ក្រចេះ ៖ កម្លាំងអាវុធហត្ថលើផ្ទៃប្រទេស សហការជាមួយអាវុធហត្ថស្រុកចិត្របុរី និងកម្លាំងអាវុធហត្ថស្នាក់ការសន្តិសុខ៧០៨ ឃាត់រថយន្ដដឹកឈើគ្មានច្បាប់ចំនួន២គ្រឿង ប្រគល់ជូនជំនាញរដ្ឋបាលព្រៃឈើ សង្កាត់ថ្មគ្រែ កាលពីព្រឹកថ្ងៃទី២៤ ខែវិច្ឆកា ឆ្នាំ២០១៦ នៅចំនុចហាងបាយយីហោអូននាង នៅបណ្ដោយផ្លូវជាតិលេខ៧ ស្ថិតនៅភូមិបន្ទាយ ឃុំគោលាប ស្រុកចិត្របុរី ខេត្តក្រចេះ ។
លោក អ៊ឹម ចិត្រា មេបញ្ជាការអាវុធហត្ថស្រុកចិត្របុរី បានឲ្យដឹងថា រថយន្ដសាំងយ៉ុងដឹកឈើទាំងពីរគ្រឿងនោះ គឺដឹកឈើចេញពីខេត្តស្ទឹងត្រែង ហើយកម្លាំងអាវុធហត្ថលើផ្ទៃប្រទេសបើករថយន្ដប្រដេញតាំងពីព្រំប្រទល់ក្រចេះ ស្ទឹងត្រែង តែឃាត់មិនបាន រហូតមកដល់ចំនុចខាងលើ រថយន្ដទាំងពីរនោះរត់ចូលហាងបាយយីហោអូននាង ទើបឃាត់បាន។
ពលរដ្ឋលើកឡើងថាហាងបាយមួយនេះជាទីតាំងសំរាប់រថយន្ដដឹកឈើរត់ចូលលាក់ នៅពេលសមត្ថកិច្ចតាមបង្គ្រាប់ ហើយម្ចាស់តែងតែរារាំងសមត្ថកិច្ចពេលដែលពួកចូលតាមបង្គ្រាប ហើយម្ចាស់ហាងរូបនោះក៏ធ្លាប់ជេរបញ្ចោសមត្ថកិច្ចនាពេលកន្លងមកដែរ នៅពួកគាត់តាមចាប់រថយន្ដីដឹករត់ចូលព្រៃគ្រោយហាងបាយរបស់គាត់ ។
ប្រភពមួយទៀតបានឲ្យដឹងថា នៅខេត្តក្រចេះមានរថយន្ដសាំយ៉ុងដឹកឈើជាច្រើនគ្រឿងតែងតែបើកបិតគ្នា បង្កភាពភយ័ខ្លាចដល់ពលរដ្ឋធ្វើដំណើរតាមដងផ្លូវ មានពេលខ្លះចេញម្ដង១០គ្រឿងក៏មានដែរ ហើយពួកអ្នកបើកបង្កភាពភ័យខ្លាចដល់ពលរដ្ឋភាគច្រើនមកពីខេត្តត្បូងឃ្មុំ និងខេត្តព្រែវែង ហើយត្រូវគេស្គាលថា់ឈ្មោះ វៀច ឈ្មោះ អូន អ្នកទាំងពីរឪពុកនិងកូនតែងបើករថយន្ដបិទរ៉េពេញផ្លូវនៅពេលសមត្ថកិច្ចតាមបង្គ្រាប ។
លោក ម៉ី វុទ្ធី នាយសង្កាត់ថ្មគ្រែបានឲ្យដឹងថា រថយន្ដសាំងយ៉ុងទាំង២គ្រឿងនោះដឹកឈើប្រភេទលេខ ២ ហើយក្រោយអាវុធហត្ថស្រុកចិត្របុរី ប្រគល់ជូនលោកត្រូវកម្លាំងរបស់លោកនាំយកទៅរក្សាទុកស្ថានីយ៍បណ្ដុះកូនឈើខ្សា ហើយក្រោយធ្វើការវាស់វែងឈើទាំងនោះមានចំនួន២. ១៤២មែត្រគូប ស្មើរនឹងជាង២មែត្រគូបដើម្បីចាត់ការតាមច្បាប់រដ្ឋបាលព្រៃឈើបន្ត៕