កោះកុង ៖ ទីតាំងក្រុមហ៊ុនពន់យិសារ ពីន ពីន ទទួល បញ្ចាំមានទីតាំងស្ថិតនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង ត្រូវបានសមត្តកិច្ចចុះធ្វើការឆែកឆេរនៅល្ងាចថ្ងៃទី១៧ខែវិច្ចិការឆ្នាំ២០១៦ដកហូតបានម៉ូតូចោរលួច ១គ្រឿងប្រគល់ឲ្យម្ចាស់វិញ ។ម្ចាស់កាន់កាប់ទីកន្លែងនោះមានឈ្មោះ ចុង សុទា ភេទស្រី ជនជាតិខ្មែរ។
លោកឡាយ ម៉េងឡាំង ប្រធានការិយាល័យ ព្រហ្មទណ្ឌកំរិតស្រាល បានអោយដឹងថា ក្រោយពីទទួលពាក្យបណ្ដឹងពីជនរងគ្រោះ ឈ្មោះសុន ដារ៉ា ភេទប្រុស អាយុ៤២ឆ្នាំ មុខរបរជាមន្ត្រីនគបាលពន្ធនាគាខេត្តកោះកុង មានទីលំនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទ ដោយចោទប្រកាន់ទៅលើ ឈ្មោះអ៊ឹម សុខឃី ភេទប្រុស អាយុ៣៤ឆ្នាំ មុខរបរមេជាងសំណង់ មានទីលំនៅភូមិស្ទឹងវែង សង្កាត់ដងទង់ ក្រុងខេមរភូមិ ពីបទរំលោភលើទំនុកចិត្តជួលម៉ូតូជិះ រួចយកទៅបញ្ចាំ។
សមត្តកិច្ចបានអោយដឹងថាការចុះឆែកឆេរនៅពេលនេះគឺអនុវត្តតាមដីការលេខ១៨,២៦តព១៦ ចុះថ្ងៃទី១៧ ខែវិច្ឆិកា ឆ្នាំ២០១៦ របស់សាលាដំបូងខេត្តកោះកុងចុះអនុវត្តដោយលោក អ៊ីវ ត្រាយ ព្រះរាជ្ញារង អមសាលាដំបូងខេត្តកោះកុង។ ក្នុងការចុះឆែកឆេរលំនៅដ្ឋាន ក្រុមហ៊ុនពន់យិសារ ពិន ពិនមួយកន្លែង ដែលស្ថិតនៅភូមិ៣សង្កាត់ស្មាច់មាន ជ័យ ក្រុងខេមរភូមិន្ទ ខេត្តកោះកុង។
សមត្ថកិច្ចបានអោយដឹងថា ការចុះឆែកឆេរដែលមានឈ្មោះចុង សុទា ម្ចាស់ក្រុមហ៊ុន ពន់យីសារ ពិន ពិនចូលរួមផងនៅពេល នោះ បានរកឃើញនិងចាប់បានវត្ថុតាង រួមមាន ម៉ូតូ១ គ្រឿង ម៉ាកវេវ ព័តខ្មៅប្រផេះ ស្លាកលេខ1A85-49 កោះកុង ក្រៅពីម៉ូតូពាក់ព័ន្ធ១គ្រឿងនេះនាពេលនោះដែរសមត្តកិច្ចបានប្រទះឃើញម៉ូតូ៣១គ្រឿងផ្សេងទៀត។
ក្នុងនោះ ម៉ូតូដែលមានឯកសារគ្រប់គ្រាន់ មានចំនួន១១គ្រឿង ហើយចំណែកម៉ូតូដែលអត់មានឯកសារគ្រប់គ្រាន់ មានចំនួន២០គ្រឿងមាន.ម៉ាកហ៊ុងដា125មានចំនួន៥គ្រឿង ម៉ាកពីណូចំនួន២គ្រឿង ម៉ាកស្គុបពី១គ្រឿង ម៉ាកវីវ៉ា១គ្រឿង ម៉ាកវេវចំនួន៦គ្រឿងម៉ាកឃ្លីច១គ្រឿង. ម៉ាកស្មះ១គ្រឿង និងម៉ាកសង់ការរ៉េ ចំនួន២គ្រឿង។
សមត្ថកិច្ចបានអោយដឹងទៀតថា ចំពោះម៉ូតូទាំងនោះ ក្រៅពីម៉ូតូពាក់ព័ន្ធម៉ាកវេវមួយគ្រឿងខាងលើនេះ សមត្តកិច្ចបានប្រគល់អោយទៅម្ចាស់ឈ្មោះ ចុង សុទា នាយកក្រុមហ៊ុនយីសារគ្រប់គ្រងវិញ។មើលទៅល្អដែរតែខ្លឹមសារពិតក្រុមហ៊ុនបញ្ចាំមួយនេះទទួលបញ្ចាំរបស់ចោរ(ទទួលផលចោរកម្ម)តែសមត្តកិច្ចធើមិនដឹងទៅវិញ?៕
