ខេត្តពោធិសាត់ ៖ កាលពីប៉ុន្មានខែមុននេះឈ្មួញឈើប្រណិតដ៏ល្បីឈ្មោះម្នាក់ឈ្មោះជឿងថេងមន្ត្រីយោធាភូមិភាគ៣រកស៊ីឈើប្រចាំនៅស្រុកឱរាល់ខេត្តកំពង់ស្ពឺត្រូវបានសមត្ថកិច្ចបង្ក្រាបនិងចាប់វ៉ៃខ្នោះបញ្ជូនទៅឃុំខ្លួននៅខេត្តកំពតដោយសាបានដឹកឈើប្រណិតតាមរថយន្តយីឌុបចេញទៅប្រទេសវៀតណាមបង្កអោយបាក់ស្ពានដែកបាឡេតារាជនៅឃុំតាកែនកោះស្លា ស្រុកឈូកខេត្តកំពត ។ តែដោយសាឈ្មួញជាទាហ៊ានរូបនេះ មានខ្សែដុល្លារក្រាស ក៏ត្រូវបានតុលាការខេត្តកំពត់ដោះលែងវិញបាត់ ដោយគ្រាន់តែផាកយកលុយឲ្យជួសជុលស្ពានវិញតែបណ្ណោះ ។ ប្រហែលផ្តើមចេញពីឃើញគេប្រព្រឹត្តបទល្មើសបានលុយអត់ជាប់គុកចឹងហើយ បានជាសកម្មភាពជួញដូរនិងកាប់ឈើនៅតំបន់ឱរ៉ាល់និងខេត្តពោធិសាត់ត្រូវបានឈ្មួញ២រូបទៀតជាសមត្តកិច្ចយកជាគំរូតាម។ឈ្មួញដែលយកគំរូរកស៊ីប្រព្រឹត្តបទល្មើសព្រៃឈើតាមម្សៀជឿងថេងមន្ត្រីយោធាភូមិភាគ៣មានពីរនាក់ម្នាក់ឈ្នោះក្លូតសុវណ្ណជាមន្ត្រីកងរាជអាវុហត្ថខេត្តពោធិសាត់និងម្នាក់ទៀតឈ្មោះឆាងម៉ៅជាមន្ត្រីប៉ូលីសនៅខេត្តពោធិ៍សាត់ដូចគ្នា។
បើតាមសេចក្តីរាយការណ៍របស់ប្រជាពលរដ្ឋឲ្យដឹងថា ៖ ឈ្មួញពីរនាក់នេះរកស៊ីឈើកាប់និងជួញឈើប្រណិតនៅខេត្តពោធិសាត់ដោយដឹកតាមផ្លូវជាតិលេខ៥និងផ្លូវនិងផ្លូវព្រៃភ្នំចេញតាមច្រកអូរត្រាវស្រុកឱរាល់ព្រំប្រទល់ខេត្តពោធិសាត់ កំពង់ស្ពីនិងបន្តចេញទៅកំពង់សោមឬកំពតដោយចុះទូកបន្តទៅវៀតណាមមិន។ករណីនៃការប្រព្រឹត្តបទល្មើសព្រៃឈើរបស់ពួកគេទាងពីមិនទាន់ឮថាត្រូវបានសមត្ថកិច្ចខាងណាបង្ក្រាបឬចាប់ខ្លួនឡើយ។ជោកជ័យនាំការប្រព្រឹត្តបទល្មើសព្រៃឈើនៅតំបន់ខាងលើនេះប្រជាពលរដ្ឋជឿថា ៖ បុគ្គលទាំង២នាក់នេះ គឺឈ្នោះក្លូតសុវណ្ណជាមន្ត្រីកងរាជអាវុហត្ថខេត្តពោធិសាត់និងម្នាក់ទៀតឈ្មោះ ឆាង ម៉ៅជា មន្ត្រីប៉ូលីសនៅខេត្តពោធិ៍សាត់ចេះដាក់ស្នេហ៍ឬមានអ្នកមានអំណាចនៅពីក្រោយខ្នងហ្ម៉ងបានជាកាក់កបម្លេះនោះ៕
