កំពង់ធំ៖ នៅចំណុចចាប់ពីបាឡត ពាមបាង ពាមកងម៉ី ពេជ្រកី វាលហា ស្ទឹងជ្រៅ បឹងលួង ជីក្រែងមាត់ខ្លា ក្រពើស្គម កងមាសស្ថិតក្នុងឃុំអន្លង់សំណរ ស្រុកជីក្រែងខេត្តសៀមរៀបមានសេចក្តីរាយការណ៍ថាឲ្យតែដល់ពេលយប់ឧបករណ៍ឆ្នុកដែលជាឧបករណ៍នេសាទហាមឃាត់ត្រូវបានគេឃើញកើតឡើងពាសពេលដូចបណ្តែតប្រទីបពេលបុណ្យអុំទូក។
ឧបករណ៍ឆ្នុកនេះត្រូវបានប្រជានេសាទទាំងប្រជាពលរដ្ឋធម្មតាទាំងមន្ត្រីអាជ្ញាធរភូមិឃុំមន្ត្រីសហគមន៍សមត្ថកិច្ចប៉ូលីសផងដែរបាននាំគ្នាសំរុកដាក់យ៉ាងអាណាធិបតេយ្យព្រោងព្រាត់ដោយគ្មានអ្នកណាបង្ក្រាបអ្នកណាឡើយបើទោះបីជាលោកវ៉េងសុខុនរដ្ឋមន្ត្រីក្រសួងកសិកម្មរុក្ខាប្រម៉ាញ់កាលពីថ្ងៃទី២៧តុលាបាមចេញសេចក្តីប្រកាសធ្វើប្រតិភូកម្មអំណាចជលផលនិងរដ្ឋបាលព្រៃឈើឲ្យទៅចំណុះប្រធានមន្ទីរកសិកម្មខេត្តរាជធានីក៏ដោយ ។
ករណីប្រើឧបករណ៍នេសាទខុសច្បាប់ប្រភេទឆ្នុកនេះប្រភពព័ត៌មានពីប្រជានេសាទអ្នកដាក់ឆ្នុកបានទម្លាយអោយដឹងថា៖មានឈ្មោះង្វៀង យ៉ាំងហ៊ុង(ហៅក្បាលដែក)នៅភូមិមាត់ខ្លាត្រូវបានគេស្គាល់ថា៖ជាថៅកែនាំកូនត្រីឆ្ដោរត្រីរ៉ស់ធំជាងគេពីប្រទេសវៀតណាមយកមកចែកចាយក្នុងប្រទេសកម្ពុជាពិសេសក្នុងតំបន់បឹងទន្លេសាបហើយក៏ជាអ្នកកាងបទល្មើសនេសាទទូកអូសអួនជាច្រើនវង់យ៉ាងសកម្មជារៀងរាល់ឆ្នាំនៅតំបន់បឹងទន្លេសាបផងដែរ។
មិនមានសមត្ថកិច្ចណាហ៊ានក្អកជាមួយបុគ្គលឈ្មោះង្វៀង យ៉ាំងហ៊ុងនេះឡើយព្រោះគេជាកូនធម៍របស់អតីតមន្ត្រីថ្នាក់ធំម្នាក់នៅក្នុងជួរថ្នាក់ដឹកនាំរដ្ឋបាលជលផលជាខ្នងបង្អែកយ៉ាងរឹងមាំរបស់គេទើបគេហ៊ានរកស៊ីរបរអាជវកម្មទាំងប៉ុន្មានខាងលើគ្មានដោយខ្លាចញញើតអំណាចសមត្ថិកច្ចណាសោះឡើយ។
ប្រជាពលរដ្ឋសូមសំណូមពរដល់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាមេត្តាជួយត្រួតនិត្យនិងអន្តរាគមន៍ករណីប្រជានេសាទលួចប្រើឧបករណ៍ឆ្នុកដែលជាឧបករណើល្មើសច្បាប់នេះផង។
ព្រោះឧបករណ៍ឆ្នុកនេះក្នុងមួយយប់ៗអាចចាប់កូនត្រីចំរុះបានរាប់រយរាប់ពាន់តោនជាហេតុបង្កអោយវិនាសកម្មហិនហោចដល់ពូជមច្ឆាជាតិទាំងស្រុងព្រោះចាប់តាំងពីរាជរដ្ឋាភិបាលសំរេចអោយចិញ្ចឹមត្រីឆ្ដោរត្រីរ៉សវិញនោះផ្ទះប្រជាពលរដ្ឋនៅតាមដងទន្លេផ្ទញណាក៏មានបែរមានស្រះចិញ្ចឺមត្រីឆ្ដោរត្រីរ៉ស់ស្ទើគ្រប់ផ្ទះហើយការចិញ្ចឹមត្រីនេះគេយកកូនត្រីចំរុះដែលបានពីការនេសាទធ្វើជាចំណីត្រីដូចច្នេះម្នាក់ៗត្រូវបង្ខំចិត្តខំប្រឹងប្រើឧបករណ៍ល្មើសច្បាប់លួចនេសាទយកត្រីមកអោយត្រីឆ្ដោរត្រីរ៉ស់ស៊ីមិនមែនយកចំណីសិប្បនិម្មិតអោយត្រីស៊ីនោះទេ ៕