បន្ទាយមានជ័យ ៖ បន្ទាប់ពីមានការឃាត់ខ្លួនជនសង្ស័យម្នាក់ ពាក់ព័ន្ធនឹងករណីគ្រឿងញៀន ដែលសមត្ថកិច្ចខេត្តព្រះវិហារធ្វើការឃាត់ខ្លួនកាលពីថ្ងៃទី១៥ ខែតុលា ឆ្នាំ ២០១៦ កន្លងទៅថ្មីៗនេះ ដែលមានគ្រឿងញៀន រហូតទៅដល់ជិត ១៥ ម៉ឺនគ្រាប់ និងរថយន្តកាម៉ារី ឆ្លាមមួយគ្រឿង នៅស្រុកត្បែងមានជ័យ ខេត្តព្រះវិហារ បើតាមចំលើយរបស់សមត្ថកិច្ចបានឲ្យដឹងថា ជនសង្ស័យ មាន ឈ្មោះ គង់ វិច ភេទប្រុសអាយុ ៣២ ឆ្នាំ មានទីលំនៅ ភូមិបឹងប្រលិត ឃុំសន្តិភាព ស្រុកសំពៅលូន ខេត្តបាត់ដំបង បានសារភាព និងឆ្លើយដាក់ជនពាក់ព័ន្ធម្នាក់ទៀត ជាជនជាតិថៃ ឆភិឆិត ភេទប្រុស អាយុ ៥៣ ឆ្នាំ រស់ភូមិចំបក់ឃុំបឹងបេង ស្រុកម៉ាឡៃ ខេត្តបន្ទាយមានជ័យ ។
កំលាំងសមត្ថកិច្ច នៃស្នងការដ្ឋានខេត្តព្រះវិហារ សហកាជាមួយកំលាំងសមត្ថកិច្ច នៃស្នងការខេត្តបន្ទាយមានជ័យ ដឹកនាំដោយលោកស្នងការរង ចាប សុផារិទ្ធ និងលោក សុក កែវបណ្ឌិត ព្រះរាជអាជ្ញារងអមសាលាដំបូងខេត្តបន្ទាយមានជ័យ បានដឹងនាំកំលាំងឡោមព័ទ្ធផ្ទះជនសង្ស័យ ឈ្មោះ ឆ ឆិត នៅភូមិឃុំខាងលើ និងធ្វើការឃាត់ខ្លួនជនសង្ស័យវេលាម៉ោង០៩និង៤៧ នាទី ថ្ងៃទី ២៤ ខែតុលា ឆ្នាំ ២០១៦ ។
ជនសង្ស័យត្រូវសមត្ថកិច្ចបញ្ជួនខ្លួនទៅស្នងការដ្ខាននគរបាលខេត្តព្រះវិហារ ចាត់ការបន្តទៅតាមនិតិវិធីច្បាប់ ៕