កាលពីថ្ងៃទី ៧ ខែសីហា ឆ្នាំ២០១៤ កន្លងទៅថ្មីៗនេះ ដំណឹងភ្នំពេញ ធ្លាប់បានផ្សាយរួចម្តងហើយនូវព័ត៌ មានដែលពាក់ជាមួយ និងឯកឧត្តម ច័ន្ទ សុផល អភិបាលនៃគណៈអភិបាលខេត្តបាត់ដំបង ដែលទទួលរងការរិះគន់ យ៉ាងចាស់ដៃពីសំណាក់មន្ត្រីរាជការក្រោមឱវាទ ។
ជាក់ស្តែងកាលពីព្រឹកថ្ងៃទី ០៧ ខែសីហា ឆ្នាំ២០១៤ កន្លងទៅនៅសាលប្រជុំសាលាខេត្តបាត់ដំបង មាន រៀបចំកម្មវិធីប្រកាសចូលកាន់តំណែងមួយរូប ក្រោមអធិបតីភាព ឯកឧត្តម ច័ន្ទ សុផល អភិបាលនៃគណៈអភិបាល ខេត្តបាត់ដំបង និងឯកឧត្តម សក់ សេដ្ឋា រដ្ឋលេខាធិការក្រសួងមហាផ្ទៃ ។
តាមប្រភពពីមន្ត្រីរាជការ ដែលចូលរួមក្នុងអង្គកម្មវិធីបានបង្ហើបប្រាប់ភ្នាក់ងារ ដំណឹងភ្នំពេញថា អ្នកដែល ត្រូវផ្លាស់ចេញនោះ គឺ ឯកឧត្តម អ៊ុយ រី អភិបាលរងខេត្តត្រូវបានផ្ទេរទៅធ្វើជាក្រុមប្រឹក្សាខេត្តហើយ ហើយលោក ស៊ូ អារ៉ាហ្វាត់ ដែលជាជនជាតិខ្មែរឥស្លាមត្រូវបានប្រកាស់ឱ្យធ្វើជាអភិបាលរងខេត្តជំនួស ឯកឧត្តម អ៊ុយ រី ។
ប្រភពដដែលបានបន្តទៀតថា ដែលក្រសួងមហាផ្ទៃសម្រេចផ្ទេរភារកិច្ចនាពេលនេះ គឺយោងទៅតាមការស្នើ សុំពីសំណាក់ឯកឧត្តម ច័ន្ទ សុផល អភិបាលនៃគណៈអភិបាលខេត្តបាត់ដំបង ដែលទាំងនេះត្រូវបានគេសង្ស័យថា ពាក់ព័ន្ធជាមួយហ្នឹង អំពើពុករលួយស៊ីសំណូកសូកប៉ាន់ ។ ប្រភពដដែលបានបន្ថែមទៀតថា មិនត្រឹមតែប៉ុណ្ណឹងទេ កាលពីថ្ងៃទី ១២ ខែសីហា ឆ្នាំ២០១៤ កន្លងទៅនេះ នៅសាលប្រជុំសាលាខេត្តបាត់ដំបង ក៏មានរៀបចំកម្មវិធី ប្រកាសចូលកាន់មុខតំណែងមន្ត្រីរាជការក្នុងសាលាខេត្តចំនួន ១០រូប បន្ថែមទៀត ក្រោមអធិបតីភាព ឯកឧត្តម ច័ន្ទ សុផល ផ្ទាល់ ក្នុងនោះ គឺលោក សំ សំអាត ត្រូវបានឡើងមកកាន់មុខតំណែងជានាយករដ្ឋបាលសាលាខេត្ត(ពីដើម គេហៅថា នាយកខុទ្ទកាល័យ)និង ៩រូបទៀត ធ្វើជាប្រធានមន្ទីរ-អនុប្រធានមន្ទីរ ប្រធាន-អនុប្រធានការិយាល័យ ចំណុះឱ្យសាលាខេត្ត ។ ដែលទាំងនេះ សបញ្ជាក់ឱ្យឃើញថា សុទ្ធសឹងពាក់ព័ន្ធជាមួយហ្នឹងអំពើពុករលួយ ។
ដោយឡែក ឯកឧត្តម ច័ន្ទ សុផល បានមានប្រសាសន៍នាឱកាសដែលអញ្ជើញជាអធិបតីក្នុងពិធីប្រកាសមុខ តំណែងមន្ត្រីរាជការ កាលពីថ្ងៃទី ១២ ខែសីហានោះថា រាជរដ្ឋាភិបាលកម្ពុជាក្រោមការដឹកនាំរបស់សម្តេចអគ្គមហា សេនាបតីតេជោ ហ៊ុន សែន បាននិងកំពុងយកចិត្តទុកដាក់បន្តអនុវត្តយ៉ាងសកម្មឱ្យបានជោគជ័យនូវយុទ្ធសាស្ត្រចតុ កោណដំណាក់កាលទី ៣ ដើម្បីកំណើនការងារ សមធម៌ ប្រសិទ្ធភាព ដែលជារបៀបវិរៈនយោបាយសង្គម និងសេដ្ឋកិច្ច នៃកម្មវិធីនយោបាយសម្រាប់និតិកាលទី ៥ នៃរដ្ឋសភា ។
ដោយឡែក ឯកឧត្តម ច័ន្ទ សុផល ដំណឹងភ្នំពេញ ពុំអាចទំនាក់ទំនងសុំការបកស្រាយក៏ដូចជា ពន្យល់នូវព័ត៌មានដែលមន្ត្រីរាជការចោទប្រកិនា់មកលើរូប ឯកឧត្តមថា មានអំពើពុករលួយក្នុងការតែងតាំងមុខតំណែងមន្ត្រីរាជការក្នុងខេត្តបាត់ដំបងនេះបានឡើយ ៕