ក្រចេះ ៖ សមត្ថកិច្ចចម្រុះ ដឹកនាំដោយស្ថប័នអយ្យការអមសាលាដំបូងខេត្ត បានចុះឆែកឆែរហាងលក់ម៉ូតូនៅព្រឹកថ្ងៃទី១៩ ខែតុលា ឆ្នាំ២០១៦ បានរកឃើញម៉ូតូគ្មានពន្ឋនាំចូលចំនួន១៣គ្រឿង ដែលកំពុងដាក់តាំងលក់នៅតាមហាងជាច្រើនកន្លែងនៅក្រុងក្រចេះ និងបានដឹកទៅរក្សាទុកនៅទីស្នាក់ការគយ និងរដ្ឋករខេត្តក្រចេះ។
ប្រតិបត្ត័ការចុះបង្គ្រាប របស់អាជ្ញាធរមានសមត្ថកិច្ច បានឆែកឆែរលើទីតាំងទិញលក់ម៉ូតូមានចំនួន១៧កន្លែង ដែលកំពុងតែដាក់លក់ម៉ូតូមានពន្ឋ និងគ្មានពន្ឋ យ៉ាងអនាធិប្បតេយ្យ ក្នុងនោះរកឃើញម៉ូតូគ្មានពន្ឋនាំចូល ចំនួន១៣គ្រឿង ។
ការចុះបង្គ្រាបរបស់មត្ថកិច្ចចម្រុះ ទៅលើទីតាំងទិញលក់ម៉ូតូគ្មានពន្ឋទាំងនេះ មិនត្រូវបានទទួលការសាទរពីមជ្ឈដ្ឋានក្នុងខេត្តនោះទេ ហើយពួកគាត់លើកឡើងថា ម៉ូតូដែលពួកគាត់ដាក់តាំងលក់នេះ គឺពួកគាត់បានទិញពីពលរដ្ឋជិះយកមកលក់ឱ្យពួកគាត់ដល់ហាងតែម្តង ។
ពួកគាត់លើកឡើងបន្តថា បើមិនចង់ឱ្យមានម៉ូតូអត់ពន្ឋនាំចូលមានលក់នៅលើទីផ្សារនោះ គួរណាស់ស្ថាប័សាខាគយ និងរដ្ឋករខេត្ត ត្រូវពង្រឹងការនាំចូលម៉ូតូអត់ពន្ឋពីប្រទេសជិតខាង ដូចជាប្រទេសវៀតណាមជាដើម ទើបវាត្រឹមត្រូវ៕
