ក្រចេះ ៖ រថយន្ដដឹកទឹកកក បើកបរក្នុងល្បឿនលឿន ហើយជាន់ហ្វ្រាំងទទឹងផ្លូវ បណ្ដាលឲ្យបុកម៉ូតូឈប់ស្ងៀមធ្លាក់ពីលើផ្លូវជាតិទាំងរថយន្ដទាំងម៉ូតូនិងបណ្ដាលឲ្យមនុស្ស២នាក់ប្ដីប្រពន្ធរងរបួសធ្ងន់ ។
ហេតុការណ៍នេះកើតឡើងនៅព្រឹកថ្ងៃទី២២ ខែវិច្ឆិកា ឆ្នាំ២០១៦ នៅចំនុចព្រែកច្រោកភូមិព្រែតាអាំឃុំបុសលាវស្រុកចិត្របុរីខេត្តក្រចេះ ។
មន្ត្រីសមត្ថកិច្ចបានឲ្យដឹងថា ហេតុការណ៍គ្រោះថ្នាក់ចរាចរណ៍នេះ បង្កដោយរថយន្ដគ្រុមហ៊ុនដឹកទឹកកសុខផេងដែលមានទីតាំជាប់វត្តបច្ឆាក្រុងក្រចេះជាអ្នកបង្កហេតុដោយរថយន្ដបើកក្នុងល្បឿងយ៉ាងលឿន ហើយជាន់ហ្វ្រាំង បោករថយន្ដទទឹងផ្លូវ បណ្ដាលឲ្យបុកម៉ូតូឈប់ចាក់សាំងនៅចិញ្ចើមផ្លូវ ធ្លាក់ពីលើផ្លូវ និងម៉ូតូ១គ្រៀងទៀត ដួលលើខូចខាត់ផងដែរ ។
អ្នកបើកបររថយន្ដបង្កឈ្មោះលោក ស៊ុំ បូរ៉ា ភេទប្រុសអាយុ២៥ឆ្នាំ រស់នៅភូមិត្រពាំងព្រីងសង្កាត់ក្រចេះ ក្រុងក្រចេះ ។ ចំណែកជនរងគ្រោះទី១ ឈ្មោះ ពុទ្ធ ចាន់ឌី ភេទស្រី អាយុ៣១ឆ្នាំ និងជនរងគ្រោះទី២ ឈ្មោះ ជុំ កក់ ភេទប្រុសអាយុ២៦ ត្រូវជាប្ដីជនរងគ្រោះទី១ រងរបួសធ្ងន់ទាំងប្ដីប្រពន្ធ អ្នកទាំងពីររស់នៅភូមិព្រែកចំឡាក់ ឃុំកញ្ជរ ស្រុកឆ្លូង ខេត្តក្រចេះ ។
លោកបានបន្ដទៀតថា ជនរងគ្រោះទាំងពីរនាក់ប្ដីប្រពន្ធបញ្ជូនមកសំរាកព្យាលបាលនៅមន្ទីរពេទ្យបង្អែកខេត្ត ។ បន្ទាប់នោះ សមត្ថកិច្ចបាននាំយកម៉ូតូនិងរថយន្ដមកទុកនៅប៉ុស្ដិន៍រដ្ឋបាលបុសលាវដើម្បីចាត់បន្ត៕
