ខេត្តបន្ទាយមានជ័យ ៖ លោក អ៊ុង ស៊ីផាន ត្រូវបានប្រកាន់តែងតាំង ជាប្រធានពន្ធនាគារខេត្តបន្ទាយមានជ័យថ្មី ជំនួសលោកឧត្តមសេនីយ៍ទោ ហ៊ីន សុផល អតីតប្រធានចាស់ត្រូវចូលនិវត្តន៍។
ពិធីនេះត្រូវបានធ្វើឡើងកាលពីរសសៀលម៉ោង៣ ថ្ងៃទី១០ ខែតុលា ឆ្នាំ២០១៦ នៅសាលាខេត្តបន្ទាយមានជ័យ ក្រោមអធិបតីភាពឯកឧត្តម ហេង ហាក់ អនុរដ្ឋលេខាធិការក្រសួងមហាផ្ទៃ លោក អ៊ី ឡុង អនុប្រធានក្រុមប្រឹក្សា ខេត្តបន្ទាយមានជ័យ លោក ឈើយ ចាន់ណា អភិបាលរងខេត្តបម្ទាយមានជ័យ និងមន្ត្រីអ្នកមុខអ្នកការជាច្រើននាក់ ។
ឯកឧត្តម ហេង ហាក់ អនុរដ្ឋលេខាធិការក្រសួងមហាផ្ទៃ បានធ្វើការផ្តាំផ្ញើដល់លោកប្រធានពន្ធនាគារថ្មីត្រូវខិតខំអនុវត្តនូវបទបញ្ជាទាំងឡាយរបស់ថ្នាក់ដឹកនាំគ្រប់ជាន់ថ្នាក់ជាសវាងឲ្យមានកំហុសឆ្គងនានាដែលធ្វើឲ្យប៉ះពាល់ដល់កិត្តិយសនិងសេចក្តីថ្លៃថ្នូររបស់មន្ត្រីពន្ធនាគារក្នុងនាមជាមន្ត្រីពន្ធនាគារត្រូវបំរើប្រជាពលរដ្ឋនិងជាតិមាតុភូមិឲ្យបានល្អ។
ឯកឧត្តម ហេង ហាក់ បានបញ្ជាក់ទៀតថា លោកប្រធានពន្ធនាគារថ្មី កុំប្រហែសក្នុងការត្រួតពិនិត្យដែលអាចបង្កឲ្យគ្រឿងញៀនចូលក្នុងពន្ធនាគារតាមរូបភាពផ្សេងៗ តាមរយៈរបស់របររឺចំណីអាហារ ដែលអាណាព្យាបាលនិងមិត្តភ័ក្តចូលមកសួសុខទុក្ខជនជាប់ពន្ធនាគារ ជាពិសេសត្រូវមានការប្រុងប្រយ័ត្ន ក្នុងការផ្តល់ជាមធ្យោបាយគ្រប់បែបយ៉ាងដល់ជនជាប់ឃុំ ដើម្បីបង្កបទល្មើសនៅក្នុងពន្ធនាគារសំខាន់មន្ត្រីពន្ធនាគារត្រូវអនុវត្តនិងប្រតិបត្តិឲ្យបានខ្ជាប់ខ្ជួននិងម៉ឺងម៉ាត់នូវច្បាប់បញ្ជាផ្សេងរបស់អគ្គនាយកដ្ឋានពន្ធនាគារ ៕