ឧត្ដរមានជ័យ ៖ នាព្រឹកថ្ងៃទី៣១ ខែតុលា ឆ្នាំ២០១៦ ភាគីថៃបានបញ្ជូនប្រជាជនខ្មែរ១នាក់ តាមច្រកអន្តរជាតិជាំ មានឈ្មោះ ណយ សាក់ ភេទប្រុស អាយុ៣៦ឆ្នាំ រស់នៅភូមិព្រះពិលា ឃុំព្រះពិលា ស្រុកសេរីសោភ័ណ្ឌ ខេត្តបន្ទាយមានជ័យ ។
ពលរដ្ឋខ្មែរខាងលើ ត្រូវបានសមត្ថកិច្ចថៃចាប់ខ្លួនកាលពីថ្ងៃទី០៣ ខែមីនា ឆ្នាំ២០១៥ នៅចំណុចអូរស្វាយ ពីបទឆ្លងដែនកាប់ឈើក្រញូងខុសច្បាប់ ហើយត្រូវភាគីកាត់ទោសដាក់ពន្ធនាគារ នៅខេត្តស៊ីសាកេត ប្រទេសថៃ រហូតមកដល់ថ្ងៃដោះលែងនេះ ។
បច្ចុប្បន្ន សមត្ថកិច្ចភាគីកម្ពុជាបានធ្វើការអប់រំណែនាំ និង ឱ្យវិលត្រឡប់ទៅកាន់លំនៅដ្ឋាន ៕