ក្រចេះ ៖ ក្រុមប្រឹក្សាជាតិកម្ពជាដើម្បីស្ត្រីបើកវគ្គសិក្ខាសាលាផ្សព្វផ្សាយលទ្ធផលរបាយការណ៍ជាតិលើកទី៤និងទី៥លើការអនុវត្តអនុសញ្ញាស្ដីពីការលុបបំបាត់រាល់ទម្រង់នៃការរើសអើងប្រឆាំងនារីភេទ(Cedaw)និងអនុសាសន៍សម្ដេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជានិងជាអនុប្រធានកិត្តិយសនៃគ្រុមប្រឹក្សាជាតិកម្ពុជាដេីម្បីស្ត្រីរយះពេល២ថ្ងៃគឺថ្ងៃទី៣ទី៤ខែវិច្ឆការឆ្នាំ២០១៦នៅសាលប្រជុំសាលាខេត្តក្រចេះគ្រោមធិបតីភាពលោកស្រីជូសុផានីអគ្គលេខាធិការរងគ្រុមប្រឹក្សាជាតិកម្ពុជាដើម្បីស្ត្រីដែលមានសិក្ខាកាមចូលរួមពីរមន្ទីរកិច្ចការនារីនិងមន្ទីរនាៗចំនួន៥ខេត្តនៃភូមិភាគឥសាន ។
លោកស្រី ជូ សុខផានី អគ្គលេខាធិការរងនៃគ្រុមប្រឹក្សាជាតិកម្ពុជាដើម្បីស្ត្រីបាឲ្យដឹងថា អនុសញ្ញាស្ដីពីការលុបបំបាត់រាល់ទម្រង់នៃការរើសអើងប្រឆាំងនារីភេទ(CEDAW) គឺជាអនុសញ្ញាជាតិដ៍មានសារៈសំខាន់ដែលបានអះអាងបញ្ជាក់អំពីសិទ្ធិមនុស្សជាមូលដ្ឋាន និងសមភាពសម្រាប់ស្ត្រីទូទាំងពិភពលោក ដោយឈរលើគោលការណ៍គ្រឹះបី រួមមាន គោលការណ៍សមភាពសម្រាប់ស្ត្រី គ្មានការរើសអើង និងកាតព្វកិច្ចរដ្ឋភាគី ។ បច្ចប្បន្ននេះ មានប្រទេសចំនួន១៨៩ក្នុងចំណោមប្រទេស១៩៣ជាសមាជិកអង្គការសហប្រជាជាតិបានផ្ដល់សច្ចាប័នលើអនុសញ្ញានេះ ហើយបានក្លាយទៅជារដ្ឋភាគីនៃអនុសញ្ញា ស៊ីដ CEDAW នេះ ។ ហើយព្រះរាជាណាចក្រកម្ពុជាបានចូលជាសមាជិកនិងបានផ្ដល់សច្ចាប័នលើអនុសញ្ញាស្ដីពីការលុបបំបាត់រាល់ទម្រង់នៃការើសអើងប្រឆាំង និងនារីភេទ CEDAW នៅថ្ងៃទី១៥ ខែតុលា ឆ្នាំ១៩៩២ បានទទួលអនុសញ្ញានេះដោយឥតលក្ខខណ្ឌ ដូចមានចែងក្នុងមាត្រា៣១ នៃរដ្ឋធម្មនុញ្ញនៃព្រះរាជាណាចក្រកម្ពុជាបានចែងថា ព្រះកម្ពុជាទទួលស្គាល់ និងគោរសិទ្ធមនុស្សសិទ្ធិរបស់ស្ត្រីនិងកុមារ ។ ជាងនេះទៅទៀត ប្រទេសកម្ពុជាបានក្លាយជារដ្ឋាភាគីនៃពិធីសារតាំងជំរើសនៃអនុសញ្ញា(CEDAW) នៅថ្ងៃទី១៣ ខែតុលា ឆ្នាំ២០១០ ដោយឥតលក្ខខណ្ឌ ។ នៅក្នុងបណ្ដាប្រទេសអាស៊ាន មានតែប្រទេសចំនួន៤ប៉ុណ្ណោះ ដែលបានផ្ដល់សច្ចាប័នលើពិធីសារតាមជម្រើសនៃអនុសញ្ញា (CEDAW) រួមមានប្រទេសកម្ពុជាហ្វីលីពីន ថៃ និងទីម័រ ដែលបច្ចប្បន្ននេះមានមានប្រទេសចំនួន១០៦នៅលើពិភពលោកបានផ្ដល់សច្ចាបន័លើពិធីសារនេះ។
លោកស្រីបញ្ជាក់ទៀតថា សិក្ខាសិលានេះប្រារព្វឡើងនាពេលនេះមានបំណងចែករំលែកចំណេះដឹងនិងឆ្លុះបញ្ចាំងពីលទ្ធផលនៃការអនុវត្តឧបករណ៍អន្តរជាតិនេះ ដល់សិក្ខាកាមនិងមានគោលដៅឲ្យសិក្ខកាមយល់ពីខ្លឹមសារអនុសញ្ញាcedaw និងច្បាប់ពាក់ព័ន្ធនឹងការលើកកម្ពស់សមភាពយេនឌ័រ យល់ពីវឌ្ឍនភាពនៃការអនុសញ្ញា CEDAW នៅកម្ពុជានិងការអនុវត្តនិងផ្សព្វផ្សាយបន្ដអនុសញ្ញានេះនៅកន្លែងកាងារសហគមន៍និងគ្រួសារ ៕
