ខេត្តមណ្ឌលគីរី ៖ កម្លាំងមូលដ្ឋានកងរាជអាវុធហត្ថស្រុកពេជ្រាដា សហការជាមួយកម្លាំងរដ្ឋបាល ព្រៃឈើខេត្តមណ្ឌលគិរី បានធ្វើការបង្ក្រាបបទល្មើសព្រៃឈើ នៅវេលាម៉ោង០៤ និង៣៥នាទីទាបភ្លឺ ថ្ងៃទី២០ ខែវិច្ឆិកា ឆ្នាំ២០១៦ ចំនួន០១លើក ស្ថិតនៅចំណុចភូមិពូទឺត ឃំុប៊ូស្រា ស្រុកពេជ្រាដា ខេត្តមណ្ឌលគិរី។
នេះបើយោងទៅតាមប្រភពពត៌មានពី លោក ឧត្តមសេនីយ៍ត្រី សាក់ សារ៉ាង មេបញ្ជាការ កងរាជអាវុធហត្ថខេត្តមណ្ឌលគិរី បានថ្លែងប្រាប់ភ្នាក់ងារសារព័តិមានបាន ឱ្យដឹងថា ក្នុងប្រតិបត្តិការបង្ក្រាបបទល្មើសនោះផងដែរ កម្លាំងកងរាជអាវុធហត្ថ ក៏បាន ចាប់យកវត្ថុតាងមួយចំនួនរួមមានៈ
០១. រថយន្តម៉ាក ឡិចស៊ីសRX៣៣០ ចំនួន០១គ្រឿង
០២. ឈេីប្រណិតប្រភេទធ្នង់ ចំនួន៤២ដុំ ស្មើ១.២០០(មួយម៉ែត្រគូបចុចពីររយ)។
លោកឧត្តមសេនីយ៍ត្រី បានបញ្ជាក់អោយដឹងទៀតថា ការឃាត់រថយន្តខាងលើនេះ គឺធ្វើទៅបាន ដោយមានការសហការដ៏ល្អ រវាងកម្លាំងកងរាជអាវុធហត្ថ និងបងប្អូនប្រជាពលរដ្ឋក្នុងការផ្តល់ដំណឹង ទើឈានទៅដល់ការឃាត់បានរថយន្តខាងលើ។
វត្ថុតាង ត្រូវមន្ត្រីជំនាញកងរាជអាវុធហត្ថខេត្តមណ្ឌលគិរី កំពុងកសាងសំណុំរឿង ដើម្បីប្រគល់ជូនខណ្ឌរដ្ឋបាលព្រៃឈើ ចាត់ការបន្តតាមនិតិវិធី។ចំណែកជនល្មើស ត្រូវបានកម្លាំងកងរាជអាវុធហត្ថ កំពុងស្វែងរក ដើម្បីយកមកផ្តន្ទាទោសតាមផ្លូវច្បាប់៕
