ពោធិសាត់ ៖ ទោះបីជាមានបទបញ្ជារឲ្យបង្ក្រាបក៏ដោយក៏នៅក្នុងអាណាចក្រស្រុកភ្នំក្រវាញប្រជាពលរដ្ឋរាយការណ៍ថាសកម្មភាពកាប់អារឈើនៅតែមានសកម្មភាពដដែល ។ ឈ្មួញជើងខ្លាំងដែលនៅតែផ្គើននិងបទបញ្ជាររាជរដ្ខាភិបាលបើតាមប្រភពពីប្រជាពលរដ្ឌនៅស្រុកគ្រគរបានអោយដឹងថាមានឆ្មោះឆាងម៉ៅ ជាមន្ត្រីប៉ូលីសនិងជាមេឈ្មួញឈើដុះស្លែជា យូរមកហើយនៅក្នុងខេត្តពោធិសាតបាននិងកំពង់ប្រើឥទ្ធិពលខ្លួនជាសមត្តកិច្ចយកម៉ាស៊ីនអាឈើប្រភេទម៉ាស៊ីនរ៉ៃធំៗទៅដាក់អារបំផ្លាញព្រៃឈើគ្រប់ប្រភេទនៅម្ដុំជួរភ្នុំក្រវ៉ាញខេត្តពោធិសាត់ដែលជាដែនជម្រកសត្វព្រៃ ។
ប្រភពបានបន្តអោយដឹងផងដែរថា៖មួយថ្ងៃៗគេសង្កេតឃើញក្រុមប្រព្រឹត្តបទល្មើសព្រៃឈើរបស់លោកឆាងម៉ៅដាក់ម៉ាស៊ីនអារឈើនិងចល័តម៉ាស៊ីអារឈើនិងដឹកជញ្ជូនឈើតាមរថយន្តយកមកចែកចាយតាមបណ្ដាលខេត្តដូចជាពោធិសាត់កំពង់ឆ្នាំងខេត្តកណ្ដាលជាដើម។
ប្រជាពលរដ្ឋបានលើកសមណួរថា ៖តើលោកម៉ៅ ធនិនអភិបាលខេត្តពោធិ៍សាត់មានបានដឹងករណីលោកឆាង ម៉ៅប្រព្រឹត្តបទល្មើព្រៃឈើដែរទេ?ឬមួយបានសើមមាត់សើមករពីលោកឆាងម៉ៅបានជាបណ្ដែតបណ្ដោយអោយលោកឆាងម៉ៅប្រព្រឹត្តទៅបានយ៉ាងរលូនបែបនេះចឹង។
ប្រជាពលរដ្ឋក៏ដូចជាបងប្អូនប៉ូលីសបរិសុទ្ធនៅខេត្តពោធិសាត់បានសមណូមពរសូមអោយសម្ដេចក្រឡាហោមសរខេងឧបនាយករដ្ឋមន្ត្រីរដ្ឌមន្ត្រីក្រសួងមហាផ្ទៃមេត្តាមានវិធានការចំពោះលោកឆាងម៉ៅជាមន្ត្រីប៉ូលីសរូបនេះនិងបក្ខពួកនៅពីក្រោយខ្នងជាន្ទាន់ដែលយកអំណាចរបស់ខ្លួនទៅប្រព្រិត្តបទល្មេីសព្រៃឈើបែបនេះម្យ៉ាងទៀតវានាំអោយខូចដល់ប៉ូលីសគេដ៏ទៃដែលគេខំអនុវត្តការងារល្អផងទាន!៕