ក្រចេះ ៖ មានសេចក្តីរាយការណ៍ពីប្រជាពលរដ្ឋនៅស្រុកព្រែកព្រហសពថាសមត្តកិច្ចជំនាញទាំងខាងបរិស្ថានទាំងខាងមេព្រៃអត់ធ្វើការតាមតួនាទីភារកិច្ចរបស់ខ្លួនទេគឺដេកចាំតែយកលុយពីអ្នកប្រព្រឹត្តបទល្មើសព្រៃឈើតែប៉ុណ្ណោះ។ជាក់ស្តែងនៅរសៀលថ្ងៃទី ៨ ខែវិច្ឆិកា ឆ្នាំ២០១៦ ម៉ោងប្រហែល ៣នៅចំណុចភូមិសាស្ដ្រឃុំជ្រោយបន្ទាយ ស្រុកព្រែកប្រសព្វ
ខេត្តក្រចេះគេបានឃើញសកម្មភាពដឹកជញ្ជូនឈើតាមរថយន្តសាំយ៉ុងនិងគោយន្តបន្តកន្ទុយគ្នាដោយគ្មានខ្លាចញញើតសមត្តកិច្ចឬអាជ្ញាធរអីតិច។ ។បើតាមប្រជាពលរដ្ឋឲ្យដឹងថា៖ការដឹកជញ្ជូនផលអនុផលព្រៃឈើ និងជន្លង់ម្រេចនៅតែបន្តធ្វើចរាចរជារៀងរាល់ថ្ងៃដែលក្រុមឈ្មួញឃុបឃិតជាមួយមន្ដ្រីបរិស្ថានដែលឈរជើងប្រចាំការនៅតំបន់ព្រៃការពារ គឺព្រៃឡង់ដែលគ្រប់គ្រងដោយ លោក ឌួង ឆាយសាវុទ្ឍ ប្រធានមន្ទីរបរិស្ថានខេត្តក្រចេះ ។
ចេញផុតពីតំបន់ព្រៃការពាររបស់ពួកបរិស្ថានពួកឈ្មួញបានឃុបឃិតជាមួយសង្កាត់រដ្ឋបាលព្រៃឈើជ្រោយបន្ទាយដែលគ្រប់គ្រងដោយលោក ប៉ុក វណ្ណា នាយសង្កាត់រដ្ឋបាលព្រៃឈើជ្រោយបន្ទាយ និងផ្នែកព្រែកប្រសព្វ គ្រប់គ្រងដោយ លោក អ៊ីង ស៊ីណាង។ជាក់ស្តែងទោះជាមានបទល្មើសព្រៃឈើស្រស់ៗក៏ដោយក៏នាយផ្នែករដ្ឋបាលព្រៃឈើព្រែកប្រសព្វលោកអ៊ឹងស៊ីណាង មិនដែលធ្វើការបង្ក្រាបឡើយក្រៅពីអោយកូនចៅ ឈ្មោះ លោក វីរីយ៉ា និង លោក សុវណ្ណ បើករថយន្ដយកលុយពីពួកឈ្មួញតែប៉ុណ្ណោះ ។
បើតាមអ្នករកស៊ីដឹកឈើបានឲ្យដឹងពីហាងឆេងសម្រាប់មន្ត្រីទាំងនោះថា៖ឈើមួយរទេះគោត្រូវបង់ឲ្យមន្ត្រីបរិស្ថាន ពី១៥ មឹុនរៀល ទៅ២០ ម៉ឺនរៀល។ បើគោយន្ដច្នៃ១ គ្រឿងត្រូវបង់ពី២៥ ម៉ឹនរៀល ទៅ៤០ ម៉ឺនរៀល ។ ចំណែករបបមេព្រៃទាំងផ្នែកនិងសង្កាត់ក្នុង១ គោយន្ដច្នៃ៨ ម៉ឹនរៀល ទៅ១០ម៉ឺនរៀលប៉ុណ្ណោះ! ។ បើចឹងៗមិនឲ្យលោកមេព្រៃមន្ត្រីបរិស្ថានធូធាម៉េចបានទៅ ។ ស្អីទៅច្បាប់ប្រឆាំងពុករលួយ?។ មិនអាចសុំការបំភ្លឺពីមន្ត្រីជំនាញដែលមិនធ្វើការបានឡើយដោយសារលំបាកជួបអ្នកសម្រាប់អ្នកកាសែត ។
សូមបញ្ជាក់ថា ខេត្តក្រចេះពីមុនក្នុងសៀវភៅសិក្សាបានបង្ហាញថា៖ជាខេត្តមួយដែលសម្បូរព្រៃឈើ បច្ចុប្បន្ន ទំនងមានតែក្នុងសៀវភៅសិក្សាតែប៉ុណ្ណោះ ៕
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន
