មណ្ឌលគិរី ៖ នាយរងការិយាល័យគ្រឿងញៀន នៃស្នងការដ្ឋាននគបាលខេត្តមណ្ឌលគិរីម្នាក់ បានស្លាប់ដោយសារអន្ទាក់ឆករបស់ព្រាន កាលពីល្ងាចថ្ងៃទី១៦ខែវិច្ឆិកាឆ្នាំ២០១៦ នៅភូមិ មេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី។
តាមរបាយការរបស់កម្លាំងអាវុធហត្ថស្រុកពេជ្រាដា បានអោយដឹងថា ជនរងគ្រោះមានឈ្មោះ សន ភឿន ភេទប្រុស សពជនរងគ្រោះត្រូវបានសមត្ថកិច្ចប្រទះឃើញនៅក្នុងចំការ ឈ្មោះ មឿន នៅវេលាម៉ោង១៣នឹង៣០នាទីថ្ងៃទី១៧ខែវិច្ឆិកាឆ្នាំ២០១៧ខាងក្រោយភូមិមេប៉ៃ ប្រមាណជា២គីឡូម៉ែតពីផ្ទះអ្នកភូមិ ។ក្រោយពីធ្វើការស្រាវជ្រាវយ៉ាងយកចិត្តទុកដាក់សមត្ថកិច្ចបានកំណត់បានមុខសញ្ញាជនសង្ស័បានហើយមកដល់ពេលនេះ សមត្ថកិច្ចបានអោយដឹងទៀតថា ម្ចាស់អន្ទាក់ ឈ្មោះ សាន់ ណៃ ភេទប្រុុស ព្រមទាំងអ្នករួមដំណើរម្នាក់ទៀតឈ្មោះ កួយ ស្រអែម ។ អ្នកទាំង ២ រស់នៅភូមិមាប៉ៃ ឃុំពូជ្រៃ ពេជ្រាដា ។
លោក សូ សុវណ្ណ ស្នងការរងខេត្តមណ្ឌលគិរី បានអោយដឹងថា ជនរងគ្រោះខាងលើ ជាមន្ត្រីប៉ូលិសដែលបំរើការនៅការិយាល័យគ្រឿងញៀននៃស្នងការខេត្តមណ្ឌលគិរី ប្រាកដមែន លោក សន ភឿន ជានាយរងការិយាល័យគ្រឿងញៀន បានស្លាប់ដោយសារឆក់អន្ទាក់អាគុយ ចំណែកជនសង្ស័យដែលដាក់អន្ទាក់បានគេខ្លួនបាត់ហើយ តែសមត្ថកិច្ចបានស្គាល់អត្តសញ្ញាណ្ណអស់ហើយ៕
