ខេត្តរតនៈគិរី : លោកខេង វុទ្ធី ប្រធានមន្ទីផែនការខេត្តរតនៈគិរីជាប់សង្ស័យថាបានប្រព្រឹត្តអំពើរពុករលួយយកប្រាក់ចំនួន៤៥០០ដុល្លារអាមេរិកក្នុងបេក្ខជនម្នាក់បើចង់ជាប់ចូលបំរើការងារជាមន្ត្រីក្របខ័ណ្ឌរបស់មន្ទីរផែនការ ខេត្ត។ប្រភពប្រជាពលរដ្ឋ ដែលជាអាណាព្យាបាលរបស់បេក្ខជនដែលបានប្រឡងកាលពីអំឡុងខែកញ្ញាកន្លងមកនេះម្នាក់សុំមិនបញ្ចេញ
ឈ្មោះ បាន ប្រាប់អ្នកសារពត៌មានថា សាច់ញ្ញាតិរបស់គាត់បានបង់ប្រាក់អោយលោក ខេង វុទ្ធីដែលជាប្រធានមន្ទីផែនការចំនួន៤៥០០ដុល្លារអាមេរិកជាថ្នូរសុំអោយកូនរបស់គាត់បានចូលបំរើការងារជាមន្ត្រីក្របខណ្ឌ ។
ករណីនេះ លោក ខេង វុទ្ធី បានប្រាប់កាសែតអោយដឹងថា ៖ ដូចដែលយើងដឹងស្រាប់ថា អ្នកបំរើការងាររដ្ឋសព្វថ្ងៃប្រាក់ខែតិចតួចណាស់គ្រប់អង្គភាពគ្រប់ខេត្តក្រុងនៅទូទាំងប្រទេសតែងតែមានហើយការសំរួលហើយលុយនេះលោកមិនមែនយកតែម្នាក់ឯងទេ គឺថ្នាក់លើជាអ្នកអោយយកមានគណៈកម្មការរៀបចំការប្រឡង មានក្រសួងមុខងារ ក្រសួងផែនការ ហើយលុយទាំងនេះយកទៅរត់ការដើម្បីបានជាប់ជាមន្ត្រីក្របខ័ណ្ឌ?។
សូមបញ្ជាក់ថា៖ការប្រឡងនេះបានប្រព្រឹត្តកាលពីក្នុងអំឡុងខែកញ្ញា ឆ្នាំ២០១៦នៅមណ្ឌលប្រឡងក្នុងខេត្តស្ទឹងត្រែង។ ការប្រឡងនេះមានបេក្ខភាពប្រឡងចំនួន១៧នាក់ដែលបានចូលរួមប្រឡងដោយ មានក្រសួងមុខងារ និងក្រសួងផែនការចូលរួមត្រួតពិនិត្យការប្រឡងនេះ។ ហើយមិនមែនមានតែខេត្តរតនៈគិរីទេគឺធ្វើនៅគ្រប់២៥ខេត្តរាជធានីទាំងអស់ទើបមកដល់ខែតុលាថ្មីៗនេះបានលេចឮដំណឹងពីរឿងទារសេវាខាងលើនេះ។
លោកខេងវុទ្ធីបានបន្តបញ្ជាក់ថាបើមានចម្ងល់អីអោយសួរទៅថ្នាក់លើទៅលោកមិនដឹងទេ។សួរខាងក្រសួងផែនការ ក្រសួងមុខងារនិងទីស្ដីការគណៈរដ្ឋមន្ត្រីទៅ ។
យោងតាមសម្តីប្រសិនបើចឹងមែនគេអាចសន្និដ្ឋានបានថា លោកប្រធានមន្ទីររូបនេះ ប្រហែលជាបានប្រព្រឹត្តអំពើរពុករលួយដូចការចោទមែនហើយមានការឃុបជាលក្ខណៈជាប្រពន្ធ័ទៀតផង ។
ពតិមានមួយនេះសង្ឃឹមថានឹងមានការចាប់អារម្មណ៍ពីអង្គភាពប្រឆាំងអំពើរពុករលួយនិងធ្វើការស្រាវជ្រាវ ចំពោះការប្រព្រឹត្តរបស់លោកខេង វុទ្ធីប្រធានមន្ទីផែនការខេត្តរតនៈគិរីនិងមន្ត្រីពាក់ពន្ធ័ដែលចូលរួមត្រួតពិន្យិការប្រឡងក្របខណ្ឌ័នៃមន្ទីរផែនការខេត្តរតនៈគីរីជាមិនខាន ៕
