ព្រៃវែង ៖ គ្រោះថ្នាក់ចរាចរណ៍មួយបានកើតឡើងរវាងរថយន្តកង់ 10 ដឹកជីដាច់រ៉ូទីល ជ្រុលមកបុកម៉ូតូអស់4គ្រឿង បណ្ដាលឲ្យរងការខូចខាតផ្ទះសម្បែងជាច្រើននិង រងរបួសធ្ងន់ស្ដ្រីម្នាក់ដាច់ជើងស្ដាំ ។
ហេតុការណ៍គ្រោះថ្នាក់ចរាចរណ៍ខាងលើ បានកើតឡើង កាលពីថ្ងៃត្រង់ថ្ងៃទី5 ខែ10 ឆ្នាំ2016 នៅលើកំណាត់ផ្លូវជាតិលេខ 11 វេលាម៉ោង 12 និង 20 នាទី ចំពីមុខផ្សារស្វាយអន្ទរស្ថិតក្នុង
ភូមិពោធិចិន្តាំ ឃំុនឹងស្រុកស្វាយអន្ទរ ខេត្តព្រវែង។
ប្រជាពលរដ្ឋដែលបានឃើញហេតុការណ៍បានឲ្យអ្នកយកពត័មានយើងដឹងថា នៅមុនពេលកើតហេតុ គេឃើញរថយន្ត 1 គ្រឿងម៉ាកហ៊ីយ៉ាន់ដាយពណ៌ស ពាក់ស្លាក លេខ3.B.7010 បើកបរដោយបុរសម្នាក់មិនស្គាល់អត្តសញ្ញាណ ។ ក្រោយពេលកើតហេតុរត់គេចខ្លួនបាត់ ដោយបើកក្នុងល្បឿនលឿនដែលមានទិសដៅពីត្បូងទៅជើង ពេលមកដល់ចំណុចកើតហេតុ រថយន្តបានធ្លាក់ចូលជង្ហុគ រួចដាច់រ៉ូទីល រេចង្កូតជ្រុលមកបុកម៉ូតូ 1 គ្រឿងម៉ាកអាសេឡូ (AXEO) ពាក់ស្លាក់លេខរដ្ឋ17.1.2984 បើកបរដោយឈ្មោះអ៊ឹម សំអនភេទស្រីអាយុ32ឆ្នាំរស់នៅ ភូមិបឹងវេង ឃំុដំរីពួន ស្រុកស្វាយអន្ទរខេត្តព្រៃវែង ហើយរថយន្តបានបន្តទៅបុកម៉ូតូ3គ្រឿងទៀតដែលគេ ចតចោល ហើយហួសទៅបុកតូបអ៊ុតសក់ មិនអស់ល្បឿនបានហួសមកបុករោងមួយទៀត ធ្វើឲ្យប្រជាពលរដ្ឋនៅទីនោះរត់ចែកជើងគ្នាយ៉ាងផះក្រញាំ និងបណ្តាលឲ្យស្ត្រីដែលជិះម៉ូអាសេឡូ ខាងលើគៀបជាប់ជាមួយនិងម៉ូតូក្រោមរថយន្ត រងរបួសយ៉ាងធ្ងន់ធ្ងរ គឺបាក់ជើងខាងស្តាំ និងដាច់មុខជាច្រើនកន្លែង ហើយត្រូវបានប្រជាពលរដ្ឋនាំគ្នាជួយគាស់ទាញយកទៅសង្គ្រោះនៅឯមន្ទីរពេទ្យឯរាជធានីភ្នំពេញ តាមរថយន្តសង្គ្រោះ។ ចំណែកឯអ្នកបើកបររថយន្តវិញ ក្រោយពេលបង្កររួច ក៏ដាក់មេផាយបាត់ស្រមោលតែម្ដង យ៉ាងណាភ្លាមៗនោះ ក៏បានថៅកែចេញមុខមកធានាចេញសងរាល់ការខូចខាតទាំងអស់ ចំណែករថយន្តនិងម៉ូតូត្រូវបានសមត្ថកិច្ចយកទៅរក្សាទុករង់ចាំដោះស្រាយតាមនិតិវិធី៕
