ក្រចេះ ៖ កម្លាំងរដ្ឋបាលព្រៃឈើសង្កាត់ថ្មក្រែសហការជាមួយកម្លាំងយោធាខេត្តក្រចេះឃាត់ទូកដឹកឈើមួយគ្រឿងគ្មានច្បាប់អនុញ្ញាតិ្តកាលពីវេលាម៉ោង១០យប់ថ្ងៃទី២២ខែតុលាឆ្នាំ២០១៦នៅក ណ្ដាលដងទន្លេមេគង្គស្ថិតចំនុចភូមិថ្មក្រែឃុំថ្មក្រែស្រុកចិត្របុរីខេត្តក្រចេះ។
មន្ត្រីសង្កាត់រដ្ឋបាលព្រៃឈើថ្មក្រែបានឲ្យដឹងថា ដោយមានសេចក្ដីរាយការណ៍ពីប្រជាពលរដ្ឋថាមានទូកដឹកឈើចុះតាមដងទន្លេនៃភាគខាងលើ ខណះនោះលោកបានសហការជាមួយកំលាំងយោធាខេត្តចុះទៅឃ្លាំមើលហើយប្រទះឃើញទូកដឹកឈើមួយគ្រឿងនេះហើយលោកចាប់ឃាត់តែម្ដង ។ ហើយឈើដែលផ្ទុកក្នុងទូកនោះ ជាឈើប្រភេទលេខ១ គឺសុក្រំ ដែលជាសន្លឹក ដែលក្រុមឈ្មួញដឹកបំរុងយកទៅលក់បន្ដ ។
លោកបន្ដទៀតថា ក្រោយពីឃាត់ទូកដឹកឈើមួយគ្រឿងនេះ ត្រូវម្ចាស់ទូករត់ចោលទូកមិនស្គាល់អត្តសញ្ញាណម្ចាស់ទូកទេ ហើយឈើដែលផ្ទុកក្នុងទូកប្រមាណជាង៤មែត្រគូបកំពុងលើកឡើងច្រាំងដើម្បីធ្វើការវាស់វែងកសាងឯកសារតាមនិតិវិធីច្បាប់រដ្ឋបាលព្រៃឈើ ។
បច្ចប្បន្នឈើ និងទូកលើកយកមករក្សារទុកនៅសង្កាត់រដ្ឋបាលព្រៃឈើថ្មក្រែ ៕
