ក្រចេះ៖ ហេតុការណ៍ភ្ញាក់ផ្អើលមួយបានកើតឡើង ដោយរថយន្ដមួយគ្រឿងដឹកឈើបើកបរក្នុងល្បឿនលឿន ដូចខ្យល់ព្យុះ ហើយបានក្រឡាប់ផ្ងារ ជើងទៅមុខលែងរួច ។ ករណីនេះកើតឡើងនៅវេលាម៉ង១៨និង៤៥នាទីយប់ ថ្ងៃទី៩ ខែតុលា ឆ្មាំ២០១៦ នៅលើផ្លូវជាតិក្រចេះស្នួល ត្រង់ចំណុចភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ ។
ប្រភព័ព័ត៌មានបានឲ្យដឹងថា ក្រោយពីរថយន្ដ១គ្រឿងនោះបានក្រឡាប់ គេឃើញកម្លាំងអាវុធលើផ្ទៃប្រទេស ដែលបានសហការជាមួយស្នាក់ការ សន្តិសុខអាវុធហត្ថ៧០៧ស្វាយជ្រះ និង កម្លាំងជំនាញរដ្ឋបាលព្រៃឈើ បានធ្វើការចាប់ឃាត់យក រថយន្ត១គ្រឿង ម៉ាកកាមរី បាឡែន ពណ៌ទឹកប្រាក់ គ្មានស្លាកលេខ ដឹកឈើប្រភេទ លេខ១ (សុក្រម) ពេញ ដែល បានបែកកង់ក្រឡាប់ធ្លាក់ ចូល ប្រឡាយថ្ងាជើងទៅមុខលែង រួច ចំណែកតៃកុងរថយន្ដត្រូវបាន វាយបំបែកកញ្ចក់រត់គេចខ្លូនបាត់មុនពេលកម្លាំងចម្រុះទៅដល់ ។
សមត្តកិច្ចបានឲ្យដឹងបន្តថា រថយន្តដឹកបទល្មើសខាងលើនេះមិនដឹងកម្មសិទ្ធរបស់អ្នកណានោះទេ ដោយគ្រាន់តែដឹងថានៅពេលដែល រថយន្ដក្រឡាប់ភ្លាម គេឃើញមាន រថយន្ដដ៏ទំនើបមួយគ្រឿងម៉ាកណាវ៉ារ៉ា បើកមករេរ៉ាបំរ៉ុងរំដោះយករថយន្ដ ដឹកឈើដែលក្រឡាប់ តែត្រូវបានកំលាំងអាវុធហត្ថលើផ្ទៃប្រទេសទៅទាន់ ក៏បើកគេចខ្លួនបាត់តែម្តង ។
បើតាមសាក្សីនៅកន្លែងកើត ហេតុ និងយោងតាមប្រភពពីប្រជាពលរដ្ឋមួយចំនួនបាន ប្រាប់ឲ្យដឹងថា រថយន្ដដឹកឈើល្មើសច្បាប់ខាងលើគឺជាកម្មសិទ្ធរបស់ថៅកែឈើដ៏ល្បីម្នាក់ រស់នៅ ភូមិកន្ទូត ឃុំកន្ទូត ស្រុកចិត្របូរី ខេត្តក្រចេះ ។
ប្រភពព័ត៌មានដដែលបានឲ្យដឹងបន្តថា ថៅកែឈើម្នាក់ នេះដឹកឈើចេញម្តង គឺពុំមែនតែមួយរថយន្ដនោះទេ គឺគាត់ ដឹកចាប់ ពីរ បី គ្រឿងឯណោះ ហើយកន្លងមក ពុំដែលឃើញគេចាប់បង្ក្រាបម្ដងណាឡើយ ទើបតែពេលនេះទេ ដែលរថយន្ដដឹកឈើខាងលើ ចេញដំណើរដឹកបំរុងយកទៅលក់នៅប្រទេសវៀតណាម តាមផ្លូវជាតិលេខ៧ ឆ្លងកាត់ស្រុកស្នួល ស្របពេលកំលាំងអាវុធហត្តលើផ្ទៃប្រទេស ចុះប្រតិបត្តិការចាប់តែម្ដង៕