រាជធានីភ្នំពេញ÷ មេគោញីមួយក្បាលបានដើរឆ្លងផ្លូវត្រូវរថយន្តលុចស៊ីសRX330 បុកបណ្ដាលអោយងាប់ភ្លាមៗ រីឯរថយន្តមិនដឹងជាខូចខាតប៉ុណ្ណានោះទេ ព្រោះក្រោយកើតហេតុរថយន្តមិនបានឈប់មើលឡើយ ហេតុការណ៍នេះកើតឡើងកាលវេលាម៉ោង២.១០ នាទីយប់ ត្រូវនិងថ្ងៃទី២៨ខែវិច្ឆិកា ឆ្នាំ២០១៦ស្ថិតនៅចំណុចមុខមន្ទីរពេទ្យឯករាជ្យ ក្នុងភូមិត្រពាំងថ្លឹង សង្កាត់ចោមចៅខណ្ឌពោធិ៍សែនជ័យ។
យោងតាមអ្នកឃើញហេតុការណ៍បានអោយដឹងថាមុនពេលកើតហេតុគេឃើញបុរសម្នាក់បើករថយន្តលុចស៊ីសRX330ពណ៌ខ្មៅមិនចាំស្លាកលេខបើកតាមបណ្ដោយផ្លូវវេងស្រេងទិសដៅពីកើតទៅលិចក្នុងល្បឿនលឿនខណៈមកដល់ចំណុចកើតហេតុខាងលើបានជ្រុលទៅបុកមេគោមួយក្បាលសំបុរចំប៉ាកំពុងដើរឆ្លងផ្លូវពេញទំហឹងបណ្ដាបោកនិងថ្នល់ងាប់ភ្លាមៗ ចំណែករថយន្តបានខូចខាតជាដំណំសំនាងធំហើយដែលម្ចាស់រថយន្តមិនវែកញែករកមុខម្ចាស់គោឱ្យមកទទួលខុសត្រូវលើសំណងការខូចខាត។
ហេតុដូច្នេះហើយសូមម្ចាស់គោ ឬម្ចាស់សត្វចិញ្ចឹមទាំងឡាយមេត្តាមានការប្រុងប្រយ័ត្នខ្ពស់ ជៀសវាងមានករណីកើតឡើងបែបៗនេះ ព្រោះវាបានធ្វើឱ្យខាតបង់របស់ទ្រព្យដែលជាសត្វចិញ្ចឹមរបស់ខ្លួនហើយ ត្រូវសងការខូចខាតដល់ជនរងគ្រោះថែមទៀត។
ក្រោយកើតហេតុសមត្ថកិច្ចមូលដ្ឋានបានចុះមកដល់កន្លែងកើតហេតុភ្លាមៗ ដើម្បីស្វែងរកម្ចាស់គោតែមិនមានឃើញម្ចាស់គោមកទេទើបសមត្ថកិច្ចសំរេចយកគោញីមួយក្បាលនេះទៅទុកនៅប៉ុស្តិ៍ចោមចៅ ៕
