ក្រចេះ ៖ ឯកឧត្ដម សរ ចំរុង អភិបាលខេត្តក្រចេះ បានលើកឡើងដោយក្តីសង្ឃឹមយ៉ាងម៉ុតមាំថា តាមរយៈការបង្កើតសិក្ខាសាលាថ្នាក់តំបន់ដែលរៀបចំដោយក្រសួងមុខងារសាធារណៈ និងលេខាធិការដ្ឋានគណៈកម្មាធិការកែទម្រង់រដ្ឋបាលសាធារណៈ និងជួយជំរុញឲ្យការអនុវត្តការងារកាន់តែមានប្រសិទ្ធភាពដើម្បីបំរើសេវាសាធារណៈជូនប្រជាពលរដ្ឋនិងសេវាសាធារណៈផ្សេងៗនៅក្នុងតំបន់នៃខេត្តទាំង៥។
ការលើកឡើងរបស់លោកអភិបាលខេត្តខាងលើនៅក្នុងកម្មវិធីសិក្ខាសាលាថ្នាក់តំបន់មួយស្តីពី ការជំរុញ និងការតាមដានត្រួតពិនិត្យការអនុវត្ត កម្មវិធីជាតិកំណែទម្រង់រដ្ឋបាលសាធារណៈឆ្នាំ២០១៥-២០១៨ដែលបានរៀបចំនៅខេត្តក្រចេះ នាថ្ងៃទី ០៧ ខែ តុលា ឆ្នាំ ២១៦ ក្រោមអធិបតីភាពឯកឧត្តមកិត្តិបណ្ឌិត ពេជ្រ ប៊ុនធិន រដ្ឋមន្ត្រីក្រសួងមុខងារសាធារណៈ។
ឯកឧត្តមកត្តិបណ្ឌិត ពេជ្រ ប៊ុនធិន រដ្ឋមន្ត្រីក្រសួងមុខងារសាធារណៈ និងជាប្រធានគណៈកម្មាធិការកែទម្រង់រដ្ឋបាលសាធារណៈបានមានប្រសាសន៍ដោយលើកឡើងថានៅក្នុងក្រសួងមុខងារសាធារណៈមានគណៈកម្មាធិការកែទម្រងធំៗក្នុងនោះមាន កែទម្រង់រដ្ឋបាលសាធារណៈ កែទម្រង់វិមជ្ឈការនិងវិសហមជ្ឈការ និងគណៈកម្មាធិការកែទម្រង់ហិរញ្ញវត្ថុ។
ការបង្កើតអង្គសិក្ខាសាលាក្នុងគោលបំណងដើម្បីតំរងទិសផែនការសកម្មភាពដែលបានកែទម្រង់២០១៥-២០១៨ ដើម្បីអភិវឌ្ឍន៍វិស័យមុខងារសាធារណៈ និងពង្រឹងយន្តការតាមដានការអនុវត្តការងារដ្ឋបាលសាធារណៈបន្ថែមលើស្ថាប័នក្រសួងស្ថាប័នថ្នាក់ជាតិ។ តាមរយៈវេទិការសំនួរចម្លើយក្នុងសិក្ខាសាលាពេញមួយថ្ងៃនិងមានការជជែកពិភាក្សាយ៉ាងម៉ត់ចត់។
ឯកឧត្តមកិត្តិបណ្ឌិតក្រសួងមុខងារសាធារណៈបានបញ្ជាក់បន្ថែមថាការអនុវត្តការងារបែបបទរដ្ឋបាលជាភារកិច្ចរបស់មន្ត្រីរាជការសាធារណៈចាប់ពីថ្នាក់ប្រធានមន្ទីររហូតដល់ថ្នាក់ជាតិ ដែលជាអ្នកអនុវត្តការងារកំណែទម្រង់កិច្ចរដ្ឋបាលសាធារណៈឲ្យបានល្អសម្រាប់បំរើផលប្រយោជន៍រួម។
ទន្ទឹមជាមួយគ្នានោះដែរឯកឧត្តមរដ្ឋមន្ត្រីក្រសួងមុខងារសាធារណៈបាបញ្ជាក់បន្ថែមថាការធ្វើកំណែទម្រង់ទាំងកិច្ចការតំឡើងមុខងារ ឋានន្តរសក្តិ ទាំងមន្ត្រីរាជការស៊ីវិល និងកងកម្លាំងប្រដាប់អាវុធឲ្យប្រហាក់ប្រហែលស៊ីសង្វាក់គ្នា ក្នុងនោះក៏មានការធ្វើកំណែទម្រង់ប្រព័ន្ធបៀរវត្សហ៊ានតំឡើងប្រាក់បៀរជូនមន្ត្រីរាជការរហូតដល់១លានរៀលនាពេលអនាគត។
សូមបញ្ជាក់បន្ថែមថា ការរៀបចំសិក្ខាសាលាថ្នាក់តំបន់របស់ក្រសួងមុខងារសាធារណៈនាពេលនេះ គឺដើម្បីប្រមូលយកមតិយោបល់ល្អរបស់ថ្នាក់ដឹកនាំទាំង៥ខេត្ត ក្នុងនោះមាន ក្រចេះ មណ្ឌលគិរី រតនៈគិរី ស្ទឹងត្រែង និងត្បូងឃ្មុំ សម្រាប់កសាងផែនការអនុវត្តកិច្ចការដ្ឋបាលសាធារណៈឲ្យសមស្របទៅតាមតំបន់នីមួយៗរៀងខ្លួន ឲ្យកាន់តែមានប្រសិទ្ធភាពនិងជោគជ័យក្នុងផែនការយុទ្ធសាស្ត្រចតុកោណរបស់រាជរដ្ឋាភិបាល៕
