ដើម្បីបន្តត្រួតពិនិត្យ និងគាំទ្រការអនុវត្តកម្មវិធីនយោបាយយុទ្ធសាស្ត្រចតុកោណ ដំណាក់កាលទី ៣ របស់រាជរដ្ឋាភិបាលកម្ពុជា លោក ជាក់ ម៉េងហ៊ាង អភិបាលរងខេត្តក្រចេះ បានអញ្ចើញចុះជួបសំណេះសំណាល សាកសួរសុខទុក្ខ បងប្អូនប្រជាពលរដ្ឋ នៅភូមិដូនមាស ឃុំស្រែចារ ស្រុកស្នូល តាមរយៈវេទិការសាធារណៈ ដែលបានរៀបចំឡើង កាលពីថ្ងៃទី ២៤ ខែតុលា ឆ្នាំ២០១៦ ។
នៅក្នុងដំណើរចុះជួបជាមួយបងប្អូនប្រជាពលរដ្ឋ នាពេលនោះ ក៏មានវត្តមានចូលរួម ពីឯកឧត្តម លោក លោកស្រី ជាក្រុមការងារថ្នាក់ជាតិ និងខេត្ត ព្រមទាំងមានការចូលរួមពីប្រជាពលរដ្ឋយ៉ាងច្រើនកុះករ ។ វេទិការសាធារណៈ គឺធ្វើឡើងក្នុងគោលបំណងដើម្បីអោយប្រជាពលរដ្ឋ បានលើកឡើងនូវមតិយោបល់ សំណូមពរ ទុក្ខកង្វល់ ក៏ដូចជាបញ្ហា ប្រឈមដែលកើតមានឡើងក្នុងមូលដ្ឋានរបស់ពួកគាត់ ។
ជាមួយគ្នានោះ សំណូមពរ ទុក្ខកង្វល់ និងមតិរិៈគន់ចំពោះមន្ត្រីដែលអសកម្មមួយចំនួន ក៏ដូចជាលើកឡើងអំពីបញ្ហាប្រឈមផ្សេងៗ ដែលកើតមាននៅក្នុងមូលដ្ឋានដែលពួកគាត់ កំពុងរស់នៅ ។ ជាក់ស្ដែងប្រជាពលរដ្ឋ បានលើកឡើងពីភាពអសន្តិសុខក្នុងមូលដ្ឋានដែល មានអំពើ ចោរកម្ម ការលេងល្បែងស៊ីសង និងការប្រព្រឹត្តបទល្មើសគ្រឿងញៀនជាដើម ត្រូវបានប្រជាពលរដ្ឋ នាំគ្នាលើកឡើងដោយភាពក្លាហាន មិនមានការភ័យក្លាច ។
ទន្ទឹមនិងបញ្ហាប្រឈមរបស់ប្រជាពលរដ្ឋ បានស្នើសុំដល់អង្គវេទិការជួយរកដំណោះ ស្រាយ ក៏មានបញ្ហាផ្នែកសេដ្ឋកិច្ច ទីផ្សារដំឡូងមីធ្លាក់ថ្លៃចុះយ៉ាងកំហុក និងស្នើរសុំឲ្យជួយ ជុលផ្លូវលំ ប្រវែង ៦គីឡូម៉ែត្រ ស្នើសុំប្រឡាយប្រវែង ២គីឡូម៉ែត្រ ពីទំនប់៧៥ ដើម្បីស្រោចស្របលើដីស្រែរបស់ពួកគាត់ ។
ជាការឆ្លើយតបទៅតាមការលើកឡើង និងសំណូមពររបស់ប្រជាពលរដ្ឋ អង្គវេទិការ ក្រោមវត្តមានលោក ជាក់ ម៉េងហ៊ាង អភិបាលរងខេត្តក្រចេះ បានធ្វើការពន្យល់ និងធ្វើការ ដោះស្រាយនូវរាល់បញ្ហាប្រឈម និងសំណូមពរ ដែលប្រជាពលរដ្ឋ បានលើកឡើង ពីសំណាក់មន្ត្រីជំនាញពាក់ព័ន្ធនីមួយៗ ដូចជា បានដោះស្រាយអំពី បញ្ហាតម្លៃកសិផលធាក់ចុះ បញ្ហាស្នើសុំប្រឡាយប្រវែង ២គីឡូម៉ែត្រ ដោយមន្ទីរធនធានទឹកខេត្ត បញ្ជារអោយ មន្ត្រីជំនាញចុះសិក្សា និងចាប់ផ្ដើមអនុវត្តនាពេលខាងមុខ ។ បញ្ហាផ្លូវលំ ចូលភូមិស្អាតប្រវែង ៦គីឡូម៉ែត្រ ទទួលយកមកសិក្សានិងអនុវត្តតាមគម្រោងថវិការឃុំ ដោយសហការជាមួយក្រុម ការងារ ។
ដោយឡែកចំពោះបញ្ហា ភាពអសន្តិសុខក្នុងមូលដ្ឋាន ដែលមានអំពើចោរកម្ម ការលេងល្បែងស៊ីសង និងការប្រព្រឹត្តបទល្មើសគ្រឿងញៀនជាដើម លោក ជាក់ ម៉េងហ៊ាង អភិបាលរងខេត្ត បានជំរុញអោយអាជ្ញាធរស្រុក បន្តពង្រឹងដល់អាជ្ញាធរឃុំ និងមន្ត្រីសមត្ថកិច្ច គ្រប់លំដាប់ថ្នាក់ ត្រូវពង្រឹងអោយបានរឹងមាំនូវប្រជាការពារក្នុងមូលដ្ឋាននិមួយៗ ក្នុងការអនុ វត្តន៍ គោយនយោបាយភូមិ-ឃុំមានសុវត្តិភាព និងត្រូវខិតខំប្រឹងប្រែងបន្ថែមទៀត ដើម្បីលុបបំបាត់អោយអស់នូវចំណុចអវិជ្ជមានទាំងឡាយ ដែលប្រជាពលរដ្ឋបានលើកឡើង ។
លោក បានបន្តថា អាជ្ញាធរស្រុក និងស្ថាប័នពាក់ព័ន្ធ ត្រូវខិតខំដោះស្រាយរាល់ទុក្ខ កង្វល់ និងសំណូមពររបស់ប្រជាពលរដ្ឋតាមលក្ខខ័ណ្ឌច្បាប់ និងតាមកំរិតដែនសមត្ថកិច្ចរបស់ខ្លួន ជាពិសេសត្រូវយកចិត្តទុកដាក់ចំពោះសុខទុក្ខ និងក្ដីកង្វល់របស់ប្រជាពលរដ្ឋ ដូចជា បញ្ហាសុខភាព សន្តិសុខ និងសណ្ដាប់ធ្នាប់ ។ សមត្ថកិច្ចទាំងអស់ត្រូវធ្វើការ បង្ក្រាប់បទល្មើស លួច ឆក់ ប្លន់ ល្បែងស៊ីសងក្នុងមូដ្ឋាន និងបទល្មើសគ្រឿងញៀនដើម្បីអោយភូមិ-ឃុំមានសុវត្តិ ភាព និងសំណូមពរដល់ប្រជាពលរដ្ឋត្រូវរួមសហការជាមួយអាជ្ញាធរមានសមត្ថកិច្ច ក្នុងផ្ដល់ ព័ត៌មានអាយបាន ជាក់លាក់រាល់ការសង្ស័យនៃបទល្មើស ៕