ក្រចេះ ៖ ហេតុការណ៍គ្រោះចរាចរណ៍មួយបានកើតឡើង ដោយរថយន្ដក្រុងបុកម៉ូតូ បណ្ដាលឲ្យអ្នកបើកម៉ូតូរងរបួសធ្ងន់ ។ ហេតុការណ៍នេះកើតឡើងនៅវេលាម៉ោង៣រសៀល ថ្ងៃទី៦ ខែវិច្ឆកា ឆ្នាំ២០១៦ នៅលើផ្លូវជាតិលេខ ៧ ក្រចេះ ស្ទឹងត្រែង ត្រង់ចំនុចគីឡូមែត្រលេខេ ៣៦៧-៣៦៩ ភូមិស្រែត្រែង ឃុំក្បាលដំរី ស្រុកសំបូរខេត្តក្រចេះ។
លោក នួន សារិន អធិការងទទួលកាងារចរាចរណ៍ ស្រុកសំបូរបានឲ្យដឹងថា ហេតុនេះបណ្ដាលមកម៉ូតូបើកចេញពីផ្លូវលំឆ្លងកាត់ផ្លូវជាតិ កាត់មុខរថយន្ដ បណ្ដាលឲ្យរថយន្ដបុកតែម្ដង ហើយអ្នកបើកបរម៉ូតូឈ្មោះ សឿង សុឈន ភេទប្រុសអាយុអា២៥ឆ្នាំ រស់នៅភូមិយាវ ឃុំកំពង់ចាម ស្រុកសំបូរ ខេត្តក្រចេះ រងរបួសធ្ងន់ និងម៉ូតូរងការខូចខាត់ស្ទើរទាំងស្រុង ចំណែករថយន្ដក្រុងពាក់ស្លាកលេខភ្នុំពេញ៣B៥៤៩១ របស់ក្រុមហ៊ុនរិទ្ធមុន្នី រងកាខូចខាត់បន្តិចបន្ទួច ។ ហើយអ្នកបើកបររថយន្ដក្រុងឈ្មោះ ង៉ាន់ ផល្លី ភេទប្រុសអាយុ៤៣ឆ្នាំ រស់នៅសង្កាត់អូរឬស្សី៤ ខណ្ឌ៧មករា រាជធានីភ្នុំពេញ ។
លោកអធិការងបន្តទៀតថា ជនរងគ្រោះយកទៅសំរាកព្យាបាលនៅមន្ទីរខេត្ត រីឯរថយន្ដក្រុង និងម៉ូតូយកទៅរក្សាទុកនៅអធិការដ្នាននគរបាលស្រុកសំបូរ ដើម្បីរង់ចាំដោះស្រាយតាមច្បាប់ ៕