កំពង់ធំ ៖ សព្វថ្ងៃលោកយ៉ាន់វិសាក់(ហៅសែ)នាយផ្នែកជលផលផាត់សណ្ដាយបាននិងកំពង់ជិះសេះលេងដៃក្នុងការទទួលផលពីបទល្មើសនេសាទដោយប្រើឧបករណ៍នេសាទខុសច្បាប់ប្រភេទឆ្នុករាប់ពាន់កន្លែងនិងរបាំងលបណរាវ របាំងសាច់អួនក្រឡាញឹកប្រវែងរាប់ពាន់មែត្រនិងមានរាប់ពាន់កន្លែងដែលដាក់ពង្រាយយ៉ាងអានាធិតេយ្យនៅក្នុងភូមិសាស្ត្រ ទឹកដី២ស្រុកគឺស្រុកកំពង់ស្វាយនិងស្រុកស្ទោងខេត្តកំពង់ធំ ។
បើតាមសេចក្ដីរាយការណ៍ពីប្រជានេសាទនៅឃុំពាមបាងស្រុកស្ទោងនិងឃុំផាត់សណ្ដាយស្រុកកំពង់ស្វាយខេត្តកំពង់ធំបានអោយដឹងថាលោកយ៉ានវិសាក់ហាក់បីដូចជាឆ្លៀតឱកាសដែលក្រសួងកសិកម្មផ្ទេរភារកិច្ចរដ្ឋបាលព្រៃឈើនិងជលផលឲ្យស្ថិតនៅក្រោមមន្ទីរកសិកម្មខេត្តគឺគេមិនសូវឃើញមានវត្តមានលោកយ៉ានវិសាក់ទេគឺគាត់ទៅដេកចាំស៊ីចាយស៊ីស្រីញីនៅតាមសណ្ឋាគារខេត្តឯខេត្តសៀរាបចាំទទួលយកលុយពីអ្នករត់ការយកទៅបង់អោយ ។ ដោយគ្រាន់តែជំហ៊ានទី១អ្នករកស៊ីនិយាយថា៖ទឹកលុយប្រម៉ូលបានពីអ្នករកស៊ីបទល្មើខាងលើមិនក្រោមពីជាង១០ម៉ឺនដុល្លានោះឡើយ។
មិនដឹងថាតើលុយរកបានចឹងលោកយ៉ានវិសាក់យកទៅចែកឲ្យមន្ទីរកសិកម្មខេត្តកំពង់ធំនិងមេបញ្ជារការឯកភាពខេត្តប៉ុន្មានទេទើបបានជាចេះតែសម្ងំឈឹងជាមួយបទល្មើសនៅទីតាំងខាងលើ ។ ជាក់ស្តែងឧបករណ៍ឆ្នុកទាំងនោះត្រូបានគេដាក់ពង្រាយនៅពេលយប់ប់នៅចំណុចចាប់ពីបាឡត ពាមបាង ពាមកងម៉ី បាវើយ ដូនស្ដើង ក្នុងឃុំពានបាងនិងទឹកដីមួយចំនួនទៀតក្នុងឃុំផាត់សណ្ដាយស្រុកំពង់ស្វាយ ខេត្តកំពង់ធំដោយសេរីដូចភ្លើងបណ្ដែតប្រទីតនៅពេលយប់ ។
បើតាមប្រភពព័ត៌មានពីប្រជានេសាទអ្នកដាក់ឆ្នុកបានទម្លាយអោយដឹងថាមានឈ្មោះង្វៀងយ៉ាំងហ៊ុង(ហៅក្បាលដែក)នៅភូមិមាត់ខ្លានិងជាថៅកែនាំកូនត្រីឆ្ដោរ ត្រីរ៉ស់ធំជាងគេដែលនាំចូលពីប្រទេសវៀតណាមយកមកចែកចាយក្នុងប្រទេសកម្ពុជាពិសេសក្នុងតំបន់បឹងទន្លេសាបនឹងជាអ្នកកាងបទល្មើសនេសាទទូកអូសអួនជាច្រើនវង់យ៉ាងសកម្មជារៀងរាល់ឆ្នាំនៅតំបន់បឹងទន្លេសាបផងដែរ។
ជាអ្នកកាងរត់ការបទល្មើលដាក់ឆ្នុកនៅតំបន់ខាងលើនេះ ដោយមិនមានសមត្ថកិច្ចណាហ៊ានក្អកជាមួយបុគ្គលឈ្មោះ ង្វៀង យ៉ាំងហ៊ុង (ហៅក្បាល)ដែកនេះឡើយ ព្រោះគេអួតខ្លួនគេថា ជាកូនធម៌របស់អតីតមន្ត្រីថ្នាក់ធំម្នាក់នៅក្នុងជួរថ្នាក់ដឹកនាំរដ្ឋបាលជលផលជាខ្នងបង្អែកយ៉ាងរឹងមាំរបស់គេ ទើបគេហ៊ានរកស៊ីរបរអាជីវកម្មទាំងប៉ុន្មានខាងលើ ដោយគ្មានខ្លាចញញើតអំណាចសមត្ថិកច្ចណាសោះឡើយ ៕
