ខេត្តរតន:គិរី ៖ លោកតេក សុខលាង ដែលជាមេការរបស់ក្រុមហ៊ុន រាមណា កំពុងតែធ្វើការដឹកជញ្ជូនឈើតាមរថយន្តយីឌុប ចេញពីស្រុកអណ្ដូងមាសឆ្ពោះទៅកាន់ខេត្តកំពង់ចាម ដែលផ្ទុយពីច្បាប់ដែលបានអនុញាតិ គឺនៅស្រុកតាវែង ។
តែផ្ទុយទៅវិញ ឈើទាំងនោះបែរជាធ្វើការស្តុបទុកនៅក្នុងទឹកដីនៃស្រុកអណ្ដូងមាសរាប់សិបម៉ែតគូប និងធ្វើការដឹកជញ្ជូនតាមរថយន្តយីឌុបជាច្រើនគ្រឿង ចេញពីស្រុកអណ្ដូងមាសទៅវិញប្រហែលជាលោក សុខ លាង គិតថា ច្បាប់នៅស្រុកខ្មែរស្រេចតែលោកអ្នកកំណត់ហើយ ទើបលោកចង់ធ្វើអ្វីតាមតែអំពើរចិត្តដោយគ្មានការខ្លាចញញើតច្បាប់បែបនេះ។ ដូច្នេះហើយសូមលោក កែប កត់ដែលជានាយខ័ណ្ឌរដ្ឋបាលព្រៃឈើខេត្តរតន:គិរី និងមន្ត្រីជំនាញដែលពាក់ព័ន្ធទាំងអស់មេត្តាធ្វើការត្រួតពិនិត្យច្បាប់អនុញាតិអោយបានច្បាស់លាស់ផង មិនមែនទុកអោយឈ្មួញធ្វើអ្វីស្រេចតែអំពើចិត្តដោយមិនខ្លាចញញើតច្បាប់បែបនេះ ។
សារព័ត៌មានយើងមិនអាចសុំការបំភ្លឺលោក តេក សុខលាង បានទេ ៕