ខេត្តក្រចេះ ៖ កាលពីយប់ថ្ងៃទី៧ វិឆ្ឆិកា ២០១៦ ស្ថិតក្នុងឃំ២ធ្នូ ស្រុកស្នួល ម៉ោងប្រម៉ាណជា១០;១៣ បើតាមសេចក្តីរាយការណ៍ពីអ្នកឃើញហេតុការណ៍ប្រាប់ថា មានរថយន្តសាំយ៉ុងមួយគ្រឿងពណ៌ (ស)គ្មានស្លាកលេខ ដឹកឈើធ្នង់ពេញ ចេញពីម្តុំព្រំប្រទល់ខេត្តមណ្ឌលគិរី ទៅលិច ។ មកដល់ចំណុចគីឡូម៉ែត្រចាស់១៣០ ហួសប៉ុស្តិ៍ប៉ូលិសព្រំដែនត្រពាំងក្រញូង ប្រម៉ាណជា៣០០ម៉ែត្រ ត្រូវជួបនឹងកម្លាំងល្បាតព្រំដែន ដែលដឹកនាំដោយលោកផ្កាយ ០១ សំ ពីសី អនុប្រធាននាយកដ្ឋានបច្ចេកទេសព្រំដែន ក៍ចាប់រថយន្តនោះយកមកដាក់នៅប៉ុស្តិ៍ត្រពាំងក្រញូង។
បើតាមប្រភពសុំមិនបញ្ចេញឈ្មោះប្រាប់ថារយៈពេលបានប្រហែលជិតមួយម៉ោងក្រោយមកគេក៍ឃើញប្រលែងវិញ។
នៅក្នុងរឿងរថយន្តដឹកបទល្មើសចាប់ហើយព្រលែងនេះ ត្រូវប្រភពដដែលប្រាប់ថា ពិតជាមានការដោះដូរប្រាក់ជាថ្នូនឹងការដោះលែងច្បាស់ណាស់ ព្រោះវាមិនមែនជាសមត្ថកិច្ចក្នុងស្រុកដែលធ្លាប់ស្គាល់ទេ ។ ប្រភពបន្តថា បើគ្មានការដោះដូទេនោះ មិនអាចលែងឡើយ ។
ជុំវិញរឿងហេតុទាំងអស់នេះ ភ្នាក់ងារព័ត៌មានយើងបានសុំការបកស្រាយពីលោកផ្កាយ០១ សំ ពីសី លោកឆ្លើយថា លោកចាប់បានមែន តែលោកប្រគល់ឲ្យប៉ុស្តិ៍ហើយ ។ លោកថា លោកមានឯកសារប្រគល់ទទួលគ្រប់គ្រាន់ ត្រូវរាយការណ៍ឲ្យមេ ។ បន្ទាប់មក ភ្នាក់ងារយើងសុំឯកសារលោកមើល ដើម្បីឲ្យច្បាស់និងធ្វើព័ត៌មាន ។ តែលោកថាឲ្យទៅប៉ុស្តិ៍ទើបមាន ព្រោះអ្នកកាន់ឯកសាររបស់លោកបានដាក់ច្បាប់សំរាក។
បន្ទាប់មក ភ្នាក់ងារព័ត៌មានយើងបានសួររកឯកសារពីលោក ធីម ធឿន មេប៉ុស្តិ៍តែទូរស័ព្ទលោកបិទខលមិនចូល ។
ភ្នាក់ងារយើងក៏សុំសួររកឯកសារពីលោក សួង ចំរើន មេបញ្ជាការព្រំដែន លោកឆ្លើយថា ក្នុងរឿងចាប់រថយន្តសាំយ៉ុង ដែលលោកសួរនោះ ខ្ញុំមិនបានទទួលរបាយការណ៍ ឬឯកសារណាមួយពីប៉ុស្តិ៍ត្រពាំងក្រញូង ដូចលោកសួរនោះឡើយ។
នៅក្នុងរឿងចាប់រថយន្តដឹកឈើប្រណិត ដែលលោកផ្កាយ ០១ ចាប់បានហើយលែងនេះត្រូវ ប្រជាពលរដ្ឋដាក់ការសង្សយ័ថា ពិតជា មានការដោះដូណាមួយជាថ្នូរហើយ ។
ជុំវិញរឿងដែលលោកផ្កាយ ០១ ធ្វើទង្វើនេះត្រូវបានប្រ ជាពលរដ្ឋនិយាយសឹងគ្រប់មាត់ថា រាជរដ្ឋាភិបាលបានដាក់ចេញបញ្ជាឲ្យPMលើផ្ទៃប្រទេសធ្វើការ បង្ក្រាបបទល្មើសធំៗ បានស្នាដៃគួឲ្យកត់សំគាល់ទៅលើករណីជាច្រើននូវភូមិភាគឦសាននេះ។
ឥឡូវឯខាង PL មហាផ្ទៃវិញបែរជាមករកប្រាក់កំរៃ ដែលកើតពីការបំផ្លាញធនធានធម្មជាតិទៅវិញ។
ជុំវិញរឿងហេតុទាំងអស់នេះ ភ្នាក់ងារព័ត៌មានយើងបានខលទៅសុំការបំភ្លឺពីឯកឧត្តម ឌុល គឿង រដ្ឋលេខាធិការក្រសួងមហាផ្ទៃ ដើម្បីសុំការបំភ្លឺឲ្យកាន់តែច្បាស់ថា ឯកឧត្តមបានទទួលរបាយការណ៍នេះទេ ៕
