ខេត្តមណ្ឌលគីរី៖ មានសេចក្តីរាយការណ៏មួយឲ្យដឹងថា៖សមត្តកិច្ចជាច្រើនស្ថាបន័ប្រចាំការនៅច្រកដាក់ដាំព្រុំដែនខេត្តមណ្ឌលគីរីបាននិងកំពុងសប្បាយនិងចំណូលក្រោមតុពីការនាំចេញឈើប្រណិតទំនិញពីស្រុកយួនជាពិសេសប្រេងឥន្ទនៈដែលនាំចូលដោយក្រុមហ៊ុនឌីធីស៊ីរបស់ឧកញ៉ាលក្ខ័រាប់សិបពាន់តោនក្នុងមួយខែៗក្រោមលេសយកមកចែកចាយ
នៅខេត្តមណ្ឌលគីរីដោយអនុគ្រោះពន្ធ(ស៊ិក)។រថយន្តស៊ីទែនប្រេង ប្រមាណជិត១០គ្រឿង ត្រូវបានឆ្លងកាត់ច្រកដាក់ដាំចូលទឹកដី កម្ពុជាកាលពីវេលាម៉ោង៩ព្រឹក ថ្ងៃទី១៥ ខែវិច្ឆិកា ឆ្នាំ២០១៦ ដោយគ្មានការត្រួតពិនិត្យឯក សារពាក់ព័ន្ធ ។ រថយន្តចំនួន៦គ្រឿងបានឆ្លងកាត់ចូលផុតពីទឹកដីវៀតណាមនៅវេលាម៉ោង ១០និង១០នាទីព្រឹក ថ្ងៃខែឆ្នាំដដែល ហើយរថយន្តច្រើនគ្រឿងទៀតកំពុងបន្តឆ្លងកាត់ដែលគេ រាយការណ៍មកថា ក្នុងថ្ងៃដដែលនេះអាចនឹងមានរថយន្តស៊ីទែនប្រេងឧកញ៉ាល័ក្ខមិនតិច ជាង១០ឡាននឹងត្រូវឆ្លងកាត់ ។
សមត្ថកិច្ចមាត់ច្រកបានបើកបារ៉ាស់ស្វាគមន៍ទាំងនគរបាលអន្តោប្រវេសន៍ ប្រធាន ស្នាក់ការរបស់សាលាខេត្ត កាំកុងត្រូល ពិសេសខាងគយរដ្ឋាករតែម្តងបានធ្វើកិច្ចការនេះក្នុង ការសម្រួលឲ្យឆ្លងកាត់ និងគ្មានការត្រួតពិនិត្យឯកសារប្រតិវេទន៍គយច្បាស់លាស់ ។
ពាក់ព័ន្ធករណីនេះ លោកឡុញ ស៊ីថេន ប្រធានការិយាល័យគយ និងរដ្ឋាករច្រកដាក់ ដាំបានប្រាប់កាសែតឲ្យដឹងថា៖ “រថយន្ត ស៊ីទែនដឹកប្រេងរបស់ឧកញ៉ាល័ក្សមានច្បាប់ត្រឹមត្រូវ ហើយអ្វីដែលសមត្ថកិច្ចរបស់លោកមិន ពិនិត្យ ឬឡើងមើលដោយសារគេមានឯកសារបង់ពន្ធនៅអគ្គនាយកដ្ឋានគយនិងរដ្ឋាករកម្ពុជា រួចហើយ ។ ប្រេងទាំងនេះដឹកមកសម្រាប់បម្រើការ ចែកចាយ ក្នុងខេត្តមណ្ឌលគិរីប៉ុណ្ណោះ “។
លោក ឡុញ ស៊ីថេនអះអាងថា បើប្រេងទាំងនេះដឹកបន្តចេញពីខេត្តមណ្ឌលគិរី រឿងចាប់ឬគុក ច្រវ៉ាក់ ខ្ញុំអត់ទទួលខុសត្រូវ ព្រោះប្រេងទាំងអស់សម្រាប់តែចែកចាយក្នុងខេត្តប៉ុណ្ណោះ ។ ចំណែកលោក សំ សុវណរិទ្ធប្រធានសាខា គយប្រចាំខេត្តមណ្ឌលគីរី ដែលមានលេខទូរសព្ទ័០៩៧៤៦៤….៦៦ នៅពេលយើងខលសុំការបំភ្លឺពីទូរសព្ទ័ចូល បីដងទើប ទទូលហើយឆ្លើយបន្លំថាលោកច្រឡំលេខហើយ ខលរកអ្នកណា ។ក្រោមលេសបង់ម៉ៅការព្រោះគ្មានការត្រួតពិនិត្យពីសមត្តកិច្ចជំនាញឡើយ។
លោក សៀក មុន្នីមេច្រកដាក់ដាំបានប្រាប់ ភ្នាក់ងារសាពត៌មាន ថា រថយន្ដដឹកប្រេងសាំងទាំងនេះ ជារបស់ក្រុមហ៊ុន ( ឌីធីស៊ី )របស់ លោកឧញ្ញា អឹង ស៊ីតានវិរះ ហៅឧញ្ញាលក្ខ័ ដែលមានអាជ្ញាប័ណ្ណបង់ពន្ធ នាំចូលត្រឹមត្រូវ ដោយគេបង់ពន្ធនៅ អគ្គនាយកគយភ្នំពេញឯណោះ។ ឯការនាំចូលនិង កាបង់ពន្ធរបៀបម៉េច ទាល់តែគយទើបបានដឹង លោកសួរខាងទៅគយចុះ។
សូមបញ្ជាក់ដែរថា៖ កន្លងមកលោក តាន់ ប៊ុនហឿន រដ្ឋបាលក្រុមហ៊ុនD.T.C.បានប្រាប់កាសែតថាក្រុមហ៊ុនរបស់លោកមានអាជ្ញាបណ្ណ័ពីអគ្គនាកដ្ឋានគយនិងរដ្ឋាករចំនួន២៤០តោនក្នុង១ខែសម្រាប់យកមកចែកចាយក្នុងប្រទេស។បើយោងតាមពតិរបស់គយនិងក្រុមហ៊ុនបង្ហាញថាខុសគ្នាព្រោះគយថានាចូលសម្រាបខេត្តមណ្ឌលតែក្រុមហ៊ុនថាយកមកលក់ទូទាំងប្រទេស។ម៉េចវិញចុះ?។ព្រោះតាមទំហំនៃការនាចូលមិនមែនមកប្រើត្រឹមខេត្តមណ្ឌលគិរីទេ។បើចឹងបើមិនមានការខុបឃឹតគ្នាចែកប្រយោជន៍ខ្លះម៉េចក៏ការនាំចូលស្រួលម៉េស?។សូមបញ្ជាក់ថា៖ការនាំប្រេងសាំងចូលគគ្រឹកគគ្រេងគឺឡានយួនយកមកស្តុកនៅផែស្ងួតក្រុមហ៊ុនD.T.C ដែលនៅក្បែរច្រកអន្តជាតិដាក់ដាំសម្រាប់យកទៅចែកចាយតាម ស្ថានីយ៍ប្រេងបណ្តាខេត្តផ្សេងៗទូទាំងប្រទេស ។
សម្រាប់លោក លោកឧញ្ញា អឹង ស៊ីតានវិរះ ហៅឧញ្ញាលក្ខ័នារយៈពេលកន្លងមកនេះ ត្រូវបានប្រជាពលរដ្ឋខេត្តរតនៈគីរីស្គាល់ថាជាឈ្មួញរកស៊ីជួញឈើប្រណិតខុសច្បាប់ចេញទៅប្រទេសវៀតណាមយ៉ាងធំនិងសកម្មម្នាក់នៅក្នុងអាណាចក្រខេត្តមណ្ឌលគីរី។ចឹងហើយបានជាមានការនិយាយដោយដាក់ការសង្ស័យថាជំនួញនាំចូលប្រេងឥន្ទនៈពីស្រុកយួនរបស់លោកឧកញ៉ម្នាក់ជួនកាលទាំងយប់ផងនោះក៏មិនប្រាកដថាបង់ពន្ធពេញថ្លៃនោះឡើយ។ទន្ទឹមនឹងបទល្មើសប្រេងគេចពន្ធហូរចូលតាមច្រកដាក់ដាំ ក៏មានមន្ត្រីមួយចំនួន បានអះអាង ដោយមិនសំចៃមាត់ថា “ខេត្តមួយនេះ បើគ្មានទំនិញគេចពន្ធហូរចូល តើឲ្យមន្ត្រី ក៏ដូចជាសមត្ថកិច្ចត្រូវពឹងលើអ្វី សម្រាប់ជាសេដ្ឋកិច្ចដោះស្រាយឆ្នាំងបាយ?” ។ គួររំឭកថា ឧកញ៉ាល័ក្សគឺជាឈ្មួញដ៏មានឥទ្ធិពលក្នុងការដឹកជញ្ជូនប្រេងពីប្រទេសវៀត ណាមចូលមកកម្ពុជា តាមច្រកដាក់ដាំ ខេត្តមណ្ឌលគិរី ៕
