រតនគិរី ៖ សេចក្តីរាយការណ៍ពីប្រជាពលរដ្ឋបានឲ្យដឹងថា៖នៅខេត្តរតនៈគីរីសកម្មភាពចរាចរណ៍ឈើប្រណិតបានកក្រើកឡើងវិញបន្ទាប់បានបិទអស់មួយរយៈដោយសារកម្លាំងអាវុធហត្ថលើផ្ទៃប្រទេសចុះបង្ក្រាបតែប៉ុណ្ណោះ។ ឥឡូវនេះជំនួញឈើប្រណីតគេសង្កេតឃើញថា៖មានរថយន្តដឹកឈើទាំងតូចទាំងធំដឹកជញ្ជូនឈើទាំងយប់ទាំងថ្ងៃយកទៅលក់នៅប្រទេសវៀតណាមតាមច្រករបៀងភូមិភិៈច្រកភ្នំក្រហមច្រកភូមិឡុំនិងច្រក១៩ហៅច្រកបារីដោយសមត្តកិច្ចជំនាញរបស់លោកកែបកត់ធ្វើដូចជាទីងមោងចឹង។ ចំណែកសមត្ថកិច្ចគ្រប់ស្ថាប័នទាំងអស់ចាប់ថ្នាក់ខេត្តដល់ព្រំដែនអូរយ៉ាដាវគ្មានសកម្មភាពទប់ស្កាត់ និងបង្ក្រាបរថយន្តដឹកឈើនេះទេដែលគេជឿថាដេកចាំទទួលលាភសក្ការៈហ្ម៉ង!។ ព្រោះបើ តាមប្រភពប្រជាពលរដ្ឋដែលរស់នៅតាមផ្លូវជាតិលេខ៧៨A ប្រជាពលរដ្ឋទាំងនោះសង្កេតឃើញមន្ត្រីជំនាញទាំងនោះអង្គុយរាប់ក្បាលឡានយកលុយ ឫមួយក៏តេទូរស័ព្ទយកលុយពីថៅកែឈើទាំងនោះដោយដាក់ខែ ដាក់ថ្ងៃតែប៉ណណ្ណោះ ។
ជាក់ស្តែង នៅរតនៈគីរីមានឈ្មួញឈ្មោះណូ និងប្រពន្ធដែលគេស្គាល់ថាជាមេឈ្មួញដុះស្លែម្នាក់ ដែលមានរថយន្តជាច្រើនគ្រឿងដូចជាម៉ាកបាឡែន និងសាំយ៉ុង ពណ៌ស ស្លាកលេខព្រះសីហនុ2A-2610ដែលសម្រុកដឹកឈើទាំងយប់ទាំងថ្ងៃពុំមានមន្ត្រីមេព្រៃចាប់ថ្នាក់សង្កាត់រដ្ឋបាលព្រៃឈើរហូតដល់ខណ្ឌរដ្ឋបាលព្រៃឈើមិនហ៊ានចាប់រថយន្តដឹកឈើឈ្មោះណូនោះទេ ព្រោះបានទទួលលុយជារៀងរាល់ខែពីថៅកែឈើឈ្មោះណូនេះ។ ប្រភពប្រជាពលរដ្ឋក្នុងក្រុងបានលុងគេសង្កេតឃើញឈ្មោះណូនេះពេលដាច់ខែម្តងៗបានស្ពាយកាបូបលុយជិះឡានអោយលុយគ្រប់ស្ថាប័នមានដូចជាប៉ូលិសសេដ្ឋកិច្ចខេត្ត និងក្រសួង ឌឺបេរ ។ល។ ហេតុដូច្នេះសូមថ្នាក់ក្រសួង គ្រប់ស្ថាប័នមើលមន្ត្រីក្រោមឱវាទនៅខេត្តរតនគិរីផង ព្រោះនៅពេលកន្លងមកសមត្តកិច្ចបង្ក្រាបតែរថយន្តណាដែលមិនបង់លុយអោយតែប៉ុណ្ណោះ៕
