សមាជិកភាពក្រុមការងារគណបក្សប្រជាជនកម្ពុជា ចុះជួយក្នុងឃុំទាំង ៥ នៃស្រុករតនមណ្ឌល ខេត្តបាត់ដំបង ត្រូវបានធ្វើពិធីប្រកាស តែងតាំង ក្រោមអធិបតីភាព ឯកឧត្តម កែ គឹមយ៉ាន សមាជិកគណៈអចិន្ត្រៃយ៍ គណៈកម្មាធិការកណ្តាល គណបក្សប្រជាជនកម្ពុជា និងជា អនុប្រធានទី១ ក្រុមការងារគណបក្សប្រជាជនកម្ពុជា ចុះជួយខេត្តបាត់ដំបង នាព្រឹកថ្ងៃទី៣០ ខែសីហា ឆ្នាំ២០១៤ នៅទីស្នាក់ការគណបក្សប្រជា ជនកម្ពុជា ស្រុករតនមណ្ឌល។
មានប្រសាសន៍ក្នុងពិធីនោះ ឯកឧត្តម កែ គឹមយ៉ាន សមាជិកគណៈអចិន្ត្រៃយ៍ គណៈកម្មាធិការាកណ្តាល គណបក្សប្រជាជនកម្ពុជា និង ជាអនុប្រធានទី១ ក្រុមកាងារគណបក្សប្រជាជនកម្ពុជា ចុះជួយខេត្តបាត់ដំបង មានប្រសាសន៍ថាៈក្នុងរយៈពេល១០ឆ្នាំកន្លងទៅនេះ ខេត្តបាត់ដំបង មានការរីកចំរើនយ៉ាងខ្លាំងលើគ្រប់វិស័យធំៗ ជាបណ្តាខេត្តនានា ដ៏ទៃទៀតនៅទូទាំងប្រទេស។
ឯកឧត្តមមានប្រសាសន៍ កោតសរសើរដល់ស្រុករតនមណ្ឌល ក៏ដូចជាខេត្តបាត់ដំបង ទាំមូលដែលបានយកចិត្តទុកដាក់ ពង្រឹងបានល្អនូវ សន្តិសុខ សណ្តាប់ធ្នាប់សង្គម និងការងារបង្កបង្កើនផលស្រូវ ដំណាំឧស្សាហកម្ម ទទួលបានទិន្នផលខ្ពស់ កសាងហេដ្ឋរចនាសម្ព័ន្ធល្អ ធ្វើឱ្យជីវភាព ប្រជាជនបានធូរធារ រីកចំរើន និង ពិសេសការងារកសាងបក្សរបស់ស្រុករតនមណ្ឌល ទទួលបានចំណាត់ថ្នាក់លេខ ៣ ក្នុងចំណោមស្រុកទាំង ១៤ របស់ខេត្តបាត់ដំបង។
ឯកឧត្តមមានប្រសាសន៍ទៀតថាៈ បច្ចុប្បន្នប្រទេសមានសន្តិសុខ សន្តិភាពពេញលេញរាជរដ្ឋាភិបាល ដំណើរការ និតិប្រតិបត្តិធម្មតា ធ្វើឱ្យជីវភាពប្រជាពលរដ្ឋ កាន់តែប្រសើរឡើង សេដ្ឋកិច្ចជាតិ កាន់តែមានចំណូល និង ធ្វើនយោបាយក្រៅប្រទេសត្រឹមត្រូវ សាមគ្គីបានល្អ រវាង ប្រទេសជិតខាងទៀផង ។
ឯកឧត្តមមានប្រសាសន៍ផ្តាំផ្ងើរ ដល់សមជិកភាពទាំងអស់ បន្តធ្វើការងារបន្ថែមទៀត និងជំរុញអោយខេត្តស្រុក ឃុំ សង្កាត់ អនុវត្តន៍ តាមគោលនយោបាយរបស់រាជរដ្ឋាភិបាល ដែលបានកំណត់ កែលំអមន្ត្រីគ្រប់ជាន់ថ្នាក់ ដើម្បីកំណើនការងារ សមធម៌ និងប្រសិទ្ធិភាព។!!!!
