ក្រចេះ ៖ លោក ម៉ុក ពន្លក នាយរងខណ្ឌជលផលខេត្តក្រចេះ បានដឹកនាំកម្លាំងមន្ត្រីជំនាញសហការគ្នាជាមួយកម្លាំងកងរាជអាវុធហត្ថស្រុកចិត្របុរីដែលដឹកនាំដោយលោក អ៊ឹម ចិត្រា មេបញ្ជាការ ស្រុកនិងនគរបាលប៉ុស្តិ៍រដ្ឋបាលក្រគរ និងថ្មគ្រែ ព្រមទាំងសហគមន៍នេសាទក្រគរ បានចុះបង្ក្រាបបទល្មើសនេសាទ នៅរសៀលថ្ងៃទី២៦ខែតុលាឆ្នាំ២០១៦ នៅចំនុចបឹងច្រឡំភក់ និងបឹងទ្រនូលឆ្នាំង ឃុំថ្មគ្រែ ស្រុកចិត្របុរី ខេត្តក្រចេះ ។
លោក ម៉ុក ពន្លក នាយរងខណ្ឌជលផលខេត្តក្រចេះបានឲ្យដឹងថា ក្នុងប្រតិបត្ត័ការបង្គ្រាបនេះដោយមានការផ្ដល់យោបលពីលោកសរចំរុងអភិបាលខេត្តក្រចេះនិងគ្រោមការចង្អុលបង្ហាញពីលោកសៀងគិននាយខណ្ឌ័ជលផលក្រចេះ ហើយលទ្ធផលបង្គ្រាបដកហូតនិងបំផ្លាញចោលវត្ថុតាងមួយចំនួនរួមមាន៖
១៖ របាំងស្បៃមុងចំនួន២៦ខ្សែមានប្រវែង ១៣០០ម៉ែត្រ
២៖ លូស្ងៃមុងចំនួន២៦មាត់លូ
៣៖ បង្គោលចម្រឹងឬស្សីចំនួន៣៩០ដើម
៤៖ ចាក់លែងកូនត្រីចម្រុះចូលបឹងធម្មជាតិប្រមាណជា ៩០គីឡូក្រាម ។
វត្ថុតាងទាំងអស់់ត្រូវបានកម្លាំងចម្រុះដឹកយកមកដុតបំផ្លាញចោលនៅទីទួល ត្រង់ ចំនុចមាត់ព្រែកក្រគរ ។
លោក ម៉ុក ពន្លក បានបញ្ជាក់ឲ្យដឹងទៀតថា ការចុះបង្ក្រាបបទល្មើសនេសាទ ស្បៃមុងពេលនេះគឺមានសារសំខាន់២យ៉ាងគឺ ៖
ទី១៖ ជួយរំដោះទឹកនៅតំបន់វាលទំនាបជិតបឹង អោយហូរបានលឿនដើម្បីអោយប្រជាកសិករធ្វើការព្យួររាស់ដីបង្កបង្កើនផលធ្វើស្រែប្រាំង និងដាំដំណាំផ្សេងៗបានទាន់ពេលវេលា ។
ទី២៖ រំដោះហ្វូងត្រីធំតូចដែលកំពុងត្រូវបានហ៊ុំព័ទ្ធដោយឧបករណ៍នេសាទស្បៃមុងពីអ្នកនេសាទល្មើសច្បាប់មួយចំនួននោះ ឲ្យចរាចរណ៍ ចូលទៅក្នុងបឹងធម្មជាតិ ដើម្បីរស់នៅនិងបន្តពូជបានគង់វង្សសម្រាប់ពេលបច្វុប្បន្ននិងថ្ងៃអនាគត ៕
លោក កិះ ខន
