែងកើតហេតុទេ” ហើយថា អ្នកបើកបររ៉ឺម៉កម៉ូតូកង់បី ម៉ូតូ និងអ្នកបើករថយន្តបានបើកដេញតាមលោក ខេវិន វ៉េង ខណៈពេលគាត់ព្យាយាមបើករត់ពីកន្លែងកើតហេតុ។
លោកបានបញ្ជាក់ថា ការដេញតាមបានឈប់នៅត្រង់ចំណុចច្រកចូលអគារអាផាតមិន ដែលគាត់រស់នៅ នៅគើពេជ្រហើយនគរបាលបានចាប់ខ្លួនគាត់នៅនឹងកន្លែង ។ ប៉ុន្តែអ្វីដែលជាការហួសចិត្ត បើទោះជាជនបង្ករគ្រោះថ្នាក់ចរាចរណ៍បើកបរដោយស្រវឹង ដែលយ៉ាងហោចត្រូវចាប់ដាក់គុក បើតាមប្បញ្ញតិច្បាប់ចរាចរថ្មីនោះ បែរជាមិនត្រូវបាននគរបាលផ្តន្ទាទោសឡើយ ។ ហើយខាងតុលាការក៏ស្ងាត់ឈឹងផងដែរ ។
ករណីនេះលោក ឡេង រតនា ប្រធានការិយាល័យនគរបាលចរាចរណ៍ខណ្ឌបានប្រាប់កាសែតថា៖ ករណីនេះត្រូវបានដោះស្រាយតាមរយៈកិច្ចសន្យាដែលរួមមានការផ្តល់សំណងជំងឺចិត្ត និងអ្នករងរបួស សន្យាមិនដាក់ពាក្យបណ្តឹងតាមផ្លូវច្បាប់ ប៉ុន្តែលោកបដិសេធមិនបញ្ជាក់ថាប្រាក់សំណងមានចំនួនប៉ុន្មានទេ ។ ប្រធានការិយាល័យនគរបាលចរាចរណ៍ខណ្ឌរូបនេះថ្លែងថា៖ អ្នកដែលរងរបួសទាំងនោះ ត្រូវបានផ្តល់សំណងជំងឺចិត្តអស់ហើយសម្រាប់ការរងរបួសរបស់ពួកគេ ចំណែកឯលោក ខេវិន វ៉េង ត្រូវបានដោះលែងដោយគ្មានការចោទប្រកាន់។
ប្រជាពលរដ្ឋដែលធ្លាប់ត្រូវបាននគរបាលធឺស៊ី ក្នុងករណីជួបបញ្ហាល្មើសច្បាប់ចរារចរណ៍តិចតួច បាននិយាយថា ពួកនេះបើមិនពុករលួយទេ ដាច់ខាតវាមិនលែងឡើយ រឿងប៉ុនណាណីចឹងនោះ ។ ករណីនេះដែរកាសែតឌឺខេមបូឌាំដេលីនិយាយថា៖ដូចការព្យាករទុកអ៊ីចឹង គឺព័ត៌មាននេះត្រូវបានចុះផ្សាយព្រោងព្រាតដោយបណ្តាសារព័ត៌មានជាភាសាខ្មែរ ហើយភាគច្រើនសេចក្តីរាយការណ៍ព័ត៌មានទាំងនោះដកស្រង់សម្ដីមន្ត្រីអានាមិកដែលរៀបរាប់ពីគ្រោះថ្នាក់ចរាចរណ៍មួយ ហើយអ្នកបើកបរព្យាយាមបើករត់ពីកន្លែងកើតហេតុ ។ ប៉ុន្តែរយៈពេលប៉ុន្មានថ្ងៃមក ដំណឹងនេះក៏បានបាត់ពីគេហទំព័រជាច្រើនក្នុងចំណោមគេហទំព័រនានា។មិនដឹងថាតើអគ្គស្នងការនគរបាលជាតិដឹងដែរឬអត់នោះទេករណីមន្ត្រីនគរបាលចរាចរខណ្ឌចំការមនខុបឃឹតគ្នាដោះលែងថៅកែក្រុមហ៊ុនទូរសព្ទហ៊ូវ៉ែដែលស្រវឹងបើកឡានស៊េរិទំនើបបង្កគ្រោះថ្នាក់ចរាចរនៅកណ្តាលក្រុងភ្នំពេញនោះ៕