ខេត្តបាត់ដំបង ៖ ទីតាំងរកស៊ីឈើមួយកន្លែងស្ថិតនៅភូមិនំក្រៀបហៅភូមិចិនផ្លូវលេខ៣០៣ឃុំព្រែកព្រះស្តេច.ស្រុកសង្កែខេត្តបាត់ដំបងមួយកន្លែងដែលអ្នកភូមិដឹងថា ជាជនវៀតណាមនិយាយភាសារខ្មែរបានមួយម៉ាត់ៗបាននិងកំពុងបើកមុខ របររកស៊ីជួញដូរឈើប្រណីតដោយយកមកកែច្នៃធ្វើតុ.ទូគ្រែ និងសាឡុងជារៀងរាល់ថ្ងៃ។
បើតាមសម្តីរបស់ប្រជាពលរដ្ឋដែរស់នៅជិតៗទីតាំងនោះបានអោយដឹងថា ជនជាតិវៀតណាមពីរនាក់ប្តីប្រពន្ធនេះបានមកបោះទីតាំងនេះរកស៊ីឈើមួយកន្លែងក្នុងភូមិលើដីឡូត៍ដ៏ធំសំរាប់ជាទីកន្លែងរកស៊ីហើយពូកគាត់សង្កេតឃើញថាទីតាំងរកស៊ីឈើកន្លែងនេះគឺចេញបិទចូលបិទទ្វារជិតៗរាល់ថ្ងៃ ហើយចំណែកក្នុងរបង និងក្នុងរោងមានសុទ្ធឈើប្រណីតដែលគេដឹកមកនៅពេលយប់មកទុកសំរាប់កែច្នៃនាំចេញ។
ពួកគាត់បានបន្តថា ការប្រកបមុខរបរបំផ្លាញឈើយ៉ាងនេះហើយពុំឃើញមានសមិត្ថកិច្ចឬជំនាញណាមកសួរនាំ និងធ្វើការបង្ក្រាបម្តងឡើយប្រហែលសមិត្ថកិច្ចត្រូវភ្លើងដុល្លារលែងបើកភ្នែករួចហើយមើលទៅទាំងតាមផ្លូវទាំងក្នុងក្រុងខេត្តងងឹតភ្នែកទាំងអស់។
ក្នុងរឿងនេះភ្នាក់ងារព័ត៌មានបានទំនាក់ទំនងទៅលោក លី ជូបៀង ប្រធានមន្ទីរកសិកម្មខេត្តបាត់ដំបងដើម្បីបំភ្លឺ តែជួបកូនចៅ ហើយមេចូលបន្ទប់ទឹករហូតដោយគ្មានទទួលបានការបំភ្លីពីស្ថាប័ន្តពាក់ព័ន្ធណាមួយបានទេ។
សូមបញ្ជាកថា រាល់បទល្មើសទាំងឡាយក្នុងខេត្តបាត់ដំបងរបស់រដ្ឋគឺគ្មានការទទួលខុសត្រូវទាំងអស់ហើយរុញដាក់គ្នាទៅវិញទៅមក និងរាល់ការកស៊ីជួញដូរទាំងអស់៕
